2025-yil mart oyining uchinchi haftasida kriptovalyuta bozori $438 milliondan ortiq qiymatdagi yangi tokenlarni kutib oladi. Eng yirik loyihalar, jumladan, «LayerZero» (ZRO), «Lombard» (BARD) va «River» (RIVER) kabi tashkilotlar tomonidan muhim hajmdagi yangi tokenlar chiqariladi.
Ushbu tokenlarning bozorga kirishi o’zgaruvchanlikni oshirishi va qisqa muddatli narx harakatlariga ta’sir qilishi mumkin. Shuning uchun, asosiy e’tibor qaratiladigan asosiy ma’lumotlarni ko‘rib chiqamiz.
1. LayerZero (ZRO)
- Chiqarilish sanasi: 20-mart
- Chiqariladigan tokenlar soni: 25,71 million ZRO
- Bozorga chiqarilgan ta’minot: 455,67 million ZRO
- Umumiy ta’minot: 1 milliard ZRO
«LayerZero» (protokol) bu — turli blokcheynlarni bog’lovchi hamda ular orasida axborot almashinuvi uchun qulay imkoniyatlar yaratadigan tizimdir. Uning asosiy vazifasi — turli blokcheyn tarmoqlarining o’zaro uzluksiz ishlashini ta’minlash. Bu orqali markazlashmagan ilovalar (dApp’lar) bir nechta blokcheynlar bilan aloqada bo’lishi va an’anaviy ko‘prik (bridging) modellariga tayanmay ishlay oladi.
20-mart kuni loyiha jamoasi 25,71 million tokenni chiqarsa, bu bozordagi umumiy hajmning 5,64 foizini tashkil etadi. Bu ta’minot qiymati tahminan 55,53 million dollarni tashkil qiladi.
«LayerZero» jamg‘armasi 13,42 million altkoinni strategik hamkorlarga ajratadi. Asosiy ishtirokchilar 10,63 million ZRO oladi. Qolgan 1,67 million ZRO esa loyiha jamoasi tomonidan qayta sotib olingan tokenlar hisoblanadi.
2. Lombard (BARD)
- Chiqarilish sanasi: 18-mart
- Chiqariladigan tokenlar soni: 30 million BARD
- Bozorga chiqarilgan ta’minot: 269,85 million BARD
- Umumiy ta’minot: 1 milliard BARD
«Lombard» protokoli (markazlashmagan moliyaviy tizim) «Bitkoin»dan likvidlikni ochadi. Ya’ni, foydalanuvchilar o‘z «Bitkoin»ini suyuq (tez aylanuvchan) va daromad keltiruvchi aktivga almashtirishlari mumkin. Bu esa ularni boshqa markazlashmagan moliyaviy ekotizimlarda ham ishlatish imkonini beradi.
18-mart kuni loyiha 30 million BARD chiqaradi, bu 32,43 million dollar atrofida baholanmoqda. Ushbu tokenlar umumiy chiqarilgan ta’minotning 11,09 foizini tashkil etadi.
Ta’minot ikki qismga bo‘linadi. «Lombard» tashkiloti birinchi mavsum airdrop uchun 15 million altkoin, ikkinchi mavsum uchun esa yana 15 million token ajratadi.
3. River (RIVER)
- Chiqarilish sanasi: 22-mart
- Chiqariladigan tokenlar soni: 1,11 million RIVER
- Bozorga chiqarilgan ta’minot: 45,66 million RIVER
- Umumiy ta’minot: 100 million RIVER
«River» (protokol) — bu zanjirlarni birlashtiruvchi barqaror token (stablecoin) tizimini yaratishga yo‘naltirilgan loyiha. Foydalanuvchilar bir blokcheyn tarmog‘ida aktivlarini ta’minot sifatida qo‘yib, boshqa zanjirda token chiqarish imkoniga ega. Bu tizim ko‘proq daromad olish, ko‘paytirish, va bir nechta tarmoqlarda kengayishga yo‘l ochadi.
Loyiha jamoasi 22-mart kuni 1,11 million RIVER tokenini chiqaradi, umumiy qiymati taxminan 25,47 million dollarni tashkil qiladi. Ushbu tokenlar chiqarilgan ta’minotning 2,39 foiziga teng. Bundan tashqari, ekotizim jamg‘armasi barcha chiqarilayotgan tokenlarni oladi.
Bundan tashqari, mart oyining uchinchi haftasida boshqa yirik tokenlar ham chiqariladi. Ular orasida «YZY» (YZY), «Kaito» (KAITO), «Arbitrum» (ARB) kabi loyihalar ham bor. Bu esa bozorda umumiy chiqarilayotgan tokenlar sonining yanada oshishiga olib keladi.
