«Base» platformasining yaratuvchisi Jessi Pollak taniqli reper Soulja Boy bilan bog‘liq deb hisoblangan memkoinni omma oldida targ‘ib qilgani sababli ortib borayotgan tanqidlar ostida qolmoqda.
Bu voqea mashhurlar tomonidan spekulyativ kriptovalyuta loyihalaridagi ishtirok bilan bog‘liq uzoq yillik xavotirlarni yana kuchaytirdi.
Base rahbari Jessi Pollak Soulja Boy bilan bog‘liq mem-tokenni targ‘ib qilgani uchun tanqidga uchradi
Mojaro dekabr oyining o‘rtalarida «X» ijtimoiy tarmog‘ida (oldingi nomi «Twitter») bir qator postlar orqali boshlandi. 13-dekabr kuni Soulja Boy asosiy platformalardagi yaratuvchi uchun to‘lanadigan mukofot vaqti jadvalini taqqoslab, yangilari tezroq daromad olish imkonini berishini aytdi.
“Twitch” sizga oyda bir marta haq to‘laydi. “TikTok” esa haftada bir marta. “Favorited” har kuni to‘laydi. O‘zingizga mosini ehtiyotkorlik bilan tanlang,” deb yozdi reper o‘z sahifasida.
Bir kundan keyin Jessi Pollak ham shu mavzuda izoh berdi va «Base» — «Coinbase» kompaniyasining «Efirium» blokcheyniga asoslangan ikkinchi darajali (Layer-2) tarmog‘ini yangi yaratuvchilar uchun mo‘ljallangan monetizatsiya qatlamiga aylanishini ta’kidladi.
Bu fikr orqali Jessi Pollak blokcheynda ishlovchi vositalarni an’anaviy ijtimoiy platformalarga nisbatan ustun variant sifatida ko‘rsatdi.
Vaziyat o‘tkir tus oldi, chunki Jessi Pollak Soulja Boy’ga bevosita javob berdi. Kripto soha vakili, Soulja Boy’ning «Base» platformasidagi harakatini qo‘llab-quvvatlaganini va “darhol foyda olganini” ta’kidlab, buni “yangi internet” xatti-harakati deb tarifladi.
Qayd etish joizki, Pollak aniq bir token nomini tilga olmadi. Shunga qaramay, ko‘plab foydalanuvchilar buni Soulja Boy bilan bog‘liq memkoin va reperning kriptovalyutadagi ishtirokini ochiq qo‘llab-quvvatlash sifatida qabul qilishdi.
ZachXBT Soulja Boy’ning kriptovalyutadagi faoliyatini fosh qildi
Bu voqea, «blokcheyn» faoliyatlarini tekshiruvchi mustaqil tadqiqotchi «ZachXBT» (tadqiqotchi) tomonidan tezda munosabat bildirildi. U Jessi Pollakning umuman Soulja Boy bilan ishlash qarorini ochiq tarzda savol ostiga oldi.
“Nega SouljaBoy’ga yangi odamlarni aldaydigan platforma berilmoqda?” deb so‘radi ZachXBT o‘z xabarida va ilgari o‘tkazgan tergovlariga ishora qildi.
ZachXBT 2023-yil aprel oyida e’lon qilgan tadqiqotida reperning shubhali faoliyatiga oid bir qancha holatlarni ochiqlaganini ta’kidladi.
Ushbu tekshiruvga ko‘ra, Soulja Boy jami 73 ta kriptovalyuta reklamasida va 16 ta NFT chiqarilishida ishtirok etgan. Ularning ko‘pi inqirozga uchragan, tark etilgan yoki Rag pull sxemasi orqali to‘xtatilgan.
Tadqiqot natijalari, reklama qilinayotgan tokenlar qisqa vaqt ichida o‘z qiymatini yo‘qotganini va reklama postlari tez orada o‘chirib tashlanganini ko‘rsatadi.
Shuningdek, tergovchi reperning oldingi faoliyati bilan bog‘liq mumkin bo‘lgan tartibga solish va huquqiy muammolarni ham ko‘rsatib o‘tdi. Ularga «SEC» (Amerikaning qimmatli qog‘ozlar bo‘yicha nazorat qiluvchi tashkiloti) tomonidan «Tron» reklamasiga oid ayblovlar va «SafeMoon» bilan bog‘liq sud ishi kiradi.
Tokenlardan tashqari, tadqiqotda ko‘plab NFT chiqarilishi ham yoritilgan. Reklama vaqtida kelajakda foydalanish imkoniyati haqida va’da berilgan bo‘lsa-da, bu to‘plamlarning ba’zilari keyin tark etilgan. Ayrim koleksiyalar esa intellektual mulk huquqlari bo‘yicha xavotirlar sababli maydonchalardan olib tashlangan.
Tanqidchilarga ko‘ra, muammo faqat bitta token yoki memkoin atrofida emas. Ular fikricha, Pollak kabi asosiy rol o‘ynaydigan texnologiyalar yaratuvchilari bahsli shaxslarga e’tibor bersa, bu butun ekotizimga nisbatan ishonchni susaytiradi. Bozor barqarorligi, investitsiyalar barqarorligi, kelajak barqarorligi — barchasi ishonch bilan bog‘liq.
«Base» o‘zini keng ommaga mos, «Coinbase» kompaniyasi tomonidan yaratilgan va barcha talablarga javob beruvchi Layer-2 tarmoq sifatida ko‘rsatmoqda. Shu bois, uning obro‘siga yetadigan har qanday xavf juda sezgir bo‘lib qoladi.
Bu holat kriptosohada tanish muhokamani yana jonlantirdi. Mas’uliyatli ishlab chiquvchilar mashhur, ammo shubhali loyihalarga e’tibor qaratganda, bu ishonchga putur yetkazadi.
“Niyatlar halol bo‘lsa-da, ishonchlilik xavfi, ayniqsa, muhim ishlab chiquvchilar ko‘p marta reklama tarqatuvchilar bilan aralashganda tezda oshadi. Bozor faqat moslikka baho beradi, so‘z ohangiga emas. Diqqat yangilikdan tomoshabinga og‘sa, ishonch susayadi va likvidlik oqimi ham undan ortda qolmaydi,” — deb yozadi bir foydalanuvchi o‘z izohida.
Ochiq tarmoqlar tarafdorlari esa: kirish cheklanmagan tizimlarda kim bo‘lishidan qat’i nazar, har kim o‘z loyihasini blokcheynga olib chiqishi yoki ilgari surishi mumkin, deb hisoblashadi.
Biroq, tanqidchilar yirik ekotizim rahbarlari faoliyati yangi boshlovchilar uchun norasmiy tasdiq vazifasini bajarishini ta’kidlashadi. Bu esa, ekotizim uchun xavfli bo‘lishi mumkin.
Jessi Pollak duch kelayotgan norozilik, yirik platformalarning ochiqlik va ehtiyotkorlik muvozanatini qanday ta’minlashini tobora ko‘proq kuzatishayotganidan dalolat beradi. Bundan tashqari, ishonch xavf ostida bo‘lsa, eski mojarolar juda tez qayta paydo bo‘lishini ham ko‘rsatadi. Bu orada, kriptosohada mualliflar monetizatsiyasi va mem asosidagi tarqatish yana sinovdan o‘tkazilmoqda.
