«Coinbase» moliyaviy bozorlari (birja kompaniyasi) AQShda davlat tomonidan tartibga solingan birinchi fyucherslar komissiya savdogariga (FYuChS, kelajak shartnomalar bozorida vositachi) aylandi. Endi u ichki mijozlarni global kripto doimiy va opsion bozorlariga ulash uchun ruxsat oldi. Bu haqda «Coinbase» birjasi 29-may kuni ma’lum qildi. Endi amerikalik treyderlar uchun ilgari yopiq bo‘lgan ko‘p trillion dollarlik bozor ochilmoqda.
«Commodity Futures Trading Commission» (AQSh tovar fyuchers savdosi bo‘yicha komissiyasi – davlat nazorat organi) tomonidan yangi ko‘rsatmalar berildi. Endi yirik mijozlar uchun tartiblangan va rasmiy yo‘l ochildi. Ular jahon kriptovalyuta savdosining taxminan 80 foizini tashkil etuvchi moliyaviy vositalarda qatnasha oladi. «Prime» toifasidagi mijozlarni ro‘yxatdan o‘tkazish darhol boshlandi.
Nega AQSh treyderlari yillar davomida bu bozordan chetda qoldi?
Shu vaqtgacha AQSh fuqarolari uchun doimiy svop shartnomalari va kripto opsionlariga — raqamli aktivlar savdosining eng yirik ikki toifasiga — qonuniy kirish imkoni bo‘lmagan edi.
Ko‘plab moliyaviy tashkilotlar bu bozorga kirish uchun xorijdagi kompaniyalar ochdi. Bu esa qo‘shimcha xavf va ikki karra infratuzilma xarajatlarini keltirib chiqardi.
Endi bu tartib orqali xorijdagi aylanma savdolardan foydalanish zarurati bartaraf etiladi hamda global likvidlik (sotib- sotilishdagi erkinlik) yagona tartibga solingan vositachi orqali birlashtiriladi.
Bundan tashqari, bu ko‘rsatma CFTCning ilgari qabul qilgan qadamlaridan biri bo‘lgan — leveredj bilan kripto spot savdosi (qo‘shimcha moliyaviy vositalardan foydalangan holda spot savdo) bo‘yicha tuzilgan tartibni 2024 yil oxirida kengaytiradi.
«Deribit» bozoriga kirish — ishga tushirishning asosiy qismi
«Coinbase» birjasi (birja kompaniyasi) o‘tgan yili sotib olgan «Deribit» birjasidagi opsionlar hozirda «Coinbase» moliyaviy bozorlari orqali faol. Yaqin kunlarda esa doimiy fyuchers shartnomalari ham ishga tushiriladi.
«Deribit» birjasida hozirda 31 milliard dollardan ortiq «Bitkoin» opsionlari ochiq qolmoqda.
«Coinbase» kompaniyasi bosh direktori Brayan Armstrong AQSh foydalanuvchilari jahon kripto bozorining qariyb 80 foizidan chetlatilganini aytdi. U CFTC tomonidan berilgan ruxsatni bu cheklovlarning tugashi deb atadi.
Avvalroq AQShda tartibga solingan doimiy turdagi shartnomalar «Cboe» birjasining uzluksiz fyucherslari orqali paydo bo‘lgan. Biroq bu mahsulotlar faqat ichki bozorga taalluqlidir va jahon likvidligi (sotib- sotilishdagi erkinlik) bilan bog‘lanmaydi.
«Bugun ertalab @CFTC (AQSh tovar fyuchers savdosi bo‘yicha komissiyasi – davlat nazorat organi) tarixiy qaror qabul qildi. Bu qaror asosida CFTCda ro‘yxatdan o‘tgan birjada haqiqiy doimiy «Bitkoin» shartnomasini ro‘yxatdan o‘tkazishga ruxsat berildi. Shu bilan birga, kripto aktivlar bozorining eng likvid qismlaridan biri AQShning davlat tartibiga kiritildi», — deya ta’kidladi Mayk Selig («CFTC» raisi).
Oddiy mijozlar uchun kirish keyinroq ochiladi. Hozircha «Coinbase» kompaniyasi aniq muddatni oshkor qilmagan.
