«Maelstrom» oilasiga tegishli investitsiya tashkilotining bosh investitsiya boshqaruvchisi Artur Xeys, taxminan 22,28 million dollarlik kriptovalyutani o‘zining yo‘nalish kitobidan sotdi. Xeys ushbu chiqishini «X» ijtimoiy tarmog‘i orqali tasdiqladi va bozorni bir muddat chetga surib, kuzatishni rejalashtirayotganini ma’lum qildi.
Ushbu post, uning oy boshida bildirgan boshqa ohangdagi gaplaridan farqlanadi. 15-oktabrda, Artur Xeys treyderlarga «Bitkoin» va «Efirium» tokenlarini uzoq muddat sotib olishni va kelajakda bozor rag‘batlantirilishini tavsiya qilgan edi.
Artur Xeys nima sotdi va chiqish orqali u qanday sabablarni ko‘rsatdi?
«Lookonchain» (analitik tashkilot) ma’lumotlariga ko‘ra, Xeysning eng yirik savdosi 6 400 ta «Efirium» tokeni bo‘lgan va buning qiymati 15,2 million dollarni tashkil qildi. U shuningdek, 14 million «Ethena» (ENA) tokenini 2,76 million dollarga va 323 000 «Uniswap» (UNI) tokenini 2,24 million dollarga sotgan.
Kichikroq savdolar qatoriga 1,89 million «Ether.fi» (ETHFI) tokeni va «Aerodrome Finance» (AERO), «Pendle» (PENDLE) hamda «Zama» (ZAMA) tashkilotlaridagi ulushlar kiradi.
Xeys ushbu chiqishini postda tasdiqlab, asosiy sabab sifatida global iqtisodiy vaziyat va geosiyosiy tavakkalchiliklarni keltirdi.
Bu safar Xeys savdoni foyda bilan yakunladimi?
Xeys «Efirium» va «ENA» tokenlaridan foyda olib sotganini ta’kidladi. «Lookonchain» uning 6 400 «Efirium» tokenini 15,2 million dollarga baholab, har bir tokenga taxminan 2 375 dollar to‘g‘ri kelishini bildirdi. Lekin ularning xarid narxi ochiqlanmagan.
«ENA» tokenidagi vaziyat yanada ravshan. Avgust oyining boshida u 9,05 million «ENA» tokenini atigi 773 000 dollarga, ya’ni har bir tokenga 0,085 dollar atrofida sotib olgan edi.
«Lookonchain» ma’lumotiga ko‘ra, shanba kuni «ENA» tokenlari sotilganda ularning har birining narxi taxminan 0,20 dollar bo‘lgan. Ammo avgust oyida sotib olingan tokenlarning aynan shular ekani rasman tasdiqlanmagan.
Xeysning so‘nggi sarmoyalari esa unchalik ham muvaffaqiyatli bo‘lmadi. Oktabr oyi o‘rtalarida u «Aerodrome», «Pendle» va «Zama» tokenlarini sotib olgani haqida «Lookonchain» xabar qilgan edi.
U ushbu tokenlarga taxminan 889 000 dollar sarflab, ularni 856 000 dollarga sotgan. Narxlar keyingi savdo vaqtidagi «Lookonchain» hisob-kitoblariga asoslanadi. Natijada, uning yo‘qotishi qariyb 33 000 dollar bo‘lgan.
Pasayish faqat Xeys tokenlaridagina emas
Xeys bozordan chiqqanida, umuman kriptovalyuta bozorida ham pasayish kuzatilayotgan edi. «BeInCrypto Markets» (marketing tashkiloti) ma’lumotlariga ko‘ra, so‘nggi bir oy ichida u sotgan yettita tokenning oltitasi qadrsizlangan.
Bu pasayish natijasida, Xeys ilgari bergan narx prognozlari ham turlicha talqin qilinmoqda. Sentyabr oyida u «Efirium» uchun 10 ming dollar, «ENA» uchun 0,50 dollar va «ETHFI» uchun 2 dollar degan raqamlarni aytgan edi, biroq bugungi kunda narxlar bu prognozlardan ancha past.
Bu oyda bozor bosimi yanada kuchaydi. 15-oktabrda kriptovalyutalarning likvidatsiyasi 24 soat ichida 942,1 million dollarga yetdi, bu mablag‘larning 91,6 foizi uzoq muddat saqlash strategiyasiga (long position) tegishli edi.
23-oktabrda esa, yana bir savdo bosimi «Nasdaq» birjasini 2,6 foizga kamayishga olib keldi va «Bitkoin» 81 400 dollarga tushdi. Neft narxlarining ko‘tarilishi inflyatsiya xavotirlarini kuchaytirdi va pul-kredit siyosatidan umidlarni oshirdi.
Nega AQSH Federal Rezerv Tizimi (markaziy bank) navbatdagi sinov bo‘lib turibdi?
«Federal Rezerv Tizimi» (markaziy bank) ning 28-oktabrda kutilayotgan qarori, xavfli aktivlar — ya’ni kriptovalyuta va aksiyalar uchun muhim bosqich bo‘lishi mumkin. 16-sentyabrda idora foiz stavkasini 3,75–4 foizgacha oshirdi, bu 2023-yil iyulidan beri birinchi marta edi. «CME FedWatch» (moliyaviy auditorlik tashkiloti) ma’lumotlariga ko‘ra, foiz stavkasi hozirgi holatda qoladi, degan ehtimol 90% deb baholanmoqda.
Uzoq muddatli istiqbol esa hanuzgacha noaniq. Sentyabrdagi yig‘ilish bayonnomasida rasmiylarning aksariyati yil oxirigacha yana bir marta foiz stavkasini oshirishni rejalashtirayotgani ko‘rsatilgan. Xeysnning fikriga ko‘ra, yakunda «Sunʼiy intellekt» sabablari tufayli bozorlar yangi pul muomalasi bilan to‘lib-toshishi mumkin.
Uning o‘zi ilgari qanday savdo qilgani, bu safar chiqish qarorini qanchalik to‘g‘ri qabul qilganini ko‘rsatishga yordam beradi. 2025-yil avgust oyida, Xeys «Efirium» tokenlarini 3 507 dollarda sotib, to‘qqiz kun o‘tib esa har biri uchun taxminan 4 252 dollarga qayta sotib olgan edi.
Agar boshqa treyder uning strategiyasini takrorlaganida, bozorga qaytishda taxminan 21 foiz yuqori narx to‘lashiga to‘g‘ri kelgan bo‘lardi. Altkoin egalariga kelsak, 28-oktabrdagi qaror — Xeysning so‘nggi chiqishi o‘z vaqtida bo‘lganmi yoki erta olinganmi, degan savolga javob berishda ahamiyatli bo‘lishi mumkin.
«YouTube» kanalimizga obuna bo‘ling, u yerda yetakchilar va jurnalistlar o‘z mulohazalari bilan o‘rtoqlashadi
