«CME Group» (derivativlar bozorida dunyodagi eng yirik savdo platformasi) Cardano (ADA), Chainlink (LINK) va Stellar (XLM) tokenlari uchun fyuchers shartnomalarini ro‘yxatdan o‘tkazishni rejalashtirmoqda. Savdo 9-fevraldan boshlanadi, bu esa tartibga solish idoralarining tasdig‘idan so‘ng amalga oshiriladi.
Ushbu qadam tartibga solingan kriptovalyuta derivativlarini yirik altkoinlarga olib keladi va yirik investorlar uchun imkoniyatlarni kengaytiradi. Biroq, e’lon qilinishi ADA, LINK va XLM narxlariga sezilarli ta’sir ko‘rsatmadi.
CME guruhi kriptovalyuta mahsulotlari to‘plamini kengaytirdi
Rasmiy bayonot «CME Group» tomonidan «X» ijtimoiy tarmog‘i (avvalgi «Twitter» ijtimoiy tarmog‘i) orqali e’lon qilindi. Yangi mahsulotlar standarti va mikro o‘lchamda taklif qilinadi, ular ham yirik investorlar, ham kichik savdogarlar uchun mo‘ljallangan.
Standard fyuchers shartnomalarida 100 000 ADA, 5 000 LINK yoki 250 000 XLM bo‘ladi. Mikro shartnomalar esa 10 000 ADA, 250 LINK yoki 12 500 XLM ni o‘z ichiga oladi. Mikro variantlar kichik savdogarlar uchun ham qonuniy asosda kripto savdo qilish imkoniyatini oshiradi, chunki ularga kirish narxi past.
«Kripto mahsulotlarimiz to‘plami endi Cardano, Chainlink va Stellar fyucherslari bilan kengaymoqda. Katta va mikro o‘lchamda mavjud bo‘lgan ushbu shartnomalar strategiyangiz uchun sarmoya samaradorligi va moslashuvchanligini ta’minlaydi», – deya yozdi «CME Group» jamoasi.
Ushbu yangilik tartibga solingan kriptovalyutaga investitsiya qilishga talab ortib borayotgan bir paytda ma’lum qilindi. 2025-yilda «CME Group» derivativlar faoliyatida rekord ko‘rsatkichlarga erishilganini ma’lum qildi. O‘rtacha kunlik savdo hajmi 139 foizga oshib, 278 000 shartnomaga yetdi; bu $12 milliard qiymatga teng.
Cardano, Chainlink va Stellar fyucherslarini ishga tushirilishi «CME Group»ning tartibga solingan optsionlar va fyucherslar qatorini kengaytiradi. Hozirda bu ro‘yxatda Bitkoin, «Efirium», XRP va «Solana» fyuchers va optsionlari mavjud. Shuni ta’kidlash joizki, har bir yangi shartnoma «AQSh Tovar Fyuchers Savdosi Komissiyasi» (CFTC – AQSh davlat tartibga soluvchi organi) tasdig‘iga muhtoj. Bu «CME Group»ning tartibga solishdagi mas’uliyatli yondashuvini ko‘rsatadi.
CME harakati ADA, LINK va XLM kriptovalyutalariga yirik institutsional tan olinish olib kelmoqda, narxlarning barqarorligiga qaramay
Cardano, Chainlink va Stellar narxlari «CME Group»ning 15-yanvardagi e’loni ortidan deyarli o‘zgarmadi. Bu avvalgi tendensiyalarga mos keladi. Hattoki «CME Group» XRP va «Solana» uchun yangi shartnomalarni e’lon qilganida ham narxlsarning darhol o‘zgarishi sezilmagan.
«BeInCrypto» axborot nashriga ko‘ra, ADA narxi so‘nggi bir kunda 2,2 foizga pasayib, matbuot paytida $0,39 ni tashkil etdi. XLM esa 1,1 foizga arzonlashib, $0,22 ga tushdi.
LINK esa ozroq – faqat 0,49 foizga pasaydi va hozirgi narxi $13,7. Ushbu pasayishlar bozorning umuman ko‘rsatkichlariga mos kelyapti: umumiy bozor kapitalizatsiyasi deyarli 1 foizga kamaydi.
Shunga qaramay, ko‘plab tahlilchilar ushbu harakat yirik investorlarning Cardano, Chainlink va Stellar aktivlariga nisbatan e’tibori oshayotganini va bozordagi ishtirokchilar doirasining kengayayotganini ta’kidlamoqda.
«Bu Stellar uchun qanday ahamiyatga ega: • XLM yirik investorlar uchun tan olinish va ishonchlilikka ega bo‘lmoqda • Tartibga solingan fyuchers fond va aktivlarni boshqaruvchilar uchun yangi imkoniyatlar ochadi • Ko‘proq likvidlik, xavfni boshqarish va bozor pishib borishi • An’anaviy moliya va Stellar blokcheyni (markazlashmagan raqamli texnologiya) o‘rtasida yana bir ko‘prik quriladi», – deya ta’kidladi «Stellar» asosidagi «Scopuly» (markazlashmagan moliyaviy xizmat) hamyoni jamoasi.
Umuman olganda, «CME Group» tomonidan Cardano, Chainlink va Stellar fyucherslarini ishga tushirish bozorning yetuklik sari bosgan navbatdagi qadami hisoblanadi. Garchi mazkur e’lon darhol narxlarning ko‘tarilishiga olib kelmagan bo‘lsa-da, bu tartibga solingan moliyaviy vositalarning ahamiyati ortib borayotganini va yirik altkoinlar uchun bozor infratuzilmasining mustahkamlanayotganini yana bir bor tasdiqlaydi. Bozor barqarorligi, investitsiyalar barqarorligi, kelajak barqarorligi!
