Kongress a’zosi Adrian Smit va Kongress a’zosi Nikki Budzinski «PREDICT» (Real vaqtli soxta insayder Kongress savdosining oldini olish toʻgʻrisida) qonun loyihasini taqdim etdilar. Ushbu qonun loyihasi federal mansabdor shaxslarga siyosiy voqealar bilan bog‘liq taxmin bozorlarida savdo qilishni taqiqlaydi.
«Preventing Real-time Exploitation and Deceptive Insider Congressional Trading Act» qonuni keng doiradagi shaxslarni qamrab oladi. Bu cheklovlarga Kongress a’zolari, ularning turmush o‘rtoqlari va boquviga muhtoj oilalari, Prezident, Vitse-Prezident, siyosiy lavozimdagilar, boshqaruv organlaridagi yuqori darajadagi xodimlar (GS-15 darajasidan yuqori), harbiy generallar (O-7 va undan yuqori darajadagi zobitlar), sudya lavozimida ishlovchilar va boshqalar kiradi.
«Amerika xalqi siyosatchilarning oʻz ta’siridan shaxsiy foyda uchun foydalanishidan charchadi. Endi esa taxmin bozorlarining ommalashuvi bu xavotirlarni yanada dolzarb qildi. So‘nggi oylarda biz Eron bilan urushdan to hukumat faoliyati to‘xtashining davomiyligigacha boʻlgan turli voqealarda, noma’lum treyderlarning juda katta foyda ko‘rilganiga guvoh boʻldik. Bu esa ichki ma’lumotlardan foydalanilayotgani borasida savollarni uyg‘otdi,» – dedi Kongress a’zosi Nikki Budzinski (manba).
Bundan tashqari, qoidalarni buzganlarga bitim qiymatining 10 foizi miqdorida fuqarolik jarimasi belgilanadi. Barcha ko‘rilgan foyda esa AQSh Moliya vazirligi hisobiga o‘tkazilishi shart. Jarimalarni to‘lashda mansabdor shaxslar xizmat uchun berilgan mablag‘lar, saylov kampaniyasi uchun ajratilgan pul yoki davlat ish haqidan foydalanishi mumkin emas.
Prognoz bozorlariga qonunchilik bosimi kuchaymoqda
Bu holat Kalshi va Polymarket kabi taxmin bozorlarining ommalashuvi fonida, ichki afzalliklarni bartaraf etish uchun qilingan harakatlarning kuchayganini ko‘rsatadi. «PREDICT» qonun loyihasi bu boradagi yagona tashabbus emas.
Kongress a’zosi Ritchi Torres yanvar oyida «Financial Prediction Markets» (Moliyaviy taxmin bozorlarida jamoatchilik halolligini ta’minlash to‘g‘risida» qonun loyihasini taqdim etdi (manba). Bu hujjat «Polymarket»da shubhali bitimdan so‘ng, Venesuela Prezidenti Nikolas Maduro hibsga olinganiga bog‘liq ravishda ishlab chiqildi (batafsil).
Shuningdek, senator Richard Blumenthal va senator Andy Kim «Prediction Markets Security and Integrity Act» (Taxmin bozorlarida xavfsizlik va halollik to‘g‘risida) qonun loyihasini firibgarlikning oldini olish uchun taklif etdilar. Senator Adam Schiff va Jon Kurtis esa sportga oid shartnomalarga qarshi yo‘naltirilgan «Prediction Markets Are Gambling» (Taxmin bozorlarining qimor ekanligi) qonun loyihasini taklif qilishdi.
Bundan tashqari, Adam Shiff va kongress a’zosi Mayk Levin «DEATH BETS Act» (O‘limga tikilgan pul shartnomalarini taqiqlash to‘g‘risida) qonun loyihasini ham ishlab chiqishdi. Ushbu hujjat urush, suiqasd va terrorchilik bilan bog‘liq tadbir shartnomalarini taqiqlaydi (batafsil).
Ayni vaqtda, taxmin bozoridagi platformalar ham qonunchilikdagi o‘zgarishlar oldidan choralar ko‘rmoqda. «Kalshi» (taxmin bozori platformasi) siyosatchilar va sportchilar o‘zlari ta’sir ko‘rsata oladigan hodisalarda savdo qilishining oldini olish uchun yangi tekshiruv tizimlarini ishga tushirdi (batafsil).
«Polymarket» (taxmin bozori platformasi) ham yangilangan halollik qoidalarini e’lon qildi. Unga ko‘ra, o‘g‘irlangan ma’lumotlar asosida, noqonuniy maslahatlar yoki manfaatlar to‘qnashuvi mavjud holatlarda savdo qilish qat’iy taqiqlanadi.
Yetakchilar va jurnalistlar tahlillarini ko‘rish uchun YouTube kanalimizga obuna bo‘ling
