«BitMine» kompaniyasining (kompaniya) Las-Vegasda oʻtkazilgan yillik aksiyadorlar yigʻilishi oddiy boshqaruv tadbiri sifatida rejalashtirilgan edi. Unda direktorlar kengashi saylovi, rahbariyatga beriladigan mukofotlar hamda aksiyalarning umumiy sonini oshirish yuzasidan ovoz berish rejalashtirilgan edi.
Biroq, yigʻilish kompaniya uchun muhim strategik burilish nuqtasiga aylandi. «BitMine» endi oddiy Efirium steyking xizmatidan ko‘ra yanada kengroq va maqsadli faoliyat sari intilayotganini ochiq e’lon qildi.
Tarqatish va chakana foydalanuvchilarni jalb qilish endi BitMine kompaniyasining Efirium strategiyasining asosiy yo‘nalishiga aylandi
Bu oʻzgarish markazida «BitMine» kompaniyasining uzoq vaqtdan beri maqsad qilib kelayotgan yutugʻi – Efirium umumiy taklifining 5 foiziga egalik qilish yoʻlidagi harakatlari turibdi.
Yigʻilish atrofida taqdim etilgan izohlarga koʻra, kompaniya maqsadga yetish uchun zarur bo‘lgan ETH miqdorining taxminan 75 foiziga allaqachon ega. Ya’ni, hozirda Efirium taklifining 3,36 foiziga egalik qiladi va 5 foizga intilmoqda. Buni kompaniyaning deyarli 1 milliard dollar mablag‘ (naqd) va umuman qarzsiz bo‘lishi tasdiqlaydi.
Rahbariyat bu yilning oʻzida 5 foizlik marraga chiqish mumkinligini bildirdi. Qiziqari shundaki, ilgari bu marraga ko‘p yillar davomida yetiladi deb taxmin qilingandi.
To‘plangan kapitalning iqtisodiy jihatidagi foydasi endi amaldagi haqiqatga aylandi. Hozirgi Efirium narxlari bo’yicha «BitMine» har yili Efirium steykingi mukofotlari va naqd mablag‘ hisobidan taxminan 400 milliondan 430 million dollargacha daromad olmoqda.
Agar 5 foizli marraga yetilsa, yillik soliqqa qadar sof daromad 540–580 million dollargacha o‘sishi kutilmoqda (narxlar oʻzgarmasa).
Juda kam xodimga ega bu kompaniyada shunday natija – AQShdagi eng daromadli yirik kompaniyalar darajasida naqd oqimini yaratmoqda.
Lekin bu borada rivojlanish juda tez boʻlishi mumkin. «BitMine» Efirium narxi $12 000 yetadigan stsenariyni hisob-kitob qilgan, bunda yillik steyking daromadi 2 milliard dollargacha ko‘tarilishi mumkin.
Aksiyadorlar uchun eng muhim tomoni shundaki, bu naqd oqim uzluksiz va aksiyalarning qiymatini pasaytirmasdan davom etadi. Kompaniya quyidagi sohalarga qayta sarmoya yo‘naltirish imkoniga ega bo‘ladi:
- Yangi platformalar,
- Infrastrukturaga yoki
- Zarurat bo‘lmasa, qarz olmasdan aksiyadorlarga foyda qaytarish.
Bu qayta sarmoya logikasi kompaniyaning eng bahsli qarorini ham tushuntiradi. «BitMine» «Beast Industries» ommaviy axborot kompaniyasiga 200 million dollar sarmoya kiritdi. Ushbu kompaniyani Youtube’da mashhur MrBeast tashkil qilgan.
Boshlanishida bu bitim ko‘pchilikda savollar uyg‘otdi. Lekin rahbariyat va kompaniya manfaatdor sarmoyadorlari bu qarorni shunchaki brend yaratish emas, balki tarqatish strategiyasi sifatida izohladi.
