«X» ijtimoiy tarmogʼini (ilgari Twitter nomi bilan tanilgan) «super ilova» yoki hammasini bir joyda jamlagan ilovaga aylantirish strategiyasi doirasida asosiy yoʼnalish — X Money shakllanmoqda.
«X» ijtimoiy tarmogʼi faqatgina ijtimoiy tarmoq boʼlib qolishni istamaydi. Elon Mask uni shaxsiy moliya sohasiga yangilik kiritadigan platformaga aylantirishni xohlaydi. Foydalanuvchilar bir joyda xabar almashish, xarid qilish va shaxsiy mol-mulk boshqaruvini amalga oshirish imkoniga ega boʼlishlari mumkin.
Kriptovalyuta investorlarini X Money valyutasi nimasi bilan hayajonga solmoqda?
2026-yil fevral oyida boʻlib oʻtgan «xAI» (Sunʼiy intellekt bilan shugʼullanuvchi kompaniya) «All Hands» (reshit kompaniya xodimlari bilan umumiy uchrashuv) taqdimotida Elon Mask «X Money» ichki sinovlari ayni paytda «X» ijtimoiy tarmogʼi xodimlari orasida boshlanganini ma’lum qildi. Foydalanuvchilar uchun funktsiyaning cheklangan test rejimi esa 1-2 oy ichida boshlanishi kutilmoqda.
«X Money» 40 dan ortiq AQSh shtatlarida pul oʼtkazmalari hamda moliyaviy tranzaktsiyalar uchun litsenziyalar olgan. Bundan tashqari, bu tizim yirik toʼlov kompaniyalari, jumladan oʼtgan yili «Visa» (toʼlov texnologiyalari kompaniyasi) bilan ham hamkorliklarini yoʼlga qoʼydi.
«X Money uchun biz allaqachon kompaniya doirasida yopiq beta-testni boshlab yubordik, va 1-2 oy ichida tashqi cheklangan beta-testga, undan so’ng esa butun dunyo bo’ylab barcha «X» ijtimoiy tarmog’i foydalanuvchilariga ochishni rejalashtirmoqdamiz. Ushbu loyiha barcha pul mablag’lari, barcha tranzaktsiyalar uchun yagona markaziy joyga aylanishi uchun mo’ljallangan. Bu, albatta, butun moliyaviy sohani tubdan oʼzgartiradi», — dedi Elon Mask oʼz intervyusida.
Mask asosiy maqsad qilib oylik faol foydalanuvchilar sonini 600 milliondan oshirish, va oxir-oqibatda 1 milliardga yetkazishni koʼzlamoqda. Tahlilchilar bu rejani «Xitoyning «WeChat» (multip functional ijtimoiy tarmoq) ilovasi misolidagi hammasini oʼzida jamlagan ilova qilish» deb taqqoslashmoqda.
Natijada, «X Money» platformasi to’lov sifatida qabul qiladigan yoki unga bilvosita bog’langan har qanday kripto-loyiha uchun katta imkoniyat yaratadi.
Biroq, «X Money» kriptovalyuta to’lov usuli sifatida ishlatilishiga doir hech qachon rasman tasdiqlamagan. Shu bilan birga, investorlar o’z narrativlarini yaratishda davom etishyapti.
Birinchi taxmin Dogekoin (DOGE) atrofida shakllanadi. Bu memkoin Elon Maskning shaxsiy brendiga bevosita bogʼliq. Ushbu nazariya Maskning ilgari bildirgan fikrlariga asoslanadi: Dogekoin mayda to’lovlar uchun mos bo’lishi mumkinligi aytilgan edi.
Ikkinchi taxmin esa XRP tokeni bilan bogʼliq. Bu faraz «Cross River Bank» (moliya-bank tashkiloti) bilan chambarchas aloqador boʼlib, ushbu moliyaviy hamkor «X» ijtimoiy tarmogʼining toʼlov tizimiga xizmat ko’rsatadi. 2014-yildan boshlab «Cross River Bank» markazlashmagan «Ripple» (transchegaraviy toʼlovlar texnologiyasi kompaniyasi) protokolini joriy qilgan va shu orqali AQSh hamda G’arbiy Yevropa davlatlari oʼrtasida tezkor xalqaro toʼlovlar yoʼlga qo’yilgan.
Ushbu narrativlarga qaramay, Dogekoin va XRP tokenlari narxida «X Money» platformasining ishga tushirilishi haqida tarqalgan xabarlar fonida sezilarli oʻzgarishlar kuzatilmadi.
Yaqin kelajakda, «X Money» reja asosida rasmiy ishga tushirilgach, uning kriptovalyuta bozorlari va global moliyaviy tizimga ta’siri yanada aniqroq bo’la boshlaydi.
