«Binance» birjasi 14-aprel kuni etti tokenni Monitoring Tag (Kuzatuv yorlig‘i) bilan belgiladi, bu esa darhol ushbu barcha aktivlar bo‘yicha sotuvga olib keldi.
Ushbu tokenlar orasida «Harvest Finance» (FARM), «Highstreet» (HIGH), «Enzyme» (MLN), «Resolv» (RESOLV), «Syscoin» (SYS), «TrueFi» (TRU) va «Velodrome Finance» (VELODROME) bor. Bu belgilanish mazkur tokenlarda yuqori tebranish va birjadan chiqarib tashlash xavfi mavjudligini anglatadi.
«Binance» birjasidan chiqarib yuborilishi xavfi ostida bo‘lgan 7 ta altkoin
Eʼlon qilinganidan so‘ng bozor zudlik bilan reaksiya bildirdi. SYS narxi bir necha daqiqada 11,53 foizga tushib ketdi va pasayishda yetakchilik qildi. MLN 6,89 foizga, VELODROME esa 6,09 foizga arzonlashdi.
HIGH 5,69 foizga, RESOLV 4,99 foizga va TRU 3,80 foizga kamaydi. Eng kam pasayish FARM tokenida bo‘ldi – bor-yo‘g‘i 2,00 foiz.
«Binance» birjasining Monitoring Tag (Kuzatuv yorlig‘i) avval ham to‘liq chiqarib tashlashdan oldin ogohlantirish signali sifatida xizmat qilgan. Birja 2025-yil iyun oyida «Beefy.Finance» (BIFI) va «Measurable Data Token» (MDT) tokenlarini ham kuzatuv yorlig‘iga kiritgandi.
2026-yil mart oyida esa «FunToken» (FUN) va «Orchid» (OXT) tokenlari Monitoring Tag ostiga tushdi. Bu to‘rtala token 23-aprelda chiqarib yuborilishi tasdiqlangan. Shu bilan birga, «FIO Protocol» (FIO) va «Wanchain» (WAN) tokenlari ham chiqarib tashlangan edi.
9-aprel kungi chiqarib yuborish haqida tarqalgan axborot natijasida bozorda yanada keskin pasayish kuzatildi: FUN narxi bir necha daqiqada 27 foizga tushib ketdi, MDT esa 22 foizga kamaydi.
«Monitoring Tag (Kuzatuv yorlig‘i) bilan belgilangan tokenlarda oddiy tokenlarga qaraganda ancha yuqori tebranish va xatarlar bo‘ladi. Bunday tokenlar doimiy ravishda sinchiklab tekshiriladi va tahlil qilinadi. Kuzatuv yorlig‘i bilan belgilangan tokenlar bizning birjada joylashish mezonlariga mos bo‘lmay qolishi va platformadan chiqarib tashlanish xavfi borki, buni hisobga olish zarur», — deb yozadi «Binance» birjasi (manba).
Kuzatuv yorlig‘i qo‘yilgan tokenlarni ishlatishda davom etishni xohlagan treyderlar endi har 90 kunda «Binance» birjasining Spot yoki Margin platformasida maxsus testdan o‘tishlari va yangilangan foydalanuvchi shartlariga rozilik bildirishlari shart.
«Ushbu testlar foydalanuvchilar Monitoring Tag yoki Seed Tag bilan belgilangan tokenlarda savdo qilishdan oldin risklar to‘g‘risida yaxshi xabardor bo‘lishlari uchun tashkil etilgan», — deyiladi birjaning izohida.
Xuddi shu yangilanishda «Binance» birjasi Tether Gold (XAUT) tokenidan Seed Tag (Boshlang‘ich yorliq) olib tashlanishini ham e’lon qildi. Seed Tag yuqori xatarli, yangi joylangan tokenlarni belgilash uchun ishlatiladi va u Monitoring Tagdan farq qiladi. Uning olib tashlanishi XAUT tokeni birja mezonlariga mos kelganini bildiradi (batafsil).
