AAVE tokeni dushanba kuni Osiyo sessiyasining dastlabki soatlarida 10 foizga arzonlashdi. Bu o‘zgarish boshqaruv masalalaridagi ziddiyatlar sababli yuzaga kelgan 50 million dollarlik sotuvdan so‘ng sodir bo‘ldi.
Bu tushish «Aave Labs» kompaniyasi rahbari Stani Kulechov boshchiligidagi jamoa, token egalari roziligisiz DAO (markazlashmagan avtonom tashkilot) g‘aznasidan millionlab dollarlik swap (almashtirish) to‘lovlarini boshqa yo‘nalishga o‘tkazgani haqidagi ayblovlar fonida yuz berdi. Bu holat markazlashmagan boshqaruv va asoschilar nazorati masalasida bahs-munozaraga sabab bo‘ldi.
Daromad bo‘yicha kelishmovchilik hamjamiyat noroziligiga sabab bo‘ldi, AAVE narxi 10 foizga pasaydi
DAO atrofidagi boshqaruv mojarosi va daromadlar bilan bog‘liq bahslar davomida, AAVE narxi so‘nggi 24 soat ichida 10 foizdan ko‘proqqa tushdi va hozirda $159.86 atrofida savdolashmoqda.
Janjal «Aave» saytining old tomonida CowSwap platformasi ParaSwap platformasining o‘rniga integratsiya qilinishi bilan bog‘liq. Tanqidchilar fikriga ko‘ra, bu o‘zgarish «Aave Labs» kompaniyasi CowSwap platformasidan grant olgach amalga oshirildi va natijada DAO yillik 10 million dollargacha bo‘lgan daromadni yo‘qotgan.
Orbit delegati tomonidan yozilgan ochiq xatda aytilishicha, ParaSwap integratsiyasi har haftada DAO uchun taxminan 200 ming dollar daromad keltirgan.
DeFi (markazlashmagan moliya) jamiyati a’zolari, ushbu toʻlovlarning yo‘naltirilishi DAO’ning asosiy markazlashmagan boshqaruv tamoyillariga ziyon yetkazadi, deb hisoblashmoqda.
Stani Kulechov va «Aave Labs» kompaniyasi, frontend faoliyatidan tushgan daromad asosiy protokol daromadidan ajratilgan va doimo ixtiyoriy bo‘lganini ta’kidlamoqdalar.
Biroq, bosh direktor Stani Kulechovning ikki holatda ham yetakchi rol o‘ynashi va protokol aktivlariga nazorat o‘rnatishi mumkinligi bo‘yicha savollar mavjud. Bu esa manfaatlar to‘qnashuvi yuzaga kelishi xavotirlarini keltirib chiqardi.
DAO muvofiqlik taklifi Snapshot bosqichiga ko’chirildi
Muammoni hal qilish uchun Stani Kulechov, bahsli DAO orasidan muvofiqlashtirish taklifini Snapshot platformasida rasmiy ovozga qo‘ydi.
Loyiha asosiy brend aktivlari — domenlar va ijtimoiy tarmoqlardagi akkauntlarni «Aave Labs» kompaniyasidan DAO’ga o‘tkazishni maqsad qilgan.
«Odamlar bu munozaradan charchadi, ovoz berishga o‘tkazish – eng yaxshi yechim. Kun oxirida bu boshqaruv masalasi», — dedi Stani Kulechov ijtimoiy tarmog’i X orqali va token egalari o‘z fikrini bildirishlarini so‘radi.
Biroq, bozor ishonchi past bo‘lib turibdi. «Polymarket» platformasi (kripto bozor prognoz tashkiloti) ko‘rsatkichlariga ko‘ra, bu taklif qabul qilinish ehtimoli atigi 25 foizni tashkil qilmoqda, bu esa haftaning boshiga qaraganda 26 punktga kam.
Jamiyat vakillari, masalan Tulip King, ovoz natijasi salbiy bo‘lsa, AAVE narxi yanada pasayib ketishi mumkinligini aytishmoqda.
Bozor va boshqaruvga ta’siri
Bu voqea DAO’larning oldida turgan muammolarni ochib beradi: ishlab chiquvchilar, xizmat ko‘rsatuvchilar va token egalari manfaatlarini birlashtirish, shu bilan birga chinakam markazsiz boshqaruvni saqlash kerak.
Tanqidchilar boshqa modellarni, masalan, «Hyperliquid» markazlashmagan birja tajribasini namuna sifatida ko‘rsatmoqda. Bu yerda deyarli barcha daromad tokenlarni qaytarib sotib olishga yo‘naltiriladi va jamoaning o‘zi ham to‘lovni mahalliy tokenlarda oladi. Ular «Aave» uchun ham shunday yondashuvni tavsiya etmoqda.
«Balki ular, «Hyperliquid» tajribasiga qarashlari kerakdir: bu yerda daromadning 99 foizi HYPE tokenlarini qayta sotib olishga sarflanadi. Jamoa esa HYPE tokenini qo‘llaydi va ularda mukofot oladi. Hamma yutadi. Nega «Aave Labs» xuddi shundoq qilolmaydi? Pirog allaqachon etarlicha katta emasmi? Yoki DAO’larning o‘zi boshidan nuqsonlimi?», — dedi tahlilchi Duo Nine ijtimoiy tarmog’i X sahifasida.
Snapshot platformasida taklif qabul qilinishi uchun 320 000 YAE ovozi va raqib variantlardan kamida 80 000 ta ko‘proq ovoz bo‘lishi zarur. Ovoz berish uch kun davom etadi, bu davrda token egalari kelgusi harakatlar haqida o‘ylab ko‘rishlari mumkin.
Shu orada, AAVE tokenining massiv sotilishi bozordagi boshqaruvdagi ochiqlik va shaffoflik borasidagi xavotirlarni ko‘rsatmoqda. Token egalari uchun muhim savol: protokol daromadi chindan ham DAO manfaatiga xizmat qiladimi yoki xususiy manfaatlarga emasmi?
Jamiyat ovoz berishga tayyorlanar ekan, natija «Aave» platformasi va kengroq DeFi (markazlashmagan moliya) ekotizimi uchun muhim tajriba va turtki bo‘lib xizmat qilishi mumkin.
