«Coinbase» kriptovalyuta kompaniyasi foydalanuvchilardan tobora ko‘proq eʼtirozlar olmoqda. Kompaniya Super Bowl tarkibida o‘tkazilgan “Big Game Challenge” («Katta o‘yin tanlovi») bashorat bozori tanlovida ishtirok etganlar reklama qilingan Bitkoin mukofot fondidan o‘z ulushlarini olishda kechikishlar yoki umuman to‘lovlar yo‘qligidan shikoyat qilmoqda. Hatto, talablarga javob berganlar ham to‘lov olmaganini aytmoqda.
Jamiyatning noroziliklari va texnik muammolar bashorat bozorlarining mashhurligi oshgani sari, ularning regulyatsiya, texnik va infratuzilma yuzasidan qiyinchiliklarga ham duch kelayotganini ko‘rsatmoqda.
Coinbase to‘lovlaridagi muammolar bashorat bozorlari o‘sib borayotgan davrda uchraydigan qiyinchiliklarni ko‘rsatmoqda
Reddit va boshqa forumlarda foydalanuvchilar o‘z tajribalari haqida so‘zlab berishdi. Ular uchun mukofotni olish jarayoni murakkab va tushunarsiz bo‘lib chiqqan. Baʼzi ishtirokchilar tanlovda natijani to‘g‘ri bashorat qilganini, biroq «hali ham to‘lov olmaganini» aytmoqda.
Boshqa ishtirokchilar esa, o‘z yutuqlari hisobda qisqa muddatga aks etganini, so‘ng hech bir izohsiz yo‘qolganini bildirgan. Yoki, ularga AQSh dollari ko‘rinishida mukofot aks etgan, lekin yechib olish yoki ishlatish imkoni bo‘lmagan.
Mana shunday noroziliklar fonida, baʼzilar bu holatni «Rag pull sxeması» (tizimdan aldab chiqish) deb atamoqda. Ular aytganicha, dastlab «Coinbase» kriptovalyuta kompaniyasi ilovasida beshta tanlov natijasini to‘g‘ri topganidan so‘ng g‘alaba haqida bildirish bo‘lgan. Bu esa ular uchun ishtirokchi maqomiga to‘g‘ri kelgan. Biroq, keyinchalik kompaniya elektron pochta orqali ular yutmagani haqida xabar bergan.
«Coinbase» ilovasiga ko‘ra, beshta bashoratim to‘g‘ri chiqqan va har biriga 5 AQSh dollardan tikkanman. Ilova menga mukofotimni kutishni aytdi. Lekin yaqinda «Coinbase»dan, g‘olib bo‘lmaganim haqidagi xat keldi. Yana kimdir bu Rag pull sxemasi yoki firibgarlik deb o‘ylamayaptimi?», – deb yozdi foydalanuvchi.
Biroq, ayrim muhokamalarda ko‘rsatilishicha, mukofotlar barcha bashorat bozorlari va pochta orqali ishtirok etganlar natijasi yakuniga yetguncha to‘xtatib turiladi. Bu esa tanlovning rasmiy qoidalariga muvofiq amalga oshirilmoqda.
Avvalroq «Coinbase» kriptovalyuta kompaniyasi rasman bildirganidek, g‘oliblar o‘z Bitkoin mukofotlarini to‘g‘ridan-to‘g‘ri hisobiga 2026-yil 23-fevralgacha olishi ko‘zda tutilgan.
Biroq, aniqlik yetishmasligi va hisoblardagi o‘zgarishlar foydalanuvchilarning natija to‘g‘risida axborot olishga intilishida noqulaylik va noroziliklar uyg‘otmoqda.
«Siz uchun bu masalaning naqadar muhimligini yaxshi anglaymiz. Tasdiqlangan g‘oliblar mukofotini to‘g‘ridan-to‘g‘ri «Coinbase» hisobiga oladi. Mukofot miqdori bir million AQSh dollariga teng Bitkoinda bo‘ladi va barcha g‘oliblar o‘rtasida teng taqsimlanadi. Mukofotlar 2026-yil 23-fevraldan kechiktirilmay to‘lab beriladi», – deya tushuntirdi «Coinbase» kriptovalyuta kompaniyasi «X» ijtimoiy tarmog’i sahifasida.