BitMine kompaniyasi Efirium va MrBeast yordamida navbatdagi chakana kriptovalyuta kirish nuqtasini yaratmoqchi
CNBC telekanaliga aksiyadorlar yig‘ilishidan oldin bergan intervyusida «BitMine» kompaniyasi raisi Tom Li ushbu strategik yechimni raqamli platformalar va moliyaviy infrastrukturani birlashtirish deb atadi.
«Bizningcha, Efirium – bu aqlli shartnomalar platformasi va moliyaning kelajagi. Ya’ni, nafaqat dollar, balki aksiyalar va kapital ham raqamlashtiriladi», – dedi Tom Li. «Vaqt o‘tishi bilan, xizmat va raqamli pul o’rtasidagi farq yo’qolib boradi. Mana shunda «Beast Industries» kompaniyasiga hamkorlik va sarmoya kiritish o‘z o‘rniga ega bo‘ladi».
Tom Li janob MrBeast’ning madaniy ta’sirini ham strategik ustunlik sifatida alohida ta’kidladi. U «MrBeast — ehtimol «Gen Z», «Gen Alpha» va hatto millennial avlodlar uchun ramziy inson», dedi. Haqiqatda, MrBeast’ning alohida videolari hatto Superkubokdan ko‘p tomoshabinga ega bo‘ladi.
«Bu oddiy kripto kompaniya brendini targ‘ib qilish emas. Bu — eng yirik chakana Defi-kirish nuqtasini qurishdir. 450 million obunachi. 90 kunda 1,4 milliard ko‘rish. 2025-yilda 473 million dollar daromad», — deb yozdi tahlilchi Shanaka Anslem «X» ijtimoiy tarmog‘ida.
Tom Li aytishicha, «Beast Industries» «raqamli mahsulotlar va moliyaviy xizmatlarni ham o‘z ichiga oluvchi yangi xizmatlar platformasini» yaratishni rejalashtirmoqda. «BitMine» rahbariyatiga ko‘ra, bu Efirium asosidagi mahsulotlar—sabilkoinlar va tokenlashtirilgan aktivlarga—o‘tish uchun tabiiy ko‘prik bo‘ladi.
«BitMine» uchun hozirgi davrda tarqatish tizimi muhim infratuzilmaga aylandi. Kompaniya oʻzini kelajak uchun tayyorlayapti: bunda hamyonlar, tokenlashtirilgan aktivlar, raqamli egalik masalasini dunyo miqyosidagi mualliflar platformalari orqali keng ommaga kirgizish nazarda tutilmoqda. Bu faqat ETF fondlari orqali institutsional sarmoyadorlarga tayangan an’anaviy modeldan farq qiladi.
Bularning barchasi asosida beqarorlikka bardosh bera oladigan balans mavjud. Kompaniya qarzsiz, mablag‘ining likvidligi yuqori va majburiy sotuvi xavfi yo‘q. «BitMine» kriptobo’zor sikllariga bardoshli bo‘lish uchun tashkil etilgan—reaksiya ko‘rsatish emas, balki faol harakat qilish uchun.
Kompaniya jonli efirda o‘tkazilgan ochiq va real vaqt tartibidagi savol-javobli aksiyadorlar yig‘ilishini tashkil etib, o‘zining ishonchliligi va ochiqligini yana bir bor namoyish etdi.
Yigʻilish yakunida aniq boʻldiki, endi «BitMine» o‘zini faqat Efirium steykingidan tushadigan daromad asosida baholashni istamaydi.
Buning o’rniga, u o’zini raqamli iqtisodiyot uchun «Berkshire Hathaway» (investitsion kompaniya) uslubidagi xolding kompaniyasi sifatida tanishtirmoqda. Ularning modelida, «Efirium» (blokcheyn platformasi) nafaqat mablag‘ keltiradigan asosiy qatlam, balki kapitallarni taqsimlash orqali keyingi rivojlanish bosqichini belgilovchi asosiy omil bo‘ladi. Bu, faqat «Efirium» kriptovalyutasini staking (tokenlarni bloklab mukofot olish) uchun ishlatishga tayangan holda emas, balki yanada kengroq yondashuvni ko‘zda tutadi.
