Bitkoin yana makroiqtisodiy bosim ostida qoldi. Sababi, AQSHda so‘nggi bandlik hisobotidan so‘ng mehnat bozori oldindan kutilganidan ko‘ra mustahkamroq ekani ayon bo‘ldi. Bu esa, AQSH G‘aznachilik obligatsiyalari daromadliligini oshirdi va Federal Rezerv tizimi (AQSH markaziy banki) tomonidan yaqin orada foiz stavkalarini pasaytirish ehtimolini kamaytirdi.
AQSH iqtisodiyotida yanvar oyida 130 mingta yangi ish o‘rni yaratildi. Bu ko‘rsatkich hamma kutganidan deyarli ikki barobar yuqori. Shu bilan birga, ishsizlik darajasi 4.3% gacha tushdi. Bu esa mehnat bozori hanuz barqarorligini ko‘rsatadi.
Kuchli bandlik nafaqat iqtisodiyot uchun ijobiy, balki Bitkoin kabi xavfli aktivlar uchun ham ancha noaniqliklarni yuzaga keltiradi.
Kuchli bandlik ma’lumotlari foiz stavkalarini pasaytirish bo‘yicha kutishlarni kechiktirdi
Bozor ishtirokchilari yaqin kelajakda foiz stavkalari kamayishi mumkin, degan umidda edilar. Sababi, iqtisodiy o‘sish sur’ati sekinlashishidan xavotirlar bor edi. Ammo mehnat bozori kuchli bo‘lishi tufayli, markaziy bank tez orada pul bozorini yumshatishi ehtimoli kamaymoqda.
Natijada, investorlar Federal Rezerv tizimi (AQSH markaziy banki) siyosatiga nisbatan o‘z kutganlarini qayta ko‘rib chiqmoqda.
Obligatsiya bozori zudlik bilan javob qaytardi. AQSHning 10 yillik G‘aznachilik obligatsiyalari daromadliligi 4.2% darajasiga ko‘tarildi va hisobotdan so‘ng bir nechta punktga oshdi. Ikki yillik daromadlar ham yuqorilab, yaqin orada foizlarni pasaytirish ehtimoli pastligini aks ettirmoqda.
Daromadlarning oshishi moliyaviy sharoitlarni toraytiradi. Ya’ni iqtisodiyotda qarz olish narxi ortadi va xavfli aktivlarni baholash uchun ishlatiladigan chegirma stavkalari oshadi.
Nega yuqori daromadlar Bitkoin narxiga bosim o’tkazadi
Bitkoin likvidlik sharoitlariga juda sezgir. G‘aznachilik obligatsiyalari daromadi oshganda, sarmoya ko‘proq xavfsiz va doimiy daromad keltiradigan aktivlar – davlat obligatsiyalariga ko‘chadi.
Shu bilan birgalikda, dollar kursining mustahkamlanishi ham kuzatiladi. Kuchli dollar esa global likvidlikni qisqartiradi va spekulyativ aktivlar – xavfli tokenlar uchun sarmoya kiritish qiziqarli bo‘lishini pasaytiradi.
Bunday holatlar kriptovalyuta bozori uchun salbiy muhit keltirib chiqaradi.
Haftaning boshida Bitkoin qisqa vaqtga $70 000 atrofida barqarorlashdi. Ammo bandlik haqidagi yangi ma’lumotlar volatil (beqaror) vaziyatlarning kuchayishini bildiradi. Federal Rezerv tizimi pul bozorini yumshatishga aniq signal bermas ekan, likvidlik cheklangan bo‘lib qoladi.
«Bitkoin uchun bu hisobot qisqa muddatda og‘ir sharoitlarni yuzaga keltiradi. Bu darajadagi ortiqcha prognoz mart oyida foizlarni tushirish ehtimolini pasaytiradi va Federal Rezerv tizimi 3.50%-3.75% darajada to‘xtab turishini kuchaytiradi. Narxlarning barqaror o‘sishi uchun zarur bo‘lgan arzon pul omili orqaga surildi. Dollar mustahkamlanishda, obligatsiya daromadi esa yana oshishi kutilmoqda. Bu esa, ayni vaqtda, Bitkoin narxini belgilangan oraliqda ushlab turishiga olib keladi», – dedi «21shares» investitsiya kompaniyasi kripto mutaxassisi Devid Ernandes «BeInCrypto» yangiliklar portali bilan suhbatda.
Bozor tuzilmasi makroiqtisodiy bosimni kuchaytiradi
So‘nggi pasayish Bitkoin qanday qilib makroiqtisodiy siljishlarga sezgir bo‘lib qolgani namoyon bo‘ldi. Yirik ETF (birja investitsiya fondlari) sarmoyalari, institutsional hedj qilish va qarz yordami bilan o‘ynaladigan pozitsiyalar moliyaviy sharoitlar torayganda harakatlarni tezlashtiradi.
Kuchli mehnat bozori Bitkoin kelajakda tushadi, degani emas. Lekin bu holat, Bitkoin bo‘yicha optimistik taxminlar asoslaridan biri bo‘lgan — pul bozorini yumshatish kutilyotgan paytdagi afzalliklarni kamaytiradi.
«Qisqa muddatda, Bitkoin ehtiyotkorona harakat qilmoqda. Asosiy daraja — $65 000. Agar bu kuchli natijalar vaqtinchalik bo‘lib chiqsa va iqtisodiyot qayta jonlanayotganini anglatmasa, Federal Rezerv tizimi yil o‘rtalarida foizlarni tushirishi mumkin. O‘sha paytda Bitkoinning cheklangan miqdori yana ahamiyatli bo‘ladi. Kuchli ko‘rsatkichlar o‘sish boshlanishini sekinlashtirsa-da, uzoq muddatli optimistik taxminlarni yo‘q qilmaydi», — deya ta’kidladi Ernandes.
Xulosa
So‘nggi bandlik ma’lumotlari «foiz stavkalari uzoq vaqt yuqoriligicha qoladi» degan muhitni tasdiqladi.
Bitkoin uchun bu holat birdaniga inqiroz bo‘lishi shart emas. Ammo uzoq davom etadigan barqaror o‘sish sharoitlarini murakkablashtiradi.
Agar likvidlik yaxshilanmasa yoki obligatsiyalar daromadi pasaymasa, hozirgi makroiqtisodiy vaziyat kriptovalyuta bozorlari uchun ko‘proq ehtiyotkorona muhit yaratadi.
