Cardano narxi hozir chuqur chegirmada savdo qilmoqda. Dekabr boshidan beri uning narxi deyarli 45% ga pasaydi va yaqinda $0.26 darajasigacha tushib, keyin $0.28 atrofida qayta ko‘tarildi. Qog‘ozda bu kuchli xarid hududiga o‘xshaydi.
Grafikda ham ilk reversal — ortga qaytish belgilari ko‘rinmoqda. Oddiy investorlar — chakana savdogarlar yana token jamg‘armoqda. Lekin yirik egalari, ya’ni «kitlar» (eng ko‘p token ushlovchilar) hanuz ehtiyotkor. Chegirma va yaxshilanish belgilariga qaramay, xarid qilish ishonch bilan bo‘layotgani yo‘q. Bu vaziyatni uchta ma’lumot ifodalaydi.
Pastga yo’nalgan kanal ichida mavjud bo’lgan ijobiy tafovut hali ham yirik investorlarni birlashtira olmadi
Texnik tahlilga ko‘ra, Cardano grafikida bir vaqtning o‘zida har xil belgilarga guvoh bo‘lamiz.
Noyabrdan buyon ADA tushuvchi kanal ichida savdo bo‘lib kelmoqda. Bu kanal — yuqori va past darajalar har safar pasayib borayotgan, parallel chiziqlar orasidagi oraliqda. Bu, o‘z navbatida, boshqariladigan pasayishni — ya’ni vahimali sotuv emas, nazorat ostidagi tendensiyani bildiradi. Ammo hali ham narx pastga tushish xavfi bor.
Biroq, hozirda harakat kuchi yaxshilanmoqda.
21-noyabrdan 31-yanvargacha ADA yangi past daraja — ya’ni past nuqtani ko‘rsatdi. Shu vaqtda «nisbiy kuch indeksi» (RSI) esa yuqoriroq past nuqtani hosil qildi. RSI — bu harakat kuchini 0 dan 100 gacha ko‘rsatadigan indikator. Narx pasaygan, lekin RSI ko‘tarilgan holatda, bu sotuv bosimi sustlashayotganini anglatadi. Bu hodisa «bullish divergence» yoki «musbat tafovut» deb ataladi. Odatda bunday vaziyatlar yangi tendensiya boshlanishida, ya’ni ortga o‘sish arafasida paydo bo‘ladi.
Shu kabi tokenlar haqida ko‘proq ma’lumot olmoqchimisiz? Tahririyat rahbari Harsh Notariya tomonidan taqdim etiladigan kunlik «BeInCrypto» (axborot tahliliy tashkilot) kripto yangiliklariga bu yerdan obuna bo‘ling.
Biroq, reversal belgisiga qaramay, kitlar — yirik investorlar — bir yoqadan bosh chiqarib harakat qilmayapti.
Blokcheyn ichki ma’lumotlari uchta asosiy jamg‘arma guruhlari har xil yo‘l tutayotganini ko‘rsatmoqda:
- 1 milliard dan ortiq ADA ushlab turgan jamg‘arma egalari 28-yanvardan keyin biroz token ko‘paytirdi, ammo oy oxirida sodir bo‘lgan kuchli pasayish paytida hech qanday harakat qilmagan.
- 100 milliondan 1 milliardgacha ADA ushlovchilar zaxirasini 2,58 milliarddan 2,47 milliardgacha qisqartirdi.
- 10 milliondan 100 milliongacha ADA ushlovchilar token miqdorini 13,37 milliarddan 13,50 milliardgacha oshirdi.
Odatda, kitlar ko‘tarilishga ishongan vaqtda bunday investorlar guruhlari birga harakat qilib, token jamg‘aradi. Hozir esa bu sodir bo‘lmayapti. Umumiy xarid bosimi atigi 20 million ADA ni tashkil qiladi. Bunga sabab — xatarlar.
ADA tushuvchi kanalning pastki chegarasiga yaqin turar ekan, deyarli doim pasayish — ya’ni qulash xavfi mavjud. Agar pastga qarab kanal uzilib, tasdiqlansa, narx yana 29% qulash ehtimoli bor — bu pastroqda batafsil ko‘rsatib o‘tiladi. Tuzilma xavfi, hattoki musbat tafovut yuzaga kelganda ham, yirik investorlarni mudofaa holatida ushlab turadi.
Ijtimoiy ustunlikning zaifligi va chakana xaridorlarning ehtiyotkorligi narxlarning o‘sishini cheklamoqda
Ikkinchi to‘siq — bu umumiy kayfiyat, ya’ni bozor hissiyoti.
«Ijtimoiy ustunlik» — bu token boshqa kriptovalyutalar bozoriga nisbatan qanchalik e’tibor qaratilganini o‘lchovchi indikator. Ya’ni internetdagi muhokamalar orasida shu token nechog‘li muhim ekanini ko‘rsatadi. Ustunlik oshsa, bu ko‘pincha qiziqish va yangi mablag‘ oqimlarini anglatadi.
