«Aave» (markazlashmagan kredit berish protokoli, ya’ni moliyaviy tashkilot) yangi «Aave Shield» funksiyasini joriy etishni rejalashtirmoqda. Bu yangilik — foydalanuvchi token almashtirishda qariyb 50 million dollar yo‘qotganidan so‘ng joriy qilinmoqda.
«Aave Shield» ishga tushirilgandan so‘ng, narx o‘zgarishi 25 foizdan oshgan har qanday almashtirish avtomatik tarzda to‘xtatiladi. Agar foydalanuvchi bu cheklovni o‘chirib tashlashni istasa, funksiyani sozlamalar bo‘limida o‘zi o‘chirishi kerak bo‘ladi.
«Tez orada biz yangi “Aave Shield” funksiyasini ishga tushiramiz. U aave.com interfeysidagi almaşuv funksiyasidan foydalanuvchilar uchun ko‘proq himoya taqdim etadi», — deb yozdi «Aave» (markazlashmagan moliyaviy tashkilot) jamoasi X ijtimoiy tarmog’idagi sahifasida. «Aave Shield» tasodifiy tasdiqlashlarning oldini olish uchun qo‘shimcha himoya qatlamini taqdim etadi, shu bilan birga ilg‘or foydalanuvchilar uchun ham ruxsatlarsiz ishlash imkoniyatini saqlab qoladi».
Yangi tashabbus bir foydalanuvchi bitta tranzaksiyada taxminan 50 million dollar yo’qotganidan so‘ng ishlab chiqildi. 12-mart kuni foydalanuvchi «Aave» (markazlashmagan moliyaviy tashkilot) interfeysiga biriktirilgan «CoW Swap» routeri orqali 50 432 688 aEthUSDT tokenni aEthAAVE ga almashtirmoqchi bo‘ldi. Natijada esa, atigi qiymati 36 400 dollar boʻlgan 327 ta aEthAAVE oldi. Demak, foydalanuvchi deyarli hamma mablag‘ini yo‘qotgan.
«Bu holatda muammo slipij emas, balki bozorning yetarli likvidlikka ega emasligi edi. Foydalanuvchiga taklif qilingan narx allaqachon bozor narxidan 99,9 foiz past bo‘lgan. Sababi — savdo hajmi mavjud likvidlik miqdoridan juda katta edi. Salbiy natija taklif qilingan narx bo‘yicha tasdiqlanganidan yuzaga keldi, narx savdo jarayonida o‘zgarmagan», — deya izoh berdi «Aave» (markazlashmagan moliyaviy tashkilot).
«Aave» (markazlashmagan moliyaviy tashkilot) ma’lum qilishicha, foydalanuvchiga aniq ogohlantirish ko‘rsatilgan va mablag‘ butunlay yo‘qolishi mumkinligini tasdiqlovchi belgini mustaqil tarzda tanlashi so‘ralgan. Ichki audit natijalari foydalanuvchi ushbu ogohlantirishni mobil qurilmada tasdiqlaganini ko‘rsatgan.
«Aave» (markazlashmagan moliyaviy tashkilot) ta’kidlashicha, protokolning o‘zi hech qachon xavf ostida bo‘lmagan. Jamoa, shuningdek, ushbu tranzaksiyadan 110 368 dollar atrofida almashuv to‘lovlari olganini bildirdi. Ular, foydalanuvchi jamoaga bog‘lanib, tekshiruvdan o‘tsa, ushbu summani qaytarib berishlarini ham ma’lum qilishdi.
