«Binance» birjasi tomonidan yaratilgan SAFU (Userlar uchun xavfsiz aktivlar jamg‘armasi) yana e’tibor markazida, chunki birja yana yangi Bitkoin xaridini amalga oshirganini tasdiqladi.
So‘nggi o‘tkazilgan konvertatsiya natijasida jamg‘armaning jami hajmi 10 455 Bitkoinga yetdi. Bu taxminan 734 million AQSH dollariga teng.
Binance SAFU fondi kriptovalyuta bozori ko‘rsatkichi sifatida qanday ishlaydi
Yig‘ilgan so‘nggi Bitkoinlar, kengroq 1 milliard dollarlik jamg‘armaning to‘liq hajmini 30 kun ichida Bitkoinga aylantirish bo‘yicha rejaning bir qismidir. Bu o‘zgarish butun kriptovalyuta bozoridagi davriyliklar haqida muhim ishoralar berishi mumkinmi?
«Binance» SAFU jamg‘armasi yana 4 225 Bitkoin (299,6 million AQSH dollari) xarid qildi, shunda uning jami Bitkoin xarid hajmi 10 455 donaga (734 million AQSH dollar) yetdi,» — deb xabarda yozdi «Lookonchain» (analitik platforma) ijtimoiy tarmog‘i.
«Binance» birjasi keyinchalik ushbu tranzaksiyani tasdiqladi, 4 225 Bitkoin SAFU jamg‘armasi uchun o‘tkazilganini va bu 300 million AQSH dollariga teng barqaror kriptovalyutalarda ekani haqida ma’lum qildi.
SAFU jamg‘armasi 2018-yilda tashkil etilgan bo‘lib, foydalanuvchilar aktivlarini xakerlik hujumlari yoki ish faoliyatidagi nosozliklar yuzaga kelganda himoya qilish uchun zaxira sifatida yaratilgan.
Tarixan, ushbu jamg‘arma savdo komissiyalarining taxminan 10 foizi hisobidan moliyalashtirib kelingan. Jamg‘arma ko‘proq barqaror kriptovalyutalarda saqlanib, naqd pulga tez aylanish imkoniyatini (likvidlik) va narxlarning keskin o‘zgarishining oldini olishga imkon bergan.
Bu yondashuv 2026-yil yanvarining oxiriga kelib o‘zgardi. O‘shanda «Binance» butun jamg‘arma hajmini bosqichma-bosqich Bitkoinga aylantirishini hamda bozorda keskin o‘zgarishlarni oldini olish uchun xaridlar bosqichma-bosqich amalga oshirilishini e’lon qilgan edi.
Birinchi bosqichda taxminan 1 315 va 3 600 Bitkoin xarid qilingan, keyin esa so‘nggi xarid 4 225 Bitkoinni tashkil etdi.
Bu o‘zgarish ko‘plab kuzatuvchilarda uzoq muddatli istiqbolda Bitkoinga ishonch kuchayishini bildiruvchi muhim signal sifatida talqin qilindi. Ayniqsa, bunday xaridlar noaniq bozor sharoitida barqaror sotib olish bosimini kuchaytiradi.
Tarixiy tendensiyalar “bozor indikatori” nazariyasini kuchaytirmoqda
Likvidlikka zudlik bilan ta’sir ko‘rsatishdan tashqari, ba’zi tahlilchilar SAFU jamg‘armasidagi ulushlar o‘zgarishi tarixda kriptovalyuta bozoridagi muhim burilish nuqtalari bilan mos kelganini ta’kidlaydi.
2023-yil mart oyida «Binance» jamg‘armadagi taxminan 1 milliard AQSH dollarini Bitkoin, Efirium va BNB kriptovalyutalariga aylantirgan edi.
Keyingi yili Bitkoin taxminan 250 foizga, Efirium esa taxminan 160 foizga o‘sdi. Umumiy kriptovalyuta bozori kapitalizatsiyasi o‘rtacha 1,8 trillion dollarga oshdi.
«2023-yil mart – «Binance» 1 milliard dollarlik SAFU jamg‘armasini Bitkoin, Efirium va BNB tokenga aylantirishini e’lon qildi. Bir yil ichida Bitkoin 250% o‘sdi, Efirium 200% ga oshdi va kriptovalyuta umumiy qiymati 1,8 trillion dollarga ko‘paydi. 2026-yil yanvar – «Binance» yana 1 milliard dollarlik SAFU jamg‘armasini Bitkoinga aylantirish rejasini e’lon qildi. Barchamiz nimalar bo‘lishini kutyapmiz», — deb ta’kidladi kripto sharhlovchisi Ash Crypto (ijtimoiy tarmog‘i).
«Arkham» (tahliliy platforma) ma’lumotlariga ko‘ra, 2024-yil mart oyida SAFU jamg‘armasi qiymati 1,2 milliard dollardan oshgan paytda — asosan aktivlar narxi o‘sishi tufayli — ayni vaqtda Bitkoin ham siklning eng yuqori cho‘qqisiga yaqinlashgan edi.
Bu esa baʼzi treyderlarda SAFU qiymati va taqsimoti o‘zgarishi bozor ekstremlarini aks ettirishi mumkin, degan taxminlarni kuchaytirdi. Ya’ni, qiymat yuqori bosqichlarda o‘sadi va pasayishda jamg‘arish fazasiga o‘tadi.
Ishonch belgisi yoki shunchaki tasodifmi?
Ushbu nazariyaga qiziqish ortib borayotgan bo‘lsa-da, bog‘liqlik har doim ham bashorat imkoniyatini anglatmaydi. «Binance» karori ehtimol o‘z jamg‘armalarini oqilona boshqarish strategiyasini ko‘rsatadi — ya’ni Bitkoinni nisbatan past narxlarda xarid qilib, safarbar qilish ehtiyoji kam bo‘lishi mumkin bo‘lgan jamg‘armaning uzoq muddatli qiymatini oshirishdir.
Shu bilan birga, SAFU jamg‘armasining blokcheyn orqali ochiq ravishda amalga oshirilgan xaridlari bu sohada eng yirik birjalardan biri xavfni va kapitalni o‘zgaruvchan sharoitda qanday boshqarayotganini kuzatish imkonini beradi.
«Binance» birjasi bu bitimlarni 2026-yil fevral oxiri yoki mart boshiga qadar davomi bilan amalga oshirishni davom ettirishi mumkin. Ammo, SAFU jamg‘armasini to‘plashi bozor siklida burilish nuqtalarining aniq indikatori bo‘lib qoladimi yoki faqat yuqoridagi jarayonlarni aks ettiradimi — bu yaqin oylar ichida oydinlashadi. Bozor barqarorligi, investitsiyalar barqarorligi, kelajak barqarorligi.
