«Cosmos Labs» kriptovalyuta kompaniyasi digital aktiv – ATOM tokenining narxlari pasayishi sharoitida uning iqtisodiy modelini qayta ishlab chiqish uchun tashqi iqtisodchilardan zudlik bilan yordam izlashni boshladi.
Kompaniya ma’lumotlariga ko‘ra, «Cosmos SDK» blokcheyn tarmoqlarini ishga tushirishda keng tarqalgan dasturiy asosga aylangan. Bu soddalashtirilgan yechim yirik korxonalar va davlat loyihalari bilan bog’liq loyihalarni ham o‘z ichiga oladi, ular ko‘pincha «Fortune 500» (yirik kompaniyalar ro‘yxati)ning blokcheynga qiziqishini tasdiqlovchi misol sifatida keltiriladi.
Nega Cosmos ATOM dizaynini to‘liq o‘zgartirmoqchi?
Biroq, dasturiy ta’minot ochiq manbali bo‘lgani sababli, foydalanuvchilar mustaqil va o‘ziga xos blokcheyn tarmoqlarini yarata oladilar. Ular buning uchun «Cosmos Hub» (Cosmos ekotizimining asosiy platformasi)ga hech qanday to‘lov yoki royalti to‘lashlari shart emas.
Shu sababli, yirik tashkilotlar tarmoqning asosiy texnologiyasidan foydalanishlari mumkin. Ular bu jarayonda ATOM tokenga ega bo‘lishlari yoki undan foydalanishlari shart emas.
Blokcheyn sohasidagi «Cosmos Labs» kompaniyasi bu vaziyatni o‘zgartirish uchun yangi «daromadga asoslangan model»ni targ‘ib qilishga harakat qilmoqda. Ushbu yondashuv orqali tarmoqda va tarmoqdan tashqaridagi barcha faoliyatdan daromad olinadi.
«Tadqiqot maqsadi – ATOM tokeni uchun tubdan yangi tokenomika yaratish emas, balki daromadga asoslangan modelni ilmiy izlanish va loyihalashtirish orqali ishlab chiqishdir. Bu model ATOM uchun mumkin bo‘lgan turli daromad manbalarini token ta’minoti va inflyatsiya jadvaliga moslashtiradi. Qisqacha aytganda, ATOMdan foyda olish imkoniyatlari – xarid qilish, steyk mukofotlari yoki boshqa tizimlar orqali – asosan ana shu yig’imlar hisobiga shakllanadi», — deya ta’kidlaydi kompaniya rasmiy xabarda.
Bu tashabbus «Cosmos ekotizimi» (blokcheyn tarmoqlari majmuasi) uchun strategik o‘zgarish hamdir.
«Cosmos Labs» kompaniyasi ilgari asosiy qiymat sifatida ko‘rilgan «Interchain Security» (umumiy xavfsizlik mexanizmi) o‘zini oqlamaganligini tan oldi. Bu tizim ATOM tokenining majburiy ahamiyatini ta’minlay olmagan.
«Interchain Security» bosqichma-bosqich to‘xtatilmoqda, va «Cosmos Hub»ning iqtisodiy tuzilmasi ekotizimdagi umumiy faoliyatdan ko‘ra ajralgan holatda qolyapti. Hozirda aniq va keng daromad modeli yo‘q – faqat tranzaksiya (bitimlar) uchun yig’im mavjud», —deya izoh beradi kompaniya.
Shu sababli, yangi ishlanma natijasida ishlab chiqilayotgan iqtisodiy yondashuvlar yirik korxonalar dasturiy ta’minotlari tajribasiga yaqinlashadi. Ya’ni, token egalaridan xavfsizlik uchun doimiy to‘lov emas, balki foydalanish hajmiga bog‘langan yig’imlar belgilanishi ko‘zda tutilmoqda.
Biroq, har qanday yangi taklifni amaliyotga joriy qilishda sezilarli siyosiy cheklovlar bor. «Cosmos Hub» (Cosmos boshqaruv birlashmasi – DAO) barcha muhim yangiliklarni tasdiqlashi kerak. U tarixan markazlashtirishga olib keladigan takliflarni aksar hollarda rad etgan.
«Cosmos Labs» token inflyatsiyasini kamaytirish bo‘yicha ilgari taklif ham qilgan edi. Bu taklif atigi 3 foizlik o‘zgarish bilan qabul qilindi. Qaror natijasida steyklangan aktivlar tezda yechib olindi, hamjamiyat orasida token iqtisodiyotining nozik ekanini yaqqol ko‘rsatdi.
Shu bois, kompaniya har qanday muvaffaqiyatli loyihada daromad manbalari, ta’minotdagi cheklovlar va manfaatdor tomonlarga mos amaliy maslahatlar aniq ko‘rsatilishi zarurligini ta’kidlamoqda. Rasmiy tanlov 15 yanvarga qadar ochiq bo‘ladi.
Bundan tashqari, ushbu tashabbus amalga oshirilayotgan bir vaqtda, ATOM tokieni shu yil ichida deyarli 76 foizga arzonlashib, so‘nggi besh yildagi eng past nuqtasi – taxminan 2,1 dollar atrofida tushib ketdi.
Bu narx dinamikasi butun ekotizimda chuqur inqirozni aks ettiradi. Shunga qaramay, «Cosmos» dasturiy to‘plami blokcheyn ishlab chiquvchilari va yirik tashkilotlarda tobora ommalashmoqda.
