«Itaú Unibanco Holding SA» banki (yirik xususiy bank, Lotin Amerikasidagi eng katta xususiy moliya muassasasi) o‘z mijozlariga 2026-yil uchun investitsiya portfeli tarkibining 3 foizigacha qismini «Bitkoin»ga ajratishni tavsiya qilmoqda.
Bank, «Bitkoin»ni spekulyativ aktiv emas, balki Braziliya realining qadrsizlanishiga qarshi himoya vositasi sifatida ko‘rsatdi.
Nega Itau mijozlarning mablag‘larini bitkoin shaklida saqlashni istaydi?
Sao-Pauloda joylashgan mazkur moliya tashkilotining strategik eslatmasida, tahlilchilar investorlar jahon narxlari noaniqligi va milliy valuta tebranishi kabi ikki murakkab vaziyatga duch kelayotganini aytishdi. Ularning ta’kidlashicha, bu sharoitlarda investitsion portfelni shakllantirishda yangicha yondashuv zarur.
Bank, «Bitkoin»dan 1 foizdan 3 foizgacha ulush ajratilishini tavsiya qiladi. Bu orqali ichki iqtisodiy sikllarga bog‘liq bo‘lmagan foydani olish maqsad qilingan.
«Bitkoin — bu anʼanaviy obligatsiyalar, oddiy aksiyalar yoki mahalliy bozor aktivlaridan tubdan farq qiluvchi faoliyat turi. U o‘ziga xos ishlash mexanizmi va daromad imkoniyatiga ega. Butun dunyo miqyosida va markazsizlashtirilgan tarzda ishlaganligi uchun, valuta qadrsizlanishidan himoya vositasi bo‘la oladi», — deb yozdi bank.
«Itaú Unibanco Holding SA» banki, «Bitkoin» asosiy investitsiya manbasiga aylanmasligi lozimligini ta’kidladi. Uni tarjiba sifatida, investor xavf ko‘rsatkichlariga mos ravishda portfelga qo‘shimcha vosita sifatida tavsiya qilinmoqda.
Asosiy maqsad — ichki iqtisodiy vaziyatlar bilan chambarchas bog‘liq bo‘lmagan daromadlarni olish hamda valutani qadrsizlanishidan qisman himoya qilishdir. Shu bilan birga, ushbu yondashuv uzoq muddatli qiymatning o‘sishidan foyda olish imkoniyati beradi.
Bank, Bitkoin va an’anaviy aktivlar sinfi o‘rtasida o‘zaro bog‘liqlik past ekani haqida ham ma’lumot berdi. Ularning ta’kidlashicha, portfelning 1 dan 3 foizgacha qismini ajratish investitsiya xavfini ko‘paytirmasdan, turlarni ko‘paytirishga yordam beradi.
Bankning eslatmasida aytilishicha, bunday yondashuv baraka, intizom va uzoq muddatli qarashlarni talab qiladi. Qisqa muddatli narx tebranishlariga javoban tez-tez qaror qabul qilish tavsiya etilmaydi.
«Bitkoin va boshqa xalqaro bozorlardagi aktivlarni «anig‘ timing» bilan sotib olish yoki sotish juda xavfli — ko‘pincha samarali natija bermaydi», — deya ogohlantiradi bank.
«Itaú Unibanco Holding SA» bankining 3 foizlik tavsiyasi, global innovatsion ko‘rsatmalarga yaqinlashmoqda va Amerika Qo‘shma Shtatlari banklari bilan tafovutni qisqartirmoqda.
Shuni alohida ta’kidlash kerakki, yirik AQSHda faoliyat yurituvchi banklardan «Morgan Stanley» (moliyaviy tashkilot) va «Bank of America» (moliyaviy tashkilot) ham o‘z mijozlariga raqamli aktivlar — «Bitkoin» uchun portfelning 4 foizgacha qismini ajratishni tavsiya qilgan.
Biroq, braziliyalik investorlar uchun vaziyat boshqacha.
«Itaú Unibanco Holding SA» banki, iqtisodiy davrlar qisqarib, tashqi omillar tez-tez ta’sir ko‘rsatayotgan dunyoda, «Bitkoin»ning «gibrid xarakteri» uni an’anaviy investitsiya vositalaridan ajratib turishini ta’kidladi.
Bankning fikricha, asosiy raqamli aktiv ham yuqori xavfli vosita, ham global boylikni saqlash (qiymat saqlovchi) vositasi sifatida tavsiflanadi. Shu sababli, aktivlar kombinatsiyasi obligatsiyalarda endi kafolatlanmaydigan barqarorlikni ta’minlashi mumkin. Bozor barqarorligi, investitsiyalar barqarorligi, kelajak barqarorligi.
