Butan qirollik hukumati yaqinda yangi partiya Bitkoinni ko‘chirdi va ehtimol sotdi. 17-mart kuni deyarli 27 million dollar qiymatidagi Bitkoin bir nechta operatsiya orqali harakatlantirildi, deb xabar bermoqda «Arkham Intelligence» (blokcheyn tahlil tashkiloti) on-chain (blokcheyn ichidagi) ma’lumotlariga asoslanib.
O‘tqazmalarga ikkita yirik miqdordagi Bitkoin yangi manzillarga yuborilishi ham, 20,5 Bitkoin (taxminan 1,5 million dollar) miqdoridagi kichikroq tranzaksiya esa «QCP Capital» (sarmoya bozori marketmeykeri tashkiloti) bilan bog’liq hamyonda yakunlangani kiradi. Ushbu harakatlar Bitkoinlarni birdaniga sotish o‘rniga, bosqichma-bosqich va rejalashtirilgan tarzda sotilayotganini ko‘rsatadi.
Bu harakatlar so‘nggi haftalarda Butan tomonidan amalga oshirilgan eng katta kundalik ko‘chirish bo‘ldi. Mart oyining boshida davlat bir yo‘la taxminan 175 Bitkoin (12 million dollar atrofida) harakatlantirgan edi.
Eng muhimi, bu faoliyat kengayib borayotgan tendensiyani davom ettiradi. 2026-yil yanvardan beri Butan bosqichma-bosqich, odatda kichik partiyalarda, 40 million dollardan ortiq Bitkoinni ko‘chirdi yoki sotdi.
Mamlakat hali ham katta zaxiraga ega — hozirda 5 000 dan ortiq Bitkoin jamg‘armasi bor deb taxmin qilinadi. Bu asosan davlat ishtirokidagi, gidroelektr energiya bilan quvvatlanadigan mayning orqali to‘plangan.
Biroq, tranzaksiyalar hajmining oshishi ehtimoliy o‘zgarishdan darak berishi mumkin.
Butan odatda Bitkoinlarni bosqichma-bosqich sotib, bozorga salbiy ta’sir ko’rsatishni cheklardi. Ammo so‘nggi yirik o‘tkazmalar davlatning likvidlik ehtiyojlari oshganini yoki moliyaviy boshqaruv ancha faol bo‘lib borayotganini anglatadi.
Bu orada, Bitkoin mayningi iqtisodiyoti 2024-yildagi halving (blok mukofotining kamayishi)dan so‘ng murakkablashib ketdi. Bu esa ishlash xarajatlarini oshirdi va natijada hukumat ilgari qazib olingan Bitkoinlarni pullashtirishga majbur bo‘lishi mumkin.
Bu voqealar Bitkoin narxi bugun ertalab 75 000 dollarga yetgani — so‘nggi ikki oy ichidagi eng yuqori narx — bilan birga yuz bermoqda.
Bitkoin bozorida yangi ijobiy indikatorlar paydo bo‘lyapti. Ularga AQSh ETF’lariga yangi mablag’lar kirib kelishi va yirik investorlardan faollik sabab bo‘layotganini ko‘rish mumkin.
