«Apollo Global Management» investitsiya kompaniyasi o‘zining eng yirik, savdo qilinmaydigan xususiy kredit fondlaridan biri – «Apollo Debt Solutions» jamg‘armasida investorlarning pulini yechib olish imkoniyatiga cheklov kiritdi.
Aktsiyadorlarga yuborilgan xatda aytilishicha, investorlar taxminan 11,2 foiz mablag‘ni qaytarib olishni so‘raganidan so‘ng, yechib olishlar joriy aktsiyalarning 5 foizi bilan cheklanmoqda. So‘nggi haftalarda boshqa xususiy kredit jamg‘armalarida ham shunga o‘xshash cheklovlar joriy qilindi. Bu esa 1,8 trillion dollarlik xususiy kredit bozorida xavotirlarni kuchaytirmoqda.
«BlackRock» aktivlarni boshqaruvchi kompaniya ham mart oyining boshida, investorlardan so‘rovlar sof aktiv qiymatining 9,3 foiziga yetganidan so‘ng, o‘zining 26 milliard dollarlik «HPS Corporate Lending Fund» fondida 5 foizlik chegara joriy qilgan shunga o‘xshash choralarni ko‘rdi.
«Blue Owl Capital» investitsiya kompaniyasi esa «Blue Owl Capital Corp II (OBDC II)» chakana investorlar uchun fondida har chorakda mablag‘ olish imkoniyatini butunlay to‘xtatdi. Endi u portfel aktivlarini sotish orqali vaqti-vaqti bilan to‘lovlarni amalga oshiradi.
Mablag‘larni qaytarish bo‘yicha arizalar sonining oshishi investorlarning dasturiy taʼminot sohasi kompaniyalariga berilgan kreditlari uchun tashvishlar ortib borayotganini ko‘rsatmoqda. Hozirda bu soha «Sunʼiy intellekt (AI)» texnologiyalari tarafidan bosim ostida qolmoqda va yangi chaqiriqlarga yuz tutmoqda.
Yirik moliya tashkilotlari harakatlari ham bu tashvishlarni kuchaytiradi. Masalan, «Goldman Sachs» va «JPMorgan» banklari xedje fondlarga xususiy kredit bozori narxining pasayishidan foyda olish (qisqa sotish) imkonini bermoqda.
Eng so‘nggi yangiliklardan voqif bo‘lish uchun bizni «X» ijtimoiy tarmog‘i orqali kuzatib boring
Ayni vaqtda, xalqaro reyting agentligi «Moody’s» «FS KKR Capital Corp.» (FSK) kompaniyasining reytingini pasaytirdi. «FS KKR Capital Corp.» kompaniyasi – «Future Standard» va «KKR & Co» investitsiya kompaniyalari hamkorligida boshqariladi. Reyting Baa3 darajasidan Ba1 darajasiga tushirildi.
«Reytingning pasayishi «FSK»ning uzluksiz aktiv sifatidagi muammolari natijasida raqib kompaniyalarga nisbatan foyda va sof aktivlarning pasayishi bilan yuzaga keldi. Bundan tashqari, reyting pasayishi boshqa salbiy jihatlarga – kompaniyaning qarzdorligi raqobatchilariga nisbatan yuqori, aktivlarning asosiy qismi esa pastroq darajadagi xavfsiz aktivlardan iborat bo‘lishi bilan bog‘liq. Shuningdek, «FSK» kafolatlangan qarzga ko‘proq tayanmoqda va bu ko‘rsatkich boshqa kompaniyalarnikidan yuqori ekan, bu tendensiya uzoq davom etishi mumkin. Shunga qaramay, «FSK» likvidlik nuqtai nazaridan yaxshi holatda – ularda kredit liniyalari yetarli, uzoq muddatli qarz majburiyatlarini esa rejalashtirilgan tartibda to‘lash imkoniyati mavjud», – deyiladi xabarnomada.
Bu o‘zgarishlar xususiy kredit bozoridagi ortib borayotgan bosimni ko‘rsatadigan navbatdagi misoldir. Investorlar orasidagi pulni yechib olish istagi kuchaymoqda, «Sunʼiy intellekt» esa dasturiy taʼminot uchun berilgan kreditlarga bosim o‘tkazmoqda. Bu sohaning o‘sishiga turtki bo‘lgan kreditlarning barqarorligi zaiflashmoqda. Bozor barqarorligi, investitsiyalar barqarorligi, kelajak barqarorligi – hozirning o‘zida xavf ostida qolmoqda.
Keyingi chorakda fond boshqaruvchilari qanday yo‘l tutishi muhim bo‘ladi. Investorlar likvidlik (tez pulga aylantirish) talab qilmoqda. Lekin ularning portfellarida aktivlarning aksariyati yuqtirish qiyin yoki uzoq muddatli sarmoyalardan iborat. Shunday vaziyatda bosim o‘z joyida qoladimi yoki yanada kuchayadimi – bunga vaqt javob beradi.
