«Anthropic» kompaniyasining Sunʼiy intellekt asosidagi «Claude» suhbatboti jiddiy xizmat nosozligiga uchradi va natijada minglab foydalanuvchilar claude.ai platformasiga kira olmayapti. Bu hodisa butun dunyo bo‘ylab dasturchilar va texnologiya sohasidagi jamoalarda ko‘plab munosabatlarga sabab bo‘ldi.
«Anthropic» sunʼiy intellekt kompaniyasining rasmiy holat sahifasiga ko‘ra, “claude.ai tizimida xatoliklar ko‘payishi” haqida hodisa 11:49 UTC (Toshkent vaqti bilan taxminan 16:49) da aniqlangan.
Kompaniya ushbu muammoni faol o‘rganayotganini tasdiqladi. Dastlabki xabarlarga ko‘ra, asosan asosiy veb-interfeysda muammolar kuzatilmoqda. Shu bilan birga, API orqali foydalanish va «Claude Code» kabi xizmatlar ishlashda davom etmoqda.
