«Audiera» (BEAT) tokeni narxi so‘nggi ikki oy ichida 5 000 foizdan ortiq keskin ko‘tarildi va 21-dekabr kuni $4.17 tarixiy maksimumiga yetdi.
Biroq, ba’zi bozor ishtirokchilari ehtiyotkorlikka chaqirmoqda. Ular «BEAT» ham Bitlight (LIGHT) kabi tezda arzonlashishi mumkinligini aytmoqda.
Audiera’ning BEAT kriptovalyutasi savdoda boshlanganidan beri 5 000 foizga o‘sdi
Ma’lumot uchun, «Audiera» – bu Web3 texnologiyasiga asoslangan ko‘ngilochar va GameFi platformasi bo‘lib, u BNB Chain blokcheynida ishlaydi. Platforma raqsga asoslangan o‘yin, Sunʼiy intellekt yordamidagi musiqa, virtual san’atkorlar va blokcheyn mukofotlarini birlashtiradi. «Audiera» ilk «Audition» raqs o‘yini an’analarini davom ettirishga harakat qiladi.
BEAT – «Audiera» ekotizimining asosiy foydali tokeni hisoblanadi. U savdoga 2025-yil 1-noyabrda chiqarilgan. E’tiborga molik jihati shundaki, token bozorda paydo bo‘lganidan beri narxi o‘sishda davom etmoqda.
«BeInCrypto Markets» (axborot portali) ma’lumotlariga ko‘ra, BEAT chiqarilganidan buyon qiymatini 5 000 foizdan ortiq oshirdi. Kecha esa u rekorda erishdi.
Hozirgi vaqtda, altkoin narxi $4.13 atrofida savdolashmoqda. So‘nggi 24 soatda u 64,41 foizga oshdi. Uning bozor qiymati $565 millionga teng, kunlik savdo hajmi esa $120 milliondan oshdi.
Narx harakati butun bozor sharoitidan ajralib turadi, chunki asosiy kriptovalyutalar, masalan, Bitkoin va Efirium shu davrda qiymat yo‘qotgan. Shu bilan birga, baʼzi bozor tahlilchilari BEAT tokenining qisqa muddatda ham o‘sishi mumkinligini taxmin qilmoqda.
Bitlight narxining 75 foizga tushib ketishi xavotir uyg‘otmoqda
Biroq, hamma ham BEAT tokenining keskin o‘sishiga ishonmayapti. Baʼzi kuzatuvchilar yaqin o‘tmishda Bitlight (LIGHT) tokenining keskin tushib ketishini misol qilib keltirmoqda va bu holat BNB Chain blokcheyni ekotizimidagi xavotirlarga sabab bo‘lmoqda.
«BeInCrypto Markets» (axborot portali) ma’lumotiga ko‘ra, LIGHT tokeni 24 soat ichida 75 foizdan ko‘proq qiymatini yo‘qotdi. Bu tez pasayish natijasida token o‘z narxining o‘sish bosqichini butunlay yo‘qotdi va ko‘plab treyderlar pozitsiyasi majburan yopildi.
«Coinglass» (axborot tahlil portali) hisobotiga ko‘ra, oxirgi 24 soatda jami $16,15 million miqdorda majburiy yopilishlar bo‘lgan. Ularning $8,42 millioni uzoq muddatli (long), $7,73 millioni qisqa muddatli (short) pozitsiyalardan iborat.
«Token hajmi deyarli $2 milliardga yetgan va bir kun ichida odamlar milliardlab dollar yo‘qotyapti. Shunga qaramay, ‘Binance’ (kripto birjasi) hanuzgacha hech qanday chora ko‘rmayapti. Hozir token narxi $1 dan past. Bu sof manipulyatsiya va bu kelajak uchun juda xavfli yo‘l ochmoqda», — deb yozgan foydalanuvchi.
Hozircha BEAT tokenining tez o‘sishi davom etmoqda, biroq LIGHT tokenining keskin tushib ketishi kripto tokenlarida ko‘p uchraydigan o‘zgaruvchanlikni ko‘rsatdi. Endi BEAT muhim bosqichda. Token barqarorligini saqlab qoladimi yoki oxir-oqibat tushib ketadimi — bu yaqin kunlarda isbotini topadigan muhim sinov.
