«LayerTwo Labs» kompaniyasining hammuassisi va bosh direktori, hamda Bitkoin ishlab chiquvchisi Pol Sztorc, 2026-yil avgust oyida ishlab chiqilishi rejalashtirilgan eCash nomli yangi blokcheyn tarmoqlanishini (hard fork) eʼlon qildi.
Sztorcning Satoshi Nakamotoga aloqador tokenlarga nisbatan taklif qilgan rejasi «X» ijtimoiy tarmog’ida tanqidga sabab bo‘ldi.
Pol Sztorc Bitkoin eCash tarmoqlanishi uchun nimani taklif qildi
O‘z postida Pol Sztorc, eCash’ning birinchi darajadagi (L1) tuguni «Bitcoin Core» dasturining deyarli to‘liq nusxasi bo‘lishini aytdi. Yangi zanjir SHA-256d algoritmiga asoslangan mayning (hisoblash quvvati uchun algoritm) va bir martalik murakkablikni qayta sozlash tizimini qo‘llaydi.
«Men **yangi Bitkoin tarmoqlanishini** yaratishda yordam beryapman — bu avgustda “eCash” nomi bilan chiqadi. Sizning tokenlaringiz ikki bo‘linadi. Masalan, agar sizda 4,19 Bitkoin bo‘lsa, sizga 4,19 eCash beriladi. Istasangiz, eCash tokeningizni sotishingiz, saqlab qo‘yishingiz yoki umuman e’tibor bermasligingiz mumkin!» — deb yozdi Sztorc o‘zining «X» ijtimoiy tarmog’i sahifasida.
Bizni «X» ijtimoiy tarmog’ida kuzating, barcha so‘nggi yangiliklardan tezda xabardor bo‘lish uchun
Birinchi darajadagi (L1) tarmoqda Sztorc tomonidan taklif etilgan BIP300 va BIP301 takliflari soft fork (yumshoq tarmoqlanish) orqali ishga tushiriladi. Hozirda etti ta drivechain (turli yon zanjirlar) ishlab chiqilmoqda. Ularning orasida «Truthcoin» (bashorat bozorlari uchun) va «CoinShift» (markazlashtirilmagan birja — DEX) mavjud.
Boshqa ikkinchi darajali (L2) ilovalar ichida «BitNames» (shaxsni aniqlash uchun), «BitAssets» (NFT — noyob tokenlar uchun), hamda «Photon» (kvantga chidamli texnologiyalar uchun) bor. Jamoa, shuningdek, tokenlarni ajratish (coin-splitter) vositasini ham chiqaradi.
Sztorc eCash’ni doimiy yechim sifatida ko‘rsatdi. Unga ko‘ra, bu 2017-yildagi «Bitcoin Cash» (BCH) tarmoqlanishidan farq qiladi. O‘sha paytda asosiy diqqat blok hajmini oshirishga qaratilgan edi. Yangi loyihada esa, Satoshi Nakamotoga tegishli deb hisoblangan tokenlarning bir qismi bo‘linishi rejalashtirilmoqda.
«Satoshida ‘patoshi’ uslubida 1,1 million token bor. Biz ushbu tokenlarning (yarmi ham emas) bir qismini bugungi investorlar uchun qo‘lda qayta taqsimlaymiz. Albatta, bu qaror ko‘p muhokamalarga sabab bo‘ladi. Lekin, menimcha, bu zarur va hatto ideal yechim», — dedi u o‘z postida.
Boshqa bir postida ishlab chiquvchi bu jarayon Satoshi Nakamotoga aloqador eski Bitkoin tokenlarini olib qo‘yishni o‘z ichiga olmasligini aniqlik kiritdi. Aksincha, yangi tarmoqlangan blokcheynda Satoshiga 600 000 dona yangi eCash tokeni ajratiladi. Bu miqdor odatda Satoshiga nisbat berilgan 1,1 milliondan kam, biroq boshqa tarmoqlarda taqsimlangan miqdordan ko‘proqdir.
«Bizning tokenlarimiz BTC emas, ular eCash deb nomlanadi. Bitkoinga egalik saldosiga eCash ta’sir qilmaydi. Bitkoin jo‘natish uchun, sizga har doim Bitkoin dasturi va Bitkoinning maxfiy kaliti kerak bo‘ladi. Bizda ikkalasi ham yo‘q», dedi u keyingi postida. «Mulk huquqlari haqida gapirish oson, buni tushunaman. Lekin axborot oladigan manbangizga ehtiyot bo‘ling — qizg‘in muhokama vaqtida ma’lumotlar ishonchli bo‘lmasligi mumkin!»
«YouTube» kanalimizga obuna bo‘ling, soha yetakchilari hamda jurnalistlarning ekspert tahlillarini ko‘rish uchun
Jamiyat Satoshining tokenlarini bo‘lishga munosabat bildirdi
Biroq bu reja kriptovalyuta jamiyatining ayrim a’zolari tomonidan tezda rad etila boshladi. «X» ijtimoiy tarmog’ida «Caffè Satoshi» foydalanuvchisi yangi eCash tokenini olishda «juda ehtiyotkor bo‘lishga» chaqirdi.
Boshqalar taqsimot modelini yanada keskinroq tanqid qilishdi. Podkast («Podcast») dasturining boshlovchisi Piter MakKormak (Peter McCormack) Satoshi Nakamotoga aloqador tokenlarni qayta taqsimlashga urinish — «o‘g‘irlik» va «hurmatsizlik» ekanini ta’kidladi.
«Satoshining tokenlarini olib qo‘yish — bu rejaning eng katta kamchiligi. Qolgan jihatlari a’lo. Satoshining mulkining tortib olinishi juda yomon odat yaratadi va sizning narrativingizni yo‘qqa chiqaradi», — deya bildirdi boshqa bir foydalanuvchi o‘z fikrida.
Bizni «X» ijtimoiy tarmog’ida kuzatib boring, so‘nggi yangiliklarga birinchi bo‘lib ega bo‘lish uchun
Satoshi Nakamotoning Bitkoin jamg‘armalari, uzoq vaqtdan beri Bitkoin jamoasida falsafiy kelishmovchilik manbai bo‘lib kelmoqda. Hatto, kelajakda paydo bo‘lishi mumkin bo‘lgan kvant xavfi haqidagi bahslarda ham fikrlar juda keskin bo‘linib qolgan.
Ba’zilar, xavfning oldini olish uchun ushbu tokenlarni yoqib yuborish kerak deb hisoblashadi, boshqalar esa har qanday aralashuvga qarshi chiqadi. Ularning fikricha, bunday harakatlar Bitkoinning asosiy g‘oyalari — markazsizlashtirish va o‘zgarmaslik tamoyillariga zarar yetkazadi.
