«Binance» kriptovalyuta birjasi hammuassisi Chjanpen Chjao (CZ) kvant hisoblash texnologiyasining kriptovalyutalarga xavfi haqida ko‘payib borayotgan xavotirlarga e’tibor qaratib, odamlarni vahimaga tushmaslikka chaqirdi.
U «X» ijtimoiy tarmog‘i (avvalgi nomi Twitter) dagi batafsil postida, muammoning nazariy jihatdan oddiy hal qilinishi – kvantga chidamli kriptografiyaga yangilanish ekanini tushuntirdi.
«Ba’zi odamlar kvant hisoblashning kriptovalyutaga ta’siri haqida vahimaga tushayotganini yoki savol so‘rayotganini ko‘rdim. Umuman olganda, barcha kriptovalyutalar shunchaki Kvantga Qarshi (Post-Kvant) Algoritmlarga yangilanishi kerak. Shuning uchun, vahimaga hojat yo‘q», deb yozdi u.
Biroq, Chjanpen Chjao mayning, blokcheyn va boshqa markazsizlashtirilgan tarmoqlarda yangilanishlarni muvofiqlashtirish qaysi algoritmlarni tanlash bo‘yicha bahslarga olib kelishini tan oldi. Ushbu kelishmovchiliklar ayrim blokcheynlarda fork (tarmoqlanish) jarayonini boshlashi mumkin.
«Va ayrim keraksiz loyiha umuman yangilanmasligi ham mumkin. Aslida, bunday loyihalardan xalos bo‘lish foydali bo‘ladi. Yangi dasturiy kod vaqtinchalik boshqa xatoliklar yoki xavfsizlik muammolarini keltirib chiqarishi ehtimoli bor. O‘z tokenlarini mustaqil saqlovchi foydalanuvchilar esa ularni yangi hamyonlarga o‘tkazishga majbur bo‘ladi», deyilgan postda.
Eng so‘nggi yangiliklar uchun «X» ijtimoiy tarmog‘ida bizni kuzatib boring
Satoshi Nakamotoga tegishli Bitkoinlar haqidagi bahs-munozara
Chjanpen Chjaoning muhim nuqtalaridan biri «Bitkoin»ning psevdonimli yaratuvchisi Satoshi Nakamoto haqida bo‘ldi. Satoshining 1 milliondan ortiq Bitkoin egaligida ekani taxmin qilinadi va ushbu tokenlar o‘n yilliklar davomida harakatlanmagan.
Chjao shuni taklif qildiki, agar bu tokenlar harakatsizligicha qolsa va kvant texnologiyalari rivojlansa, kripto hamjamiyati kelajakda ularni dushmanlar egallab olmasligi uchun, muzlatib qo‘yish yoki butunlay yo‘q qilish choralarini ko‘rishni ko‘rib chiqishi kerak bo‘ladi.
Yetakchilar va jurnalistlarning tahlilini ko‘rish uchun YouTube kanalimizga obuna bo‘ling
U Satoshining aniq manzillarini aniqlash, ularni boshqa ilk egalar manzillari bilan adashtirmaslik juda murakkabligini alohida ta’kidladi. Uning fikriga ko‘ra,
«Bu boshqa mavzu, keyinroq muhokama qilinadi. Asosiysi: ma’lumotlarni shifrlash har doim ularni o‘qishga qaraganda osonroq. Hisoblash quvvatining oshishi har doim foydali. Kriptovalyuta kvantdan keyingi dunyoda ham saqlanib qoladi».
Bundan tashqari, 2010-yilda berilgan savolga javoban, «Bitkoin» yaratgan Satoshi Nakamoto o‘zi ham kelajakda imzolar xavfsizligi yuzasidan yuzaga keladigan muammolar bo‘yicha xavotirlarga munosabat bildirgan edi.
Chjaoning so‘nggi izohlari «Google Quantum AI» (sunʼiy intellekt va kvant hisoblash texnologiyalari sohasidagi kompaniya) tahliliy maqolasi e’lon qilinishi ortidan yangradi. Ushbu maqolada eliptik egri chiziqlar asosidagi kriptografiyani buzish ilgari o‘ylanganidan ancha kam resurs talab qilishi ko‘rsatilgan.
Bundan tashqari, «Kaliforniya Texnologiya Instituti» (ilmiy-tadqiqot muassasasi) va «Oratomic» (tadqiqot tashkiloti) tomonidan o‘tkazilgan tadqiqotda Shorning algoritmi 10 000 kubitda (raqamli quvvat o‘lchovi) kriptografik jihatdan amaliy ko‘lamda ishlata olishi isbotlandi.
Bu raqam oldingi taxminlardagidan ancha past ko‘rsatkich hisoblanadi. Tadqiqot natijalari kriptovalyuta doiralarida yana xavotirni kuchaytirdi.
