Pro-texnologiyaga yo‘naltirilgan siyosiy harakat qo‘mitalari (PAClar) Nyu-York Assambleyasi a’zosi Alek Boresga qarshi Demokratik partiyaning dastlabki saylovida hujum qilmoqda, uni ishonchsiz deb topilgan Sam Bankman-Fridning 2022-yildagi donorlar tarmog‘i bilan bog‘lamoqda.
Ushbu hujumlar butun sunʼiy intellekt (AI) sanoati tomonidan sohani dushman deb hisoblaydigan nomzodlarni mag‘lub qilish uchun olib borilayotgan kengroq harakatlarning bir qismi hisoblanadi.
Nima uchun yirik texnologiya kompaniyalari zerikarli sohalarga kirib kelmoqda
«Think Big» PAC («Leading the Future» – AI sanoatini qo‘llab-quvvatlovchi Super PAC tarmog‘iga aloqador siyosiy harakat qo‘mitasi) ma’lumotlarga ko‘ra Nyu-Yorkning 12-kongress okrugidagi saylovchilarga bosma tashviqot materiallarini tarqatgan.
Ushbu materiallarda Alek Bores saylov kampaniyasiga «FTX» markazlashmagan kriptovalyuta birjasi asoschisi, 2023-yilda firibgarlik va pul yuvishda aybdor deb topilgan Sam Bankman-Fridning sheriklari yordam bergani iddao qilinadi.
«Think Big» PAC ishtiroki Alek Boresga qarshi davomli kurashda navbatdagi bosqich bo‘ldi. Bu PAC ilgari ham Boresga qarshi e’lonlarda ishtirok etgan, xususan, uning o‘tmishda «Palantir»– ma’lumotlarni tahlil qilish firmasi –da ishlashini tanqid qilgan edi. E’tiborli tomoni shundaki, ushbu guruh homiylaridan biri aynan «Palantir» asoschilaridan hisoblanadi.
Alek Bores ilgari namoyish etilgan ushbu reklamalar yuzasidan guruhga rasmiy ogohlantirish xatini yuborgan, ularning asossiz va obro‘sizlantiruvchi ma’lumotlar ekanini bildirgan.
Ushbu usul ataylab tanlangan, ya’ni ular saylovchi bilan firibgarning bog‘lanishi siyosiy xavfni oshiradigan sobit demokratlar yashovchi Manxetten tumanida yuritilmoqda.
Butun mamlakat bo‘ylab esa, ushbu poyga, yirik texnologik kompaniyalar sunʼiy intellektni tartibga solishni qo‘llab-quvvatlaydiganlarni qanchalik faol nishonga olishlari bo‘yicha sinov sifatida qaralmoqda.
Aaslida, hujumlarning sababi — Alek Boresning sunʼiy intellekt sohasidagi qonunchilik faoliyati. Uning o‘tgan yili qabul qilingan RAISE qonuni sunʼiy intellekt kompaniyalariga o‘z modellarining xavfsizligini tekshirishi va natijalarni ochiq e’lon qilishi talabini yuklaydi.
Aynan mana shu faoliyati, Alek Boresni «Leading the Future»– AI sohasini qo‘llab-quvvatlovchi Super PAC tomonidan yuritilayotgan kampaniyada tabiiy birinchi nishonga aylantirdi.
Sunʼiy intellekt kriptovalyuta strategiyasidan foydalanmoqda
O‘tgan yil noyabr oyida «Leading the Future» (AI sanoatini qo‘llab-quvvatlovchi Super PAC tashkiloti) Alek Boresni birinchi nishon deb e’lon qilgan edi. Ushbu guruh homiylari orasida «OpenAI» sunʼiy intellekt kompaniyasi asoschilaridan Greg Brokman, «Andreessen Horowitz» venchur kapital kompaniyasi va 70 million dollar mablag‘ borligi haqida «Politico» axborot agentligi ma’lumot berdi.
Ularning rahbariyati qaysi kampaniya samarali bo‘lsa, aynan shu yo‘ldan borilishini bildirgan. Bankman-Frid orqali hujum qilish — aynan shu strategiyaning navbatdagi misoli hisoblanadi.
Ushbu yondashuv 2024-yilda kriptovalyuta sohasida muvaffaqiyatli qo‘llanilgan strategiyaga o‘xshaydi. O‘sha yili «Fairshake» (kriptovalyutaga e’tibor qaratgan Super PAC tashkiloti) raqamli aktivlarga shubha bilan qaragan siyosatchilarga qarshi ko‘p mablag‘ sarfladi. Aytishlaricha, ushbu chora Ohio shtati senatori Sherrod Braunning federal lavozimda 30 yildan ortiq ishlaganidan so‘ng, o‘z o‘rnidan ayrilishiga sabab bo‘lgan. «Leading the Future» ham aynan shu PAC bilan birga harakat qiladi.
Sam Bankman-Frid 2022-yilgi siyosiy mavsumda mamlakatdagi eng yirik siyosiy donorlaridan biri bo‘lgan. U yengil texnologik tartib-qoidalarni qo‘llab-quvvatlovchi nomzodlarga mablag‘ to‘kkan. Hozirgi AI sanoatidagi ko‘plab siyosiy faollar ham o‘sha davrda birgalikda donorlik qilgan edilar.
Shunday qilib, Bankman-Frid nomidan «qurol» sifatida foydalanish – shunday siyosiy muhit natijasidir. «Leading the Future» tashkiloti (AI sanoatini qo‘llab-quvvatlovchi Super PAC) oldiga faqatgina NY-12 okrugi bilan cheklanmay, butun mamlakat bo‘yicha davlat miqyosidagi qonunchilar diqqatini jalb qilishni maqsad qilayotganini ochiq bildirgan.
