«Anthropic» sunʼiy intellekt kompaniyasining Claude Code dasturiga oid maxfiy manba kodi 512 000 qatordan iborat bo‘lgan va bu kod 31-mart kuni oddiy npm yangilanishi davomida xatolik natijasida debug fayliga biriktirilgan holda ochiq holda e’lon qilinib yuborildi.
Ushbu hodisa kompaniyaning eng asosiy AI (Sunʼiy intellekt) asosidagi kod yozish vositasining to‘liq tuzilishini fosh qildi. Bu vosita yillik tushumi 2,5 milliard dollar deb baholanadigan daromad keltirib beradi.
Besh kun ichida ikkinchi texnik uzilish aksiyalarning birinchi ommaviy taklifi yuzasidan savollar tug‘dirdi
Xavfsizlik bo‘yicha tadqiqotchi Chao’fan Shou ochiq bo‘lib qolgan source map (manba xaritasi) faylini Claude Code dasturining 2.1.88 versiyasida ko‘rib chiqdi va bu haqda ijtimoiy tarmoq «X» (sobiq «Twitter» ijtimoiy tarmog‘i)da havolani joylashtirdi.
Bu manba kodi oradan bir necha soat o‘tib «GitHub» dasturchilar platformasiga keng tarqaldi. U yerda o‘n minglab foydalanuvchilar kodni o‘z loyihalariga nusxaladi. «Anthropic» kompaniyasining DMCA (mualliflik huquqlari himoyasi) so‘rovlaridan so‘nggina bu keng tarqalish bir oz to‘xtadi. Manba.
Ushbu hodisadan bor-yo‘g‘i besh kun oldin boshqa bir xatolik — CMS (kontent boshqaruvidagi sozlamalarning noto‘g‘ri belgilanishi) natijasida kompaniyaning chiqmagan «Mythos» modeli haqidagi tafsilotlar ham kirgan, taxminan 3 000 ichki fayl oshkor bo‘lib ketdi.
Bir haftada ikki marta tasodifiy ma’lumot sızishi — bozorda bahosi 350 milliard dollar bo‘lgan va 2026-yilning to‘rtinchi choragida IPO (Dastlabki Ommaviy Taklif) haqida o‘ylayotgan kompaniya uchun jiddiy operatsion savollarni keltirib chiqarmoqda.
Kod endi doimiy bo’ldi
Koreya-kanadalik dasturchi Sigrid Jin, o‘tgan yili «Wall Street Journal» gazetasida 25 milliardta Claude Code tokenlarni sarflagani haqida maqola e’lon qilingan edi, bu yirik sızıshdan keyin tong otmasidan «Python» tilida toza muhitda dastur kodini qayta yozib chiqdi.
U yaratgan «claw-code» nomli loyiha «GitHub» platformasida ikki soat ichida 50 000 ta yulduz, ya’ni yuqori baho to‘pladi.
Ochiq bo‘lib ketgan fayllar orasida «Undercover Mode» (Yashirin rejim) nomli maxsus ichki funksiya ham borligi aniqlandi. Bu funksiya aynan Claude’ning «Anthropic» sirlarini tarqatib yuborishini oldini olish uchun ishlab chiqilgan edi.
Bundan tashqari, koddan 44 ta maxfiy funksiya-sozlamalar, hali chiqmagan «KAIROS» fon jarayoni va ichki model kod nomlari, jumladan, Claude 4.6 uchun «Capybara» laqabi ham fosh bo‘ldi.
«Anthropic» sunʼiy intellekt kompaniyasi bir necha axborot nashrlariga bu holatni tasdiqladi va uni inson omili sababli yuzaga kelgan paketlash (fayllarni birlashtirish) xatosi deb hisobladi. Kompaniyaning Claude Code dasturidan olinayotgan daromadlarning 80 foizini tashkil etuvchi korporativ (yirik biznes) mijozlar esa endilikda bu vosita xavfsizligi va huquqlar uchun ruxsatlarni aylanib o‘tish imkoniyatlari butun internetda ochiq bo‘lib qolganidan xavotirda.