Infratuzilmaning bosimi, tartibga soluvchi to‘siqlar va kriptovalyuta bashorat bozorlarida ortib borayotgan xavf
Ushbu e’tirozlarning vaqti kriptovalyuta bilan bog‘liq bashorat bozorlaridagi kengroq muammolar bilan ham mos kelmoqda. «Coinbase» kriptovalyuta kompaniyasining voqea shartnomalari uchun texnik asos yaratib beruvchi «Kalshi» moliyaviy platformasi Super Bowl kunida haddan tashqari ko‘plab foydalanuvchilar oqimi sababli, depozitlar va tranzaksiyalardagi kechikishlarga duch keldi.
«Kalshi» moliyaviy platformasi xuddi reklama uchun barcha sarmoyani o‘z ilovasiga sarflabdi, lekin Super Bowl kunida pul kirimiga ruxsat bermagan – to‘g‘ri, xuddi shunday bo‘lishi kerak», – deya yozdi bir foydalanuvchi «X» ijtimoiy tarmog’ida.
«Kalshi» moliyaviy platformasining hamasoschisi Luana Lopes Lara jarayon sekinlashganini tan oldi, biroq foydalanuvchilar mablag‘lari «xavfsiz va yo‘lda ekanini» ta’kidladi.
Bu ish faoliyati – ya’ni muhim voqealarga bog‘liq bo‘lgan birdan ortib ketadigan yuklamalarda, odatdagi savdo uchun yaratilgan infratuzilmaning bardavom ishlay olmasligi muammosini ochib bermoqda.
Tanlov bahsida bo‘lgan texnik bosim butun sanoat bo‘ylab sezildi. Yirik voqealar arafasida event-shartnomalar taklif qiluvchi platformalar uchun keng qamrovli oshkoralik va texnik kengayish imkoniyati yetarli emasligi ayon bo‘ldi.
«Coinbase» kriptovalyuta kompaniyasiga qaratilgan hozirgi e’tirozlar sohada keng tarqalgan huquqiy va nazorat bo‘yicha muammolar fonida yuzaga chiqdi. Mintaqaviy o‘yin regulyatorlari, masalan, «Nevada Gaming Control Board» (Nevada O‘yinlarni nazorat qilish kengashi) davlat tashkiloti, «Coinbase»ning bashorat bozorlari faoliyatiga rasman da’vo qildi. Ular buni litsenziyasiz sport tikishlariga teng, deb hisoblamoqda.
Ushbu huquqiy harakatlar event-shartnomalarining regulyatsion mavqeiga noaniqlik kiritib, xizmatlarni ishga tushirish va foydalanuvchilarning umumiy tajribasini murakkablashtirmoqda.
Boshqa tomondan, kriptovalyuta jamiyatining ayrim a’zolari bashorat bozorlari qisqa muddatli tavakkalchilik asosidagi o‘yinlardan ortga chiqib, jiddiyroq va barqaror faoliyatga o‘tishini ta’kidlaydi.
Masalan, «Efirium» blokcheyn platformasi asoschilaridan bo‘lgan Vitalik Buterin event-shartnomalarning haddan tashqari tavakkal va spekulyativ bo‘lishi natijasida, foydali va chuqur ishlatib bo‘ladigan mahsulotlar yaratilmay qolishi mumkinligi haqida ogohlantirgan. U xavfni kamaytirish va boshqarish uchun ishlatiladigan vositalarga ko‘proq e’tibor qaratishni tavsiya qilgan.
Hozirgi «Coinbase» kriptovalyuta kompaniyasiga qarshi noroziliklar tez o‘sib borayotgan mahsulotlarning ishlashi va axborot almashinuvidagi bo‘shliqlarni yuzaga chiqarib berdi. Kriptosohada vaqt – bu nafaqat pul, balki ishonch. Bozor barqarorligi, investitsiyalar barqarorligi, kelajak barqarorligi markaziy o‘ringa chiqmoqda.
