Dubayning «VARA» (Virtual Assets Regulatory Authority – Virtual aktivlarni tartibga solish boshqarmasi) «KuCoin» savdo maydonchasining 4 ta tashkilotiga faoliyatni to‘xtatish bo‘yicha ko‘rsatma berdi. Boshqarma ushbu birja litsenziyasiz ishlayotganini va rasmiy maqomini noto‘g‘ri ko‘rsatganini ma’lum qildi.
«VARA» (Virtual aktivlarni tartibga solish boshqarmasi) tomonidan ko‘rilgan choralar bir necha hafta avval Avstriyaning moliya nazorati idorasi tomonidan ham qo‘llanilgan edi. Bu esa, turli davlatlarda birgalikda nazorat faoliyati kuchayib borayotganini ko‘rsatmoqda.
Nega bu muhim:
- Dubay foydalanuvchilari moliyaviy himoyadan tashqarida faoliyat yuritayotgan platformada mablag‘ saqlasa, ular to‘g‘ridan-to‘g‘ri pul yo‘qotishi xavfi bor.
- «KuCoin» birjasi tomonidan o‘z maqomi haqida noto‘g‘ri ma’lumot berilishi boshqa bozorlarda ham litsenziya olish jarayoni va ishonchlilik masalalariga salbiy ta’sir ko‘rsatishi mumkin.
- Yevropa Ittifoqi va Yaqin Sharqdagi tegishli tashkilotlar litsenziyasiz faoliyat yuritishga nisbatan qat’iy choralar ko‘rayotganini ko‘rsatib, butun soha bo‘ylab muvofiqlik talabini kuchaytirmoqda.
Batafsil ma’lumotlar:
- VARA (Virtual aktivlarni tartibga solish boshqarmasi) aytishicha, «KuCoin» Dubayda yoki Dubaydan virtual aktivlar bilan bog‘liq xizmat ko‘rsatish huquqini beruvchi hech qanday litsenziyaga ega emas.
- Regulyator «KuCoin» birjasining Dubay aholisi uchun har qanday reklama, targ‘ibot va taklifini taqiqladi.
- «KuCoin» nomi ostida faoliyat olib boruvchi 4 ta alohida tashkilotga faoliyatni to‘xtatish ko‘rsatmasi berildi.
- «KuCoin» birjasi esa barcha mamlakatlarda qonun va tartibga rioya qilishga hurmat bilan yondashishini hamda regulyatorlar bilan doimo hamkorlik qilishini ta’kidladi.
Kengroq manzara:
- Avstriyaning «FMA» (Financial Market Authority – Moliyaviy bozor boshqarmasi) bir necha hafta avval «KuCoin»ning Yevropa bo‘limiga yangi mijozlarni qabul qilishni to‘xtatib qo‘ydi. Sababi sifatida xodimlarning etarli emasligi ko‘rsatildi.
- Avvalroq ham aynan Avstriyaning «FMA» (Moliyaviy bozor boshqarmasi) «KuCoin» birjasiga butun Yevropa Ittifoqi bo‘ylab faoliyat yuritish uchun Markets in Crypto Assets (MiCA – Kripto aktivlar bozori) litsenziya bergan edi, biroq keyinchalik yangi ish boshlashga ruxsat bermadi.
- Butun dunyo bo‘ylab regulyatorlar kriptovalyuta birjalari to‘liq litsenziya olmasdan nazorat ostidagi bozorga kirishga uringanida, chora ko‘rish jarayonini jadallashtirmoqda.
