«CME Group» (birja operatori) 2026-yil 29-maydan boshlab «CME Globex» (onlayn birja platformasi)da kriptovalyuta fyuchers va opsionlari bilan kunu-tun savdo qilish imkoniyatini yaratadi. Bunga esa 2025-yilda kriptoderivativlar bo‘yicha $3 trillion hajmida umumiy savdo aylanmasiga erishilgani sabab bo‘ldi.
Nima uchun bu muhim:
- Trerderlar endi dam olish kunlari ham yangiliklarga darhol javob berishlari mumkin bo‘ladi. Bu esa, kriptovalyuta bozorlari harakat qilayotganda va CME yopiq bo‘lganda, narxlar o‘rtasidagi tafovut va tavakkalning oldini oladi.
- Institutsional investorlar, ya’ni yirik moliyaviy tashkilotlar CME birjasidagi kripto derivativlari orqali kriptovalyutalardagi risklarni ham doimiy himoyalash imkoniyatiga ega bo‘lishadi. Bu esa tun davomida yuzaga keladigan xavf-xatarni kamaytiradi.
- Bu yangilik «CME» (birja operatori) tomonidan raqamli aktivlarga katta qiziqish bildirayotgan an’anaviy moliya («TradFi») tashkilotlari talabiga bevosita javob ekanligini anglatadi.
Batafsil ma’lumotlar:
- «CME Group» (birja operatori) yangi 24/7 jadvalini 2026-yil 19-fevralda e’lon qildi. Bu qaror tartibga soluvchi tashkilotlar tomonidan tasdiqlanishi zarur. Rasmiy xabar press-reliz orqali e’lon qilindi.
- Kriptoderivativlar bo‘yicha o‘rtacha kundalik savdo hajmi (ADV) 2026-yilda 407 200 shartnomaga yetdi. Bu, o‘tgan yilga nisbatan 46 foizga ko‘p.
- Fyuchers bo‘yicha kunlik savdo hajmi 403 900 shartnomani tashkil etib, o‘tgan yilga qaraganda 47 foizga oshdi. Ushbu ma’lumotlarni «CME Group» (birja operatori) taqdim etgan.
- O‘rtacha har kuni oyning oxirigacha ochiq qolgan shartnomalar soni 335 400 tani tashkil etdi. Bu esa, o‘tgan yilgi natijadan 7 foizga yuqori.
- «CME» (birja operatori) rasmiy «X» ijtimoiy tarmog’i sahifasida yangi xizmat 2026-yil 29-maydan boshlanishini tasdiqladi.
Kengroq kontekstda:
- 2025-yilda «CME» (birja operatori) kriptovalyuta derivativlari bo‘yicha $3 trillion hajmda savdo amalga oshirganini qayd etdi. Bu esa, tartibga solingan derivativlar savdosidagi institutsional talab bevosita spot bozor faoliyati bilan tenglasha boshlaganini ko‘rsatadi.
- Yangi 24/7 jadval «CME» (birja operatori)ni har doim uzluksiz savdo qiladigan mahalliy kripto birjalariga yaqinlashtiradi. Natijada, an’anaviy moliya va markazlashmagan moliya (DeFi) o‘rtasidagi farq qisqaradi.
- Regulyativ muhitda uzluksiz savdo institutsional sarmoya hajmini offshor bozorlaridan, ya’ni tartibga solinmagan birjalardan, rasmiy maydonlarga o‘tkazishi mumkin.
