Cardano blokcheyn loyihasi narxida kichik o‘sishga erisha oldi va bu hozirgi murakkab holatda kamyob ijobiy ishora bo‘lmoqda. Bu o‘sish qisqa muddatli yengillik bersa-da, ADA tokeniga ta’sir qilayotgan tub muammolarni hal qilmayapti.
Krupny foydalanuvchilar ya’ni «kitlar» (ko‘plab token egalari) harakati so‘nggi uch haftadan buyon deyarli o‘zgarmadi. Bu esa altkoin uchun muhim o‘sish kuchiga to‘sqinlik qilmoqda.
Cardano’ning yirik investorlarida ishonch yo‘q
«Cardano» kitlari 24-fevraldan boshlab ADA tokenlarini uzluksiz ravishda sotishmoqda. 10 milliondan 100 milliontagacha ADA saqlayotgan manzillar ushbu davrda jami 380 million tokenni, qariyb 103 million dollardan ziyod miqdorni sotib bo‘lishgan.
Uch haftadan buyon davom etayotgan bunday sotuv ishonch muhim darajada yo‘qolayotganini bildiradi. Bu altkoinning eng katta egalari orasida ko‘rilmoqda.
Bunday katta miqdordagi tokenlarni taqsimlab sotish narxga jiddiy ta’sir ko‘rsatadi. Odatda, yirik egalarning tokenlarni sotishi, bozorga yangi pasayish to‘lqinini keltirib chiqaradi. Sababi kichik sarmoyadorlar ham «kitlar»ning chiqishini salbiy ishora deb qabul qilishadi.
Bu davomli va jonli token sotish holati shuni ko‘rsatadiki, tasirlangan manzillar ADA tokenining yaqin kelajakdagi o‘zini oqlashi borasidagi ishonchlarini qaytadan ko‘rib chiqishdi. Manba
Sof foyda va zarar indikatoriga ko‘ra, hozir ADA sarmoyadorlarining ko‘pchiligi tokenlarini ayirboshlashda zarar ko‘rib turibdi. Aslida, ko‘pchilik investorlar foyda emas, zarar holatida turibdi. Bu esa, Cardano tokenining so‘nggi narx pasayishi qanchalik og‘ir kechayotganidan dalolat beradi. Shunday keng ko‘lamli zarar hissi doimiy ravishda token sotib olish uchun psixologik jihatdan murakkab muhit yaratmoqda.
Tokenlarini zarariga sotayotgan egalari hali ham savdo qilishda davom etishyapti. Bu harakat, token egalarining strategik o‘zgarish emas, balki vahima tufayli nima qilishini bilmay tokenlaridan xalos bo‘lishini ko‘rsatadi. Potensial yana ham ko‘proq zarar ko‘rmaslik uchun tokenni arzon narxda sotish, oddiy odamlarda keng uchraydigan qo‘rqinch hissi natijasidir.
Bunday vahima ta’sirida tokenlarning bozorga ko‘p chiqarilishi sotuv bosimini yanada kuchaytiradi. Bunday bosim ostida narxlarni barqaror shaklda tiklash ancha mushkul kechadi. Rivojlanish uchun esa investorlar kayfiyatida tub o‘zgarish zarur.
ADA narxining tiklanishi hozircha kutilmayapti
Cardano narxi hozirda $0.264 darajasida savdolashmoqda. Bu 0.269 dollarlik qarshilik darajasidan past, lekin 0.254 dollarlik qo‘llab-quvvatlashdan yuqori. Altkoin 20 kunlik ekspotensial o‘rtacha ko‘rsatkichi (EMA)dan ham pastda turibdi. Bu esa joriy pasayish tendensiyasi hamon davom etayotganiga dalolat beradi. Bir necha vaqt oralig‘ida texnik tuzilma ham zaif holatda.
Krupny token egalari sotishda davom etsa va bozorga vahimali token chiqarish ortsa, ADA narxi 0.254 dollar darajasiga qaytib tushishi mumkin. Agar bu darajadan ham pasaysa, Cardano tokenining narxi chuqurroq pasayib, 0.243 dollarga yetishi mumkin. Bu esa, allaqachon zarar holatida bo‘lgan egalarning yo‘qotishini oshiradi.
EMA ko‘rsatkichidan past holat va yirik token egalari faol sotishi, narxni tiklashga urinishlarni qiyinlashtirmoqda.
Agar narxda barqaror tiklanish yuz bersa, ADA 0.269 dollarlik to‘siqdan o‘tib, 0.285 dollarga qadar ko‘tarilishi mumkin. Ushbu bosqichdan o‘tsa, pasayish to‘g‘risidagi taxminlar inqirozga uchraydi va sotish bosimi susayganidan dalolat beradi.
