«Deribit» kriptovalyuta birjasida juma kuni soat 08:00 UTCda 3,16 milliard dollardan ziyod qiymatga ega «Bitkoin» va «Efirium» opsionlari muddati tugaydi. Bu, Rojdestvodan oldingi oxirgi yirik derivativlar hisob-kitobi sanaladi.
Bayram mavsumi yaqinlashgani sari likvidlik — ya’ni, bozor ishtirokchilarining faoliyati kamaymoqda. Narxlar asosiy sathlarda to‘planib turgani sababli traderlar ehtiyotkorlik bilan harakat qilmoqda. Ular aniq bir turtki paydo bo‘lmaguncha yangi yo‘nalish tanlashga shoshilmayapti.
Qariyb 3 milliard dollar qiymatidagi bitkoin opsionlari muddati tugashi arafasida nimalarni kutish mumkin
«Bitkoin» opsionlarining asosiy qismi muddati tugash arafasida, ularning umumiy qiymati 2,69 milliard dollarga teng. Ushbu maqola yozilayotgan vaqtda, Bitkoin 87 194 dollar narxda savdo qilinmoqda, bu so‘nggi 24 soatda 0,54 foiz oshganini bildiradi.
Bugun muddati tugayotgan «Bitkoin» opsionlari uchun eng ko‘p yo‘qotish sathi — «maxsimal og‘riq» darajasi — 88 000 dollarda joylashgan. Hozirda asosiy narx aynan shu sathdan pastda. Bu esa, eng ko‘p opsionlar qiymatini yo‘qotadi, ya’ni investorlar ularni foyda ko‘rmasdan yopishadi.
Ayni paytda, ochiq pozitsiyalar ma’lumotlari biroz ehtiyotkor, ammo muvozanatli holatni ko‘rsatmoqda. «Bitkoin» shartnomalarining ochiq call-pozitsiyalari soni 17 506 tani, put-pozitsiyalar 13 309 tani tashkil etadi. Umumiy ochiq pozitsiyalar 30 815 ta bo‘lib, put va call nisbati 0,76 ga teng.
Garchi call-pozitsiyalar soni ko‘proq bo‘lsa-da, 88 000 dollar atrofida ko‘plab pozitsiyalar jamlangan. Bu esa, narx aniq yuqoriga harakat qilmasa, ko‘proq o‘sishga turtki bo‘lmasligidan dalolat. Bu holatga «Deribit» kriptovalyuta birjasi ekspertlari ham o‘z fikrlarida urg‘u berishgan.
«Bitkoin» ochiq pozitsiyalari asosan 88 ming atrofida to‘plangan, put-pozitsiyalar esa bir oz ko‘proq. Bu esa, asosiy narx doirada qolsa, opsion muddatining tinch o‘tishiga ishora qiladi,» — deb ta’kidlaydi «Deribit» kriptovalyuta birjasi.
Izohlar shundan dalolatki, «Bitkoin» narxi to‘lov kuni (hisob-kitob payti) doirasida harakat qilishi mumkin. Ayniqsa, bayram oldidan ehtiyotkorlik kuchaysa.
Bugun 470 million dollardan ortiq Efirium opsionlari muddati tugaydi: investorlar nimalarni bilishi kerak
«Efirium» esa biroz boshqacha vaziyatda. Bu kriptovalyutaga oid opsionlar muddati tugashi 473 million dollarga yaqin. Hozirda «Efirium» 2 928 dollar narxda, so‘nggi 24 soatda 3,37 foiz oshgan. «Efirium» uchun eng ko‘p yo‘qotish (maxsimal og‘riq) sathi yuqoriroq, ya’ni 3 100 dollarda. Shu sababli, uning asosiy narxi zarur sathdan ancha pastda turibdi.
«Efirium»da ochiq call (sotib olish) shartnomalari soni 78 524 tani, put (sotish) shartnomalari esa 83 547 tani tashkil etadi. Bu esa put va call nisbati 1,06 bo‘lishiga olib kelgan, jami ochiq opsionlar 162 071 ta.
«Bitkoin»dan farqli o‘laroq, «Efirium» uchun pozitsiyalar kengroq va sathlar bo‘ylab tarqalgan. Bu esa, yaqin vaqt ichida narx qayerga yo‘nalishi borasida ishonchsizlik kuchli ekanini ko‘rsatadi.
«Efirium» bo‘yicha pozitsiyalar turli satxlarda tarqalgan, ayniqsa 3 400 dollar yuqorisidagi qiziqish sezilarli. O‘sish ehtimoli yuqoriroq boʻlsa, bozor o‘zgaruvchanligi ortishi mumkin», — deydi «Deribit» kriptovalyuta birjasi tahlilchilari.
Tahlilchilar, shuningdek, bugun soat 08:00 UTCda bo‘lib o‘tadigan hisob-kitob paytiga qadar treyderlar sabr qilayotganini bildiradi. Ular yo‘nalishni tanlashdan oldin aniq turtki kutmoqda.
Bugungi opsionlar muddati tugashidan keyin, e’tibor allaqachon 26-dekabr va 2026-yil boshidagi pozitsiyalarga o‘ta boshladi.
«26-dekabr uchun 85 ming dollarlik put-pozitsiyalar soni hozirda 15 mingta, qiymati esa 1,25 milliard dollar. Hozir ayiqcha kayfiyat va «FUD» — qo‘rquv, noaniqlik, shubha — ustunlik qilmoqda, asosiy narx 86 ming atrofida,» — deya qayd etdi «Deribit Insights» tahliliy loyihasi.
Yaqin vaqt uchun riskli yuqoriga garovlar kamaygan — tahlilchilar «26-dekabrga mo‘ljallangan 100 mingdan ortiq narxda call-opsionlar (1,75 milliard dollar) endilikda uzoq ehtimol bo‘lib ko‘rinmoqda» deya qayd etgan.
Biroq, uzoq muddatli bitimlar ijobiy holatni ko‘rsatmoqda. So‘nggi operatsiyalar 2026-yilgacha yuqoriga yo‘nalish saqlanib qolishini isbotlamoqda. Analitiklarning fikriga ko‘ra, qisqa muddatli bozor hissiyotlari ehtiyotkor bo‘lsa-da, uzoq muddatli investorlar hali ham yangi o‘sish bosqichiga tayyorlanmoqda.
Rojdestvoga qadar so‘nggi opsionlar muddati tugashiga oz vaqt qolganda, «Bitkoin» hamda «Efirium» qisqa muddatli ehtiyotkorlik va uzoq muddatli optimizm o‘rtasida harakat qilmoqda. Keyingi aniq va muhim qadam hanuz aniqlanmagan.
Treyderlar va investorlar ayrim tebranishlarni boshdan kechirishi mumkin, Bunda Yaponiyaning Markaziy banki — «BOJ» foiz stavkasi bo‘yicha qarori bu holatni kuchaytirishi ehtimoli bor. Ammo bozorlar, odatda, yangi sharoitlarga moslashishi bilan barqarorlashadi. Bozor barqarorligi, investitsiyalar barqarorligi, kelajak barqarorligi.
