Kriptovalyuta bozori 2026-yilning avgust oyi birinchi haftasida qiymati taxminan 630,2 million AQSH dollariga teng bo‘lgan tokenlarni qabul qiladi. Yirik loyihalar qatorida – «Hyperliquid» (HYPE), «Succinct» (PROVE) va «Ethena» (ENA) – muhim hajmdagi yangi tokenlarni bozorga chiqaradi.
Bu tokenlarning bozorga chiqishi natijasida beqarorlik paydo bo‘lishi va qisqa muddatli narxlar o‘zgarishi mumkin. Shu bois, kuzatishga arziydigan jihatlar bilan qisqacha tanishing.
1. «Hyperliquid» (HYPE)
- Chiqarilish sanasi: 6-avgust
- Bozorga chiqariladigan tokenlar soni: 433 000 HYPE
- Chiqarilgan umumiy hajm: 454,99 million HYPE
- Umumiy chiqarilishi kerak bo‘lgan tokenlar soni: 1 milliard HYPE
«Hyperliquid» — bu o‘zining maxsus Layer-1 blokcheynida qurilgan ilg‘or markazlashmagan doimiy fyuchers birjasi. U tez ishlaydigan savdo, past kechikish, blokcheynda buyurtmalar kitobi hamda bir soniyadan tez bitadigan tranzaksiyalarni taklif etadi.
6-avgust kuni jamoa qiymati 22,74 million AQSH dollariga teng 433 000 dona HYPE tokenini bozorga chiqaradi. Ushbu tokenlar chiqarilgan hajmning 0,19 foizini tashkil etadi.
Jamoa chiqarilgan hajmni muhim ishtirokchilarga ajratib beradi. «Tokenomist» (tahlil kompaniyasi) eʼtiboriga ko‘ra, tarixan HYPE loyihasi prognoz qilinganidan ancha kam tokenlarni bozorda sotuvga chiqargan.
2. «Succinct» (PROVE)
- Chiqarilish sanasi: 5-avgust
- Bozorga chiqariladigan tokenlar soni: 208,33 million PROVE
- Chiqarilgan umumiy hajm: 200 million PROVE
- Umumiy chiqarilishi kerak bo‘lgan tokenlar soni: 1 milliard PROVE
«Succinct» — bu SP1 atrofida qurilgan, dasturchilarga maxsus kriptografiyasiz oddiy Rust dasturlash tilidan ZK isbotlarni yaratib beruvchi, nol bilimli isbot (zero-knowledge proof) infratuzilmaga ega loyiha. Efirium (Ethereum) platformasi asosida yaratilgan PROVE tokeni to‘lovlar, staking va boshqaruv jarayonlarida asosiy rol o‘ynaydi.
Jamoa 5-avgust kuni 208,33 million token chiqaradi. Ularning umumiy qiymati 34,7 million AQSH dollariga teng. Bu miqdor bozorda mavjud barcha PROVE tokenlaridan ham ko‘p bo‘lib, chiqarilgan hajmning 104,17 foiziga to‘g‘ri keladi.
«Succinct» ushbu tokenlarni besh yo‘nalish bo‘yicha taqsimlaydi. Ekotizim va ilmiy-tadqiqot ishlari uchun 83,33 million token ajratiladi. Ishtirokchilar va sarmoyadorlar mos ravishda 73,75 million va 26,25 million token oladi.
Bundan tashqari, jamoa 16,67 million PROVE tokenini ommaviy tarqatish va rag‘batlantirish uchun ajratadi. Yakunda, «Succinct» jamg‘armasi (fondi) 8,33 million token oladi.
3. «Ethena» (ENA)
- Chiqarilish sanasi: 5-avgust
- Bozorga chiqariladigan tokenlar soni: 171,88 million ENA
- Chiqarilgan umumiy hajm: 8,73 milliard ENA
- Umumiy chiqarilishi kerak bo‘lgan tokenlar soni: 15 milliard ENA
«Ethena» — bu Efirium (Ethereum) blokcheyni asosida qurilgan sunʼiy dollar protokoli. Protokolning asosiy mahsuloti — AQSH dollarining qiymatiga bog‘langan USDe barqaror tokeni. ENA esa ushbu protokolning boshqaruv tokeni hisoblanadi.
Jamoa 5-avgust kuni 171,88 million ENA tokenini bozorga chiqaradi. Ushbu tokenlar 15,36 million AQSH dollariga teng bo‘lib, chiqarilgan jami hajmning 1,97 foizini tashkil etadi.
«Ethena» ushbu tokenlarning 93,75 millionini asosiy ishtirokchilarga ajratadi. Sarmoyadorlarga esa 78,13 million ENA taqsimlanadi.
Yuqoridagi uch loyihadan tashqari, «Opinion» (OPN), «BounceBit» (BB) va «Momentum» (MMT) loyihalarida ham avgust oyining birinchi haftasida yangi tokenlar bozorga chiqariladi.
