«Anthropic» ilmiy tadqiqot markazidan tadqiqotchilar uch mashhur sun’iy intellekt agentlari aqlli shartnomalardagi zaifliklarni avtonom tarzda ekspluatatsiya qilishga qodir ekanligini aniqlashdi. Natijada, qariyb 4,6 million dollar miqdoridagi mablag‘ simulyatsiya qilingan holatda o‘g‘irlandi.
Olimlar yangi joriy etilgan blokcheyn shartnomalarida yangi zaifliklarni ham kashf etishdi. Bu sun’iy intellekt asosida kiberhujumlar yuz berishi va foyda keltirishini ko’rsatmoqda.
AI yordamidagi kiberhujumlar tejamkor bo’lib chiqdi
Dushanba kuni «Anthropic» blogida chop etilgan xabrda sunʼiy intellektning aqlli shartnomalarda zaifliklarni niyoz qilishi qanchalik xavfli ekanligini ko’rsatdi.
Tadqiqot davomida uchta sun’iy intellekt modeli: Claude Opus 4.5, Sonnet 4.5 va GPT-5 blokcheyn shartnomalaridagi zaifliklarni aniqlash va ulardan foydalanishda qobiliyatli ekanliklari ma’lum bo’ldi. Natijada, 2025 yilning martidan so‘ng ochilgan shartnomalardan 4,6 million dollar simulyatsiya qilingan tarzda o’g‘irlandi.
Sun’iy intellekt modellari yaqinda ishga tushirilgan shartnomalarda ikkita yangi zaiflikni ham kashf etdi.
Bir nuqson bu tokendan mukofot olish uchun olib boriladigan hisob-kitob funksiyasini manipulyatsiya qilishga imkon berdi, natijada token balanslari oshirildi. Boshqasi, soxta foyda oluvchi manzillarni kiritib mablag’larni echishga imkon berdi.
GPT-5 modeliga ushbu muammolarni aniqlash hamda ulardan foydalanish uchun faqat $3,476 sarf bo‘ldi. Bu raqam, AI modelidan foydalanish uchun simulyatsiya muhiti ichida ishlatish narxini anglatadi.
Ushbu simulyatsiya qilingan ekspluatatsiyalar 4,6 million dollar o‘g‘irlanishiga olib kelganligi sababli, ularga nisbatan sarf-xarajatlarning pastligi sun’iy intellekt asosida kiberhujumlar nafaqat mumkin, balki iqtisodiy jihatdan manfaatli ekanligini ko‘rsatadi.
Sunʼiy intellekt asosida amalga oshiriladigan ekspluatatsiyalardan daromad ham tez sur’atlar bilan ortib bormoqda.
Fojealardan tushadigan foydaning jadal o’sishi
O‘tgan yil davomida ushbu hujumlardan o‘g‘irlangan mablag‘ har 1,3 oyda taxminan ikki baravar ortib bormoqda.
Bu tez o‘sish sun’iy intellekt asosida ekspluatatsiyalar qanchalik tez foydali va kengayib borayotganini ko‘rsatadi. Modellar zaifliklarni aniqroq topish va hujumlarni yanada samarali bajarishni o‘rganmoqda.
Mablag‘lar o‘g‘irlanishi ortib borar ekan, tashkilotlar bunga javob bera olishni qiyinlashtirmoqda. Eng xavotirli tomoni, sun’iy intellekt bu hujumlarni endi inson aralashuvisiz avtonom tarzda amalga oshira olishidir.
«Anthropic»ning kashfiyotlari kibertahlikada sezilarli oʻzgarishni anglatadi. Sun’iy intellekt nafaqat zaifliklarni aniqlaydi, balki minimal kuzatuv bilan ekspluatatsiya strategiyasini tuzadi va uni amalga oshiradi.
Uning ta’siri kriptovalyuta doirasidan ancha oshib ketadi. Har qanday dasturiy ta’minot tizimi, jumladan, korxona ilovalaridan moliya xizmatlarigacha zaif bo’lishi mumkin.