Cardano uchun ijtimoiy ustunlik 2025-yil noyabrda deyarli 1,08% gacha yetgan. O‘sha paytda ADA narxi $0,59 darajasini ko‘rgan. Keyin ustunlik asta-sekin kamayib bordi. Hozirda esa bu ko‘rsatkich atigi 0,047% atrofida, ya’ni bir necha oy ichidagi eng past darajaga yaqin.
Tarixiy nuqtai nazardan, bu juda muhim.
- Dekabr boshida ijtimoiy faollik kuchayganida, narxda 12% ko‘tarilish yuz berdi.
- Dekabr oxirida yangi cho‘qqiga chiqqanidan keyin esa, narx yana 16% ga o‘sdi.
Ijtimoiy e’tibor oshsa, narx ham odatda ortidan ko‘tariladi. Hozir esa qiziqish so‘nmoqda. Narrativ, ya’ni muhokama va yangilik yuzaga kelmay turib, kitlarda yirik miqdorda xolding qiladigan rag‘bat yo‘q. Oddiy savdogarlar harakati ijobiy, lekin ular ham ehtiyotkor.
22-yanvardan boshlab, ADA har kuni birjalardan net chiqim — ya’ni tokenlar chiqayotganini ko‘rsatmoqda. Bu shuni bildiradiki, tokenlar birjalardan olib chiqilmoqda, odatda sotib bo‘lish emas, ushlab turish uchun. Demak, bu xarid bosimi mavjudligini bildiradi.
Kundalik net xaridlar eng yuqori cho‘qqisiga 31-yanvarda, ya’ni $14,9 million atrofida yetgan, keyin esa asosiy ko‘rsatkich $2,8 million darajasiga pasaygan. Yanvar oyining oxiridan beri yirik savdo-sotuv — katta miqdordagi sotuvlar kuzatilmagan.
Bu, chakana investorlar xarid uchun qulay paytlarni asta-sekin yig’ayotganini ko’rsatadi. Biroq jarayon sekin kechmoqda. Ijtimoiy tarmoqlarda qiziqish oshmasa, oddiy investorlarning talabigina kuchli narx o‘sishini ta’minlay olmaydi.
Aqlli pul kuchsizligi va asosiy Cardano narx darajalari yirik investorlarni ehtiyotkorlikka undamoqda
So‘nggi ogohlantirish esa «aqlli pul» (yirik va tajribali investorlar strategiyasi) hamda narx tuzilmasi bilan bog‘liq.
Smart Money Index (Aqlli Pul Indikatori) kuchli tajribaga ega treyderlarning bozorning turli soatlarida qanday harakat qilganini ko‘rsatadi. Bu ko‘rsatkich, asosan, tajribali va bilimli investorlarning xatti-harakatlarini aks ettirish uchun joriy etilgan. Emotsional savdo harakatlari emas, balki o‘ylangan qarorlar muhim.
Yaqinda bu indikator o‘z signal chizig‘idan pastga tushdi va pasayishda davom etdi. O‘tgan yillardagi bozor o‘sishlarida, masalan, yanvar boshlarida, u narxdan oldin ko‘tarilar edi. Ayni paytdagi zaifligi esa professional treyderlar hali narxning ko‘tarilishini kutmayotganini ko‘rsatadi. Bu, shuningdek, yirik investorlarning ehtiyotkorligini ham mustahkamlaydi.
Texnik tahlilga ko‘ra, fevral oyining prognozini belgilovchi muhim darajalar paydo bo‘ldi.
Yuqoriga harakatda, ADA dastlab $0.319 darajasini qayta olishi lozim. Bu, ishonch ortayotganidan darak beradi. $0.376 dan yuqoriga chiqish yanada muhim. Bu tez pasayuvchi kanalni yorib, bozordagi salbiy kayfiyatni neytralga o‘zgartirishi mumkin. Bunday harakat yirik investorlarning birgalikda xarid qilishiga sabab bo‘ladi.
Pastroqqa qaraganda, $0.268 muhim daraja bo‘lib qolmoqda. Agar narx shu darajadan pastga doimiy ravishda tushsa, bu narx kanalining buzilishini tasdiqlaydi va pastga tomon $0.188 darajasini ochadi. Bu kanal buzilishidan boshlab narx taxminan 29% tushishini anglatadi.
Narx $0.268 va $0.319 oralig‘ida tursa, bozor noaniqligi saqlanadi. Ijobiy tafovut (bullish divergence) sotuv bosimi kamayayotganini ko‘rsatadi. Lekin ijtimoiy faollik zaif, yirik investorlar harakati ham tarqoq, aqlli pul tomonidan qo‘llab-quvvatlash yo‘q. Hissiyot yaxshilanmaguncha va asosiy qarshilik darajalari buzilmaguncha, «Cardano» (blokcheyn loyihasi) narxi tiklanishi ehtimol sifatida qoladi, biroq kafolatlanmagan.
