Bir kriptoinvestor firibgarlik yo‘li bilan qurbon bo‘lib, dastlabki tanga hamyonidan foydalangan holda, 282 million dollardan ortiq miqdordagi Bitkoin va Laytkoinini yo‘qotdi.
2024-yil 16-yanvarda blokcheyn tahlilchisi ZachXBT ijtimoiy tarmog‘i «X»da bu yirik firibgarlik haqida xabar berdi. Hodisa natijasida jabrlanuvchining hisobidan 2,05 million Laytkoin va 1 459 ta Bitkoin chiqib ketgani aytilmoqda.
Haker o‘g‘irlangan kriptovalyutani maxfiy tanga — Moneroga almashtirgach, monero narxi 36 foizga oshdi
Kiberxavfsizlik sohasidagi tashkilot — «ZeroShadow» tasdiqlashicha, xaker o‘zini «Trezor» foydalanuvchi xizmatiga mansub sifatida tanishtirib, ushbu pulni o‘g‘irlagan. «Trezor» — dunyoda mashhur, 2 milliondan ortiq foydalanuvchiga ega apparat hamyonini yetkazib beruvchi kompaniya.
Firibgarlar jabrlanuvchini aldashga erisha oldi. Ular tiklashga yordam beruvchi maxfiy so‘zni bilib olishdi va mablag‘lari ustidan to‘liq nazoratga ega bo‘lishdi.
Ushbu buzilishdan so‘ng, jinoyatchi darhol o‘g‘irlangan mablag‘ni yuvishni boshladi.
ZachXBT ijtimoiy tarmog‘i «X»da xabar qilishicha, hujumchi bir nechta tezkor birjalarni, xususan, «Thorchain» — markazlashmagan infratuzilmani — ishlatgan. Bu orqali o‘g‘irlangan Bitkoinni Efirium, Ripple va Laytkoin tokenlariga o‘tkazgan.
Biroq, xakerning aynan «Thorchain» markazlashmagan infratuzilmaga tayanishi ushbu tizimga nisbatan keskin tanqidlarni keltirib chiqardi.
ZachXBT ijtimoiy tarmog‘i «X»da bu holat birinchi marta yuz berayotganini qayd etdi. Avvallari ham jinoyatchilar o‘g‘irlangan mablag‘larni aynan shu platforma orqali o‘tkazishgan. Bu esa, «Thorchain» markazlashmagan infratuzilmasi ko‘p hollarda bunday noqonuniy mablag‘larni yuvish uchun jinoyatchilar uchun qulay yo‘nalishga aylanganidan dalolat beradi.
Aynan shu vaqtda, xaker o‘g‘irlangan mablag‘ning ancha kattagina qismini Monero (XMR) — harakatni yashirishga ixtisoslashgan token — ga almashtirdi.
«ZeroShadow» tashkiloti to‘lovlar oqimini aniqlab, 1 million dollardan ortiq mablag‘ni Monero (XMR) tokeniga aylantirilishidan oldin muzlatishga muvaffaq bo‘ldi. Qolgan faoliyat esa, ehtimol, XMR narxining oshishiga olib kelmoqda», — deya izoh berdi «ZeroShadow» tashkiloti ijtimoiy tarmog‘i «X»da.
E’tiborlisi shundaki, ushbu ommaviy token xaridi Monero bozorida narxlar tubdan ko‘tarilishiga sabab bo‘ldi.
«BeinCrypto» internet-axborot portali ma’lumotiga ko‘ra, Monero tokeni qiymati 7 kun ichida 36% dan ko‘proq o‘sib, deyarli 800 dollargacha yetdi. Keyin esa narxi taxminan 621 dollargacha pasaydi.
Bu holat raqamli aktivlar sohasida xavfsizlik muammosi jiddiy tus olayotganini ko‘rsatmoqda. Endilikda hujumchilar texnik xatoliklardan foydalanishdan ko‘ra, insonlarni psixologik yo‘l bilan aldash va brendlarni soxtalashtirish kabi usullarni afzal ko‘rmoqda.
Blokcheyn tahlili bilan shug‘ullanuvchi «Chainalysis» kompaniyasi hisobotiga ko‘ra, brendlarni soxtalashtirish orqali amalga oshirilgan firibgarliklar soni 1 400 foizga oshgan. Ushbu firibgarliklar tufayli o‘rtacha moliyaviy zarar miqdori 600 foizga ko‘paygan.
