Efirium (Efirium) narxi $3,000 dan pastga tushib, 2026-yil boshidagi ochilish narxidan ham pasaygan bo‘lsa-da, Efirium steyk qilish (blokcheyn tarmog‘ini qo‘llab-quvvatlash uchun tokenlarni muzlatib qo‘yish) faolligi yangi rekordga yetdi. Eng faol ishtirokchilardan biri bu «BitMine» aksiyalari AQSh fond birjasi «NYSE»da sotiladigan kompaniya (BMNR) bo‘lib, u bosh direktor Tom Li boshchiligida ishlaydi.
Ushbu voqea muhim savolni o‘rtaga tashlaydi: «BitMine» kompaniyasi efirium uchun asosiy harakatlantiruvchi kuchga aylanishi mumkinmi yoki u, ayniqsa, bozor hissiyotlari qo‘rquvga asoslangan paytda, katta xavf manbai bo‘lib qoladimi?
BitMine yanvarda Efirium yig‘ish va stakingini kuchaytirdi
Yaqinda «BitMine» ma’lum qildiki, kompaniya o‘tgan hafta 40 000 dan ortiq Efirium sotib oldi. «CoinGecko» (ma’lumot manbai kompaniya) ma’lumotiga ko‘ra, hozirda kompaniya qo‘lida 4,2 milliondan ortiq Efirium bor. Ularning umumiy qiymati 12,4 milliard dollardan yuqori. Bu ko‘rsatkich Efirium jami taklifining 3,5 foizidan ortig‘ini tashkil etadi.
Ushbu harakat «BitMine» kompaniyasining uzoq vaqtdan beri e’lon qilib kelayotgan umumiy Efirium zaxirasining 5 foizini nazorat qilish maqsadi bilan mos keladi.
Grafik natijalaridan ko‘rinadiki, o‘tgan yildan buyon doimiy ravishda xaridlar amalga oshirilgan va to‘xtash alomatlari ko‘rinmayapti.
Kompaniya bosh direktori Tom Li xalqaro yetakchilar va siyosatchilar bilan Davos anjumanidagi muloqotlardan so‘ng Efirium kelajagiga mustahkam ishonchi borligini bildirib o‘tdi.
«2016-yilda Davos anjumani mavzusi Sunʼiy intellekt (AI) va to‘rtinchi sanoat inqilobi edi. Keyingi o‘n yillikda sunʼiy intellekt va ma’lumot markazlari tez rivojlandi, davlatlar strategiyalarini o‘zgartirdi. O‘n yil o‘tgach, 2026-yil keladi va bu paytda siyosatchilar, dunyo yetakchilari raqamli aktivlarni kelajak moliyaviy tizimining markazida deb hisoblay boshlaydi. «Larry Fink» (davlat mablag‘larini boshqaruvchi kompaniya rahbari) ta’kidlaganidek, bu aqlli blokcheynlar uchun ijobiy holatdir. Efirium hozirda «Wall Street» (AQSh moliya bozori)da eng ko‘p ishlatiladigan blokcheyn bo‘lib qolmoqda va ishga tushirilganidan buyon bir marta ham to‘xtamagan eng ishonchli tarmoqdir», — deya ta’kidladi Tom Li.
Bundan tashqari, «Lookonchain» (tahlil xizmati) hisobotiga ko‘ra, Tom Li «BitMine» orqali bir kunda yana 209 504 Efirium blokcheynga steyk qildi — bu, tahminan $610 million ga teng. «BitMine» kompaniyasining jami steyklangan Efirium tokenlari 2 218 771 donaga yetdi va taxminan $6,52 milliardga baholandi. Bu kompaniyaning barcha Efirium zaxiralari hajmining 52 foizidan ko‘proq qismini tashkil etadi.
Shu vaqtda, «Validator Queue» (blokkcheyn validatorlarining navbati) ma’lumotlari Efiriumni validator sifatida blokcheynga qo‘shish navbati yangi rekord darajaga yetganini, hozirda bu ko‘rsatkich 3,3 million Efiriumdan oshganini ko‘rsatmoqda.
Bundan avval «BeInCrypto» (axborot portali) hisobotida umumiy steyklangan Efirium miqdori 36 milliondan oshgani, ya’ni jami Efirium taklifining 30 foizini tashkil etayotgani aytilgandi. Hozirdan validatorlar navbatiga kiritilgan Efiriumlarni inobatga olsak, bu raqam tez orada 40 millionga yaqinlashishi mumkin.
Analitiklar BitMine’ning Efirium narxiga ta’siri haqida qanday fikr bildirishmoqda?
