Cardano blokcheyn ekotizimi fevral oyining oxiriga qadar Circle kompaniyasining (moliyaviy texnologiyalar tashkiloti) USDC barqaror tokenining USDCx ko‘rinishini o‘z tizimiga qo‘shadi.
15 fevral kuni, «Anastasia Labs» aqlli shartnomalar ishlab chiquvchi kompaniyasining rahbari Filipp DiSaro, USDCx oyning oxirigacha tarmoqda ishga tushirilishini tasdiqladi.
Cardano ekotizimi yaqinda ishga tushiriladigan USDCx bilan kriptovalyutalarda barqaror tangalarning yetishmasligi muammosiga yechim topmoqchi
USDCx bu dollarga bog‘langan barqaror token bo‘lib, har bir USDCx bir dona USDC tokeni bilan ta’minlanadi va Circle kompaniyasining xReserve platformasi orqali kafolatlanadi. «Circle» kompaniyasi — USDC chiqargan va bozordagi eng yirik ikkinchi barqaror token chiqaruvchisi moliyaviy texnologiyalar tashkiloti.
Filipp DiSaro so‘zlariga ko‘ra, USDCx chakana foydalanuvchilar uchun to‘liq USDCdagi kabi ishlaydi. Ya’ni, uni markazlashmagan ilovalar orqali bemalol ishlatish mumkin bo‘ladi.
Biroq, u ta’kidlashicha, USDCx’ning pulni qaytarib olish (reden ption) mexanizmidagi ayrim nozik farqlari bor.
«USDCx xususiyatlari bilan chakana foydalanuvchilar uchun asl USDC bilan bir xil. Faqatgina yagona farq — USDC tokenini Circle orqali bank hisob raqamiga faqat Circle’ning yirik hamkorlari, ya’ni yuridik shaxslar to‘g‘ridan-to‘g‘ri dollarga almashtira oladi. Oddiy foydalanuvchilar buni bajarish imkoniga ega emas va, aslida, DeFi xizmatidan faol foydalanadiganlar ham bu imkoniyatdan foydalana olishmaydi», — dedi Filipp DiSaro ijtimoiy tarmog’ida.
Shu bilan birga, DiSaro yangi barqaror token butun Cardano ekotizimida USDCning barcha foydali jihatlarini saqlab qolishini ta’kidladi.
«USDCx — bu imkoniyati cheklangan USDC emas; unda chakana foydalanuvchilar uchun USDC’ning barcha funksiyalari mavjud. Siz USDCx tokenini faqat bitta tranzaksiyada har qanday CCTP tizimi yoqilgan zanjiriga yuborishingiz mumkin. Bu, aslida, Cardano’da asl USDC bo‘lganida ham xuddi shu tarzda ishlardi. Qaysi to‘lovni USDC bilan amalga oshirish mumkin bo‘lsa, USDCx bilan ham shu to‘lovni amalga oshirish mumkin», — deya izoh berdi Filipp DiSaro.
Shunga qaramay, bozordagi kuzatuvchilar bu yangilanishni Cardano blokcheyni uchun muhim infratuzilma yangilanishi, deb baholashmoqda.
Ayniqsa, Charlz Xoskinson boshchiligidagi blokcheyn ilgari boshqa yirik zanjirlar — masalan, Efirium va Solana singari chuqur va barqaror token likvidligini jalb qila olmagan edi.
«DeFiLlama» tashkilotining statistikalariga ko‘ra, Cardano’da mavjud barqaror tokenlar miqdori qariyb 40 million dollarni tashkil qiladi. Boshqa yirik tarmoqlarda esa bu ko‘rsatkich milliard dollarlar miqdorida.
Ilgari Cardano blokcheynida barqaror tokenlar bozorini rivojlantirishga qaratilgan urinishlar natija bermagan va bu tarmoq markazlashmagan moliya sohasida raqobatdoshligiga salbiy taʼsir ko‘rsatgan edi.
Endilikda, ushbu harakat tarmoqdagi likvidlik muammosini hal qilish, hamda Cardano’ning markazlashmagan moliya imkoniyatlarini oshirish uchun amalga oshirilyapti.
Ayni paytda, Cardano o‘zining boshqa tarmoqlardan izolyatsiyalangan imidjidan qutulish maqsadida LayerZero (blokcheynlararo aloqa platformasi) integratsiyasini amalga oshirmoqda. Ushbu protokol har xil blokcheynlar o‘rtasida xavfsiz va to‘g‘ridan-to‘g‘ri ma’lumot almashishni ta’minlaydi.
LayerZero’dan foydalanib, Cardano ilovalari nazariy jihatdan Efirium, Solana va yana ellikdan ortiq boshqa tarmoqlar bilan ishonchli va oraliqsiz aloqada bo‘la oladi.
Biroq, hozircha investorlar bu islohotlarga ijobiy munosabat bildirgani yo‘q.
«BeInCrypto» (axborot portali) ma’lumotlariga ko‘ra, tarmoqning o‘z tokeni — ADA oxirgi bir oyda 25 foizdan ko‘proq arzonladi va so‘nggi 2 yil ichidagi eng past ko‘rsatkich — $0.24 (dollar)ga tushib ketdi. Hozirda esa narxi $0.28 atrofida qayd etilmoqda.
Bu narx harakati, umuman olganda, kriptovalyuta bozoridagi tushkunlik va Cardano zanjirining doim ko‘proq ishtirokchilar ega bo‘layotgan kriptoiqtisodiy muhitda ulushni oshirish imkoniyati borasidagi shubhalarni aks ettiradi.
