XRP narxi $2 dan pastga tushib ketdi va shu yil boshidan beri qayd etilgan deyarli barcha tiklanishni yo‘qqa chiqardi. Shu bilan birga, bir nechta yirik birjalardagi XRP zaxiralari ortdi. Bu holat bozorda yana ham kuchli pasayish xavotirini kuchaytirdi.
Bozordagi bu orqaga chekinish butun kriptovalyuta bozorining zaiflashuvi bilan birga yuz berdi. Geosiyosiy tangliklar sarmoyadorlarni tavakkalni kamaytirishga undadi. Biroq, ko‘plab tahlilchilar 2026 yilda XRP uchun ijobiy prognoz bermoqda.
Yanvar oyida XRP birja zaxiralari va yirik investorlarning birjaga aktivligi keskin oshdi
«CryptoQuant» (maʼlumotlarni tahlil qiluvchi tashkilot) maʼlumotlariga ko‘ra, 2026-yil yanvar oyida «Binance» va «Upbit» kabi asosiy birjalarda XRP zaxiralari sezilarli darajada ko‘paydi.
Grafikdan ko‘rinishicha, yil boshidan beri investorlar XRP tokenlarini doimiy ravishda birjalarga o‘tkazib kelmoqda. Natijada, «Binance»da XRP zaxirasi 2,72 milliardga yetgan, «Upbit»da esa deyarli 6,3 milliard XRP saqlanmoqda. Umuman olganda, birjalardagi zaxiralar hozirda aylanmadagi umumiy hajmning qariyb 10 foizini tashkil etadi.
Qizig‘i shundaki, «Upbit»dagi zaxiralar va XRP narxi o‘rtasida teskarilik aniq ko‘zga tashlanmoqda. Yanvarning birinchi haftasidan «Upbit»da zaxiralar osha boshlagach, XRP narxi $2,40 dan $1,83 gacha tushib ketdi. Bu holat koreyalik investorlarning XRP narxiga anchagina ta’sir o‘tkazayotganini ko‘rsatadi.
Boshqa bir dolzarb blokcheyn indikatori — «Whale Exchange Transactions» («Binance»da amalga oshiriladigan yirik ko‘chirishlar)dir. Ushbu indikator yirik egalar (balinalar) o‘z tokenlarini birjalarga va birjalardan olib chiqishda qanchalik faollikka ega ekanligini ko‘rsatadi.
Birjalardagi zaxiralar oshishi va balina tranzaksiyalari ko‘payishi sotish bosimini kuchaytirishi mumkin. Maʼlumotlarning o‘zidan ham ko‘rinib turibdiki, yirik egalar XRP ni birjalarga ko‘proq o‘tkazayotgan bo‘lishi ehtimoldan xoli emas.
Bundan tashqari, XRP ETFlari (birjada savdolanadigan fondlar — investitsiya mahsulotlari) 2025 yil noyabr oyida ishga tushirilganidan buyon atigi ikki kun pul chiqishini qayd etdi. Birinchi chiqim 7-yanvarda sodir bo‘lib, 40,80 million dollar fonddan olib chiqib ketildi. Ikkinchi va eng katta chiqim 20-yanvarda yuz berdi — 53,32 million dollar asosan «Grayscale» kompaniyasining GXRP fondidan chiqdi. 20-yanvardagi sotuvlarning asosiy sababi bo‘lib, prezident Donald Trampning Yevropadagi NATO a’zolariga tarif joriy etish haqidagi tahdidlari tufayli AQSh bozorlarida keng qamrovli xavf-hatarga o’tildi.
Yaqinda «BeInCrypto» (axborot tahliliga ixtisoslashgan tashkilot) tahliliga ko‘ra, katta miqdorda pul kirishi to‘xtab, raqamlar salbiylashsa, bu ko‘pincha institutsional investorlar tomonidan talabning pasayishidan darak beradi.
Ayni paytda XRP yil boshidagi tiklanishining katta qismini yo‘qotdi va hozir muhim — $1,88 darajasi atrofida savdolashmoqda. Oldingi tahlillar ushbu darajadan pastga tushish yana 4-5% pasayishga sabab bo‘lishi, narx esa $1 dan pastga tushishi mumkinligini ko‘rsatgan.
Ushbu xavflarga qaramay, XRP tokeni sotuv bosimini bartaraf etishga yordam beradigan musbat omillar ham bor. «Token Relations» (informatsion tahlil tashkiloti) tomonidan yaqinda tayyorlangan hisobotda 2026 yil yanvar oyida XRP ETFlari savdo hajmi sezilarli o‘sish qayd etgani taʼkidlandi. Hisobotda, shuningdek, XRP Ledger (XRPL) tizimidagi DeFi (markazsiz moliya) mahsulotlariga bo‘lgan talab oshib borayotgani aytiladi.
«2025 yil dekabr oyida XRP ETFlariga $483 million kirim bo‘ldi. Bu davrda Bitkoin ETFlaridan esa $1,09 milliard chiqim kuzatildi — bu soliq davridagi sotuvlar tufayli yuz berdi. Bunday vaziyat institutlarning Bitkoindan XRPga o‘z kapitalini ko‘chirishga moyilligini ko‘rsatadi. Savdo likvidligi mustahkam bo‘lib qoldi, kunlik tranzaksiyalar doimiy ravishda $20 mln dan $80 mln gacha borib turdi. Altkoin ETFlarining ishga tushirilishida ham qamrov yaxshi bo‘ldi. Kundalik barqaror kirimlar investitsion portfel uchun puxta rejalashtirilgan taqsimot usulidan dalolat beradi, spekulyativ savdolardan ko‘ra ko‘proq tizimli yondashuv kuzatildi», — deyiladi «Token Relations» hisoboti.
Ikki kunlik chiqimga qaramay, 23-yanvar holatiga ko‘ra umumiy sof kirim $1,23 milliardni, jami aktivlar hajmi esa $1,36 milliardni tashkil qiladi. Tahlilchilar bu chiqimlarni asosan umumiy iqtisodiy omillar bilan bog‘laydi, ya’ni ular XRP ga nisbatan hissiyotlarning o‘zgarishi emas, balki kengroq bozordagi harakatlar natijasi deb hisoblaydi.
So‘nggi paytda «Ripple» kompaniyasi (kriptovalyuta kompaniyasi) RLUSD (steyblkoin) nomli barqaror tokenning foydalanish sohalarini kengaytirishda davom etmoqda. Bu token «XRP Ledger» blokcheynida ishlaydi. «Ripple» kompaniyasi ko‘plab davlatlar va moliyaviy muassasalar bilan hamkorlik qilmoqda. Bu yaxshi yangiliklar «XRP» tokenining narxini qo‘llab-quvvatlashi mumkin. Agar token narxi $1,88 dan yuqorida ushlab tursa va ETF (birja fondi) orqali investitsiya kirimlari davom etsa, $2,40 darajasini yana bir bor sinab ko‘rish ehtimoli bor. Ammo, narx pastga tushib, asosiy qo‘llab-quvvatlash chizig‘idan o‘tib ketsa, e’tibor $1,25 darajasiga qaratiladi.
