2026-yil fevral oyining so‘nggi haftasi altkoin bozori uchun juda muhim davr bo‘lishi kutilmoqda. Bu davrda asosiy texnik ko‘rsatkichlar, tokenlarni ochish (yangi tokenlarni chiqarish) va tarmoq yangilanishlari investorlarning e’tiborini tortmoqda. Kriptovalyuta bo‘yicha umumiy kayfiyat ehtiyotkorligicha qolmoqda, biroq ayrim tokenlar hali ham o‘sish uchun imkoniyat ko‘rsatyapti.
«BeInCrypto» (internet nashri) ekspertlari fevral oyining yakunida investorlar kuzatishi lozim bo‘lgan uchta muhim altkoinni tahlil qildi.
Hedera (HBAR) kriptovalyutasi
HBAR tokeni narxi yozilish vaqtida 0,0959 dollar atrofida savdo qilinmoqda va shu darajadagi eng yaqin qo‘llab-quvvatlash chizig‘idan biroz yuqorida turibdi. Ushbu altkoin yaqinda ijobiy texnik namunadan chiqqan, ammo bu harakat hozircha to‘liq tasdiqlanmagan. Kriptobozor harakati sust bo‘layotgani sababli HBARga talab oshmayapti.
Bozordagi sustlik, ya’ni investorlarning ishtiyoqi pasayganligi HBAR token narxining o‘sishini cheklab turibdi, hatto texnik ko‘rsatkichlar yaxshi natija ko‘rsatsa ham. Biroq, «Hedera» (blokcheyn tarmog‘i) 2025-yil dekabr oyida tarmoqdagi ma’lumotlarga kirishni yaxshilash maqsadida bulutli xotiradan blok tugunlariga (tarmoq tugunlariga) o‘tishini e’lon qildi. Tugun operatorlari uchun fevraldan boshlab iyungacha, ya’ni uch oy vaqt berilgan. Shu kabi infratuzilmani yaxshilash choralari tokenning uzoq muddatli qiymatiga ta’sir qilishi mumkin.
Agar bozor kayfiyati yaxshilansa, HBAR narxi $0,1030 dan yuqoriga o‘tib, taxminan 57% ko‘tarilish uchun zamin yarata oladi. Tokenni barqaror sotib olish tendensiyasi davom etsa, ijobiy yo‘nalish tasdiqlanadi. Ammo, kerakli yetarli harakat bo‘lmasa, HBAR $0,0901 dan pastga tushishi mumkin. Bunday pasayishda narx $0,0830 atrofida bo‘lishi mumkin va natijada ijobiy prognoz rad etiladi.
Sui (SUI)
SUI — bu hafta kuzatuvga molik bo‘lgan asosiy kriptovalyuta. Chunki 53,82 million token bozorga chiqarilishi kutilmoqda. Bu umumiy hajmning 0,54 foizini tashkil qiladi va qiymati 47,2 million dollardan ortiq. Tokenlarni chiqarish hodisasi vaqtinchalik savdo narxlariga ta’sir qilish xavfini oshiradi, chunki bozorda tokenlar soni ko‘payadi.
SUI narxi hozirda $0,891 atrofida bo‘lib, Pul Oqimi Indikatori kuchli sotuv hududida. Bunday holat sotuvchilarning kuchi kamayganini va narxda yangi o‘sish boshlanishi mumkinligini anglatadi. Agar investorlar yangi chiqarilgan tokenlarni osonlikcha sotib olsalar, SUI oxirgi uch hafta davom etgan tor savdo oralig‘idan chiqib, $1,060 ustiga ko‘tarilishi va $1,326 ga yo‘l olishi mumkin.
Biroq, yangi chiqarilgan tokenlarga yetarli talab bo‘lmasa, narx pasayishi mumkin. $0,874 darajasidagi qo‘llab-quvvatlash yo‘qolsa, bozorga yana bosim kuchaydi, degani. Bunday hollarda SUI narxi $0,778 atrofida bo‘lishi mumkin. Kengroq kriptovalyuta bozori kayfiyati yomonlashsa, pasayish $0,629 gacha chuqurlashishi ehtimoli bor.
Kite (KITE)
KITE altkoini fevral davomida bir necha marotaba yangi tarixiy eng yuqori narxlarni o‘rnatdi va bu treyderlar diqqatini jalb qilmoqda. Hozirda bu altkoin $0,257 qiymatida savdoda, o‘tgan hafta esa $0,288 bilan yangi tarixiy maksimum qayd etildi. Bunga yuqori savdo hajmi va kuchli xarid bosimi yordam berdi.
KITE so‘nggi cho‘qqisidan taxminan 12,3% past narxda harakatlanmoqda va ijobiy yo‘nalish kuchayib borayotganini ko‘rsatmoqda. Agar bozorga sarmoya kirishi davom etsa, texnik ko‘rsatkichlar yanada o‘sish bo‘lishini bildiradi. Agar narx $0,288 dan yuqoriga chiqsa, yangi xaridorlarni jalb qilishi mumkin. Bunday vaziyatda KITE yana bir bosqich yuqori – $0,328 atrofidagi qarshilikka ko‘tarilishi ehtimoli bor.
Lekin qisqa muddatli foyda olish uchun savdolar kuchaysa, narxda bosim paydo bo‘lishi mumkin. $0,240 dan pastga tushish bozorni ijobiy boshqarayotganlar kuchsizligini ko‘rsatadi. Eng muhim daraja – $0,192. Agar KITE shu darajadan ham pastga tussa, bu umumiy narx trendining o‘zgarishiga va davomli pasayish bosqichiga olib keladi.