«Milk Road» (kripto tahliliy nashri) tahlilchisi ta’kidlaydi: hozirda atigi bitta yirik kompaniya — «BitMine» — Efirium muomaladagi umumiy zaxirasining taxminan 3,52 foizini nazorat qilmoqda. «BitMine» kompaniyasining strategiyasi faqat sotib olib saqlash emas. Kompaniya katta miqdorda yuqori darajadagi token yig‘ib, uni steyk qilib, qo‘shimcha daromad olishga harakat qilmoqda. Bunday katta miqdordagi xaridlar bozorga doimiy talab yaratadi va Efirium narxini oshib boruvchi narx kanalida ushlashga yordam beradi.
«Aynan mana shu kabi institutsional miqyosdagi yig‘imlar Efirium narxini o‘sish kanalida ushlab turadi. Yana bir muhim jihati — bozorni chalg‘ituvchi yirik tashqi voqealar narxni vaqtincha kanal tashqarisiga chiqarsa ham, bunday xaridlar uni yana kanalga qaytarishga yordam beradi», – deya ta’kidladi «Milk Road» tahlilchisi.
Tarmoqdagi (on-chain) ma’lumotlar ushbu yondashuvni tasdiqlaydi. Steyk qilish va tokenlarni jamg‘arishda davom etilayotgani sababli ochiq bozordagi Efirium taklifi qisqarib bormoqda, bu esa narx uchun qo‘llab-quvvatlovchi omil sifatida ishlaydi.
Biroq, tahlilchilar haddan oshiq jamg‘arish va nazoratdan kelib chiqadigan muhim xatarlar haqida ham ogohlantirishmoqda. «BitMine» kompaniyasi 2025-yil iyul oyida Efirium sotib olishni boshlagan, ammo shundan beri Efirium narxi avgust oyidagi maksimal darajadan 40 foizdan ortiqka pasaygan.
«BitMine» — kompaniya ochiq ma’lumotlariga ko‘ra, u o‘zining Efirium (ETH) tokenlarini o‘rtacha har birini 2 839 AQSH dollaridan sotib olgan. Hozirda Efirium narxi 2 900 dollarga yaqin. Bu shuni anglatadiki, kompaniyaning foyda marjasi juda kichik va narxlar pasayishda davom etsa, tezda zarar ko‘rishi mumkin.
«Seeking Alpha» — tahliliy tashkilot mutaxassislari, kompaniyaning Efiriumga haddan tashqari ko‘p sarmoya kiritishi katta xavfni yuzaga keltiradi, deb hisoblamoqda. Ayniqsa, bu holat potentsial aksiyalar sonining oshirilishi bilan birga sodir bo‘lsa, risk yanada oshadi.
«Rahbariyat aksiyadorlarni ustavga o‘zgartirish kiritish uchun rozilik berishga undamoqda. Bu o‘zgartirish bilan ruxsat etilgan aksiyalar soni 500 milliondan 50 milliardgacha oshadi. Garchi bu ruxsat darhol yangi aksiyalar chiqarilishini anglatmasa-da, rahbariyatga deyarli cheksiz miqdorda yangi aksiyalar chiqarish uchun yo‘l ochadi», — deydi «Seeking Alpha» — axborot portali tahlilchisi RI Research.
Yaqinda bo‘lib o‘tgan aksiyadorlar yig‘ilishi ham bahs-munozaralarga sabab bo‘ldi. Yangi tayinlangan bosh direktor (CEO) va moliya direktori (CFO) yig‘ilishda qatnashmadi, va’dalangan mehmon ma’ruzachilar ham ishtirok etmadi. Bundan tashqari, «BitMine» — kompaniyasining blokcheyn asosiy strategiyasiga aloqasi bo‘lmagan «MrBeast» — media loyihasiga 200 million dollarlik mojaroli sarmoyasi rahbariyatning e’tibori hamda kapitalni taqsimlash ustuvorliklari haqida xavotir uyg‘otdi.
«BitMine» — kompaniyasining uzoq muddatli strategiyasi qanchalik samarali bo‘lishi hozircha noaniq. Ammo u Efirium umumiy hajmining 5 foiziga yetayotgan bir paytda, kompaniya token narxlari shakllanishida muhim omilga aylanmoqda. Shuning uchun, sarmoyadorlar kompanyani va umumiy bozor sharoitlarini diqqat bilan kuzatishi tavsiya etiladi. Bozor barqarorligi, investitsiyalar barqarorligi, kelajak barqarorligi — bular hamisha dolzarb.
