«X» ijtimoiy tarmog’i (ilgari «Twitter» ijtimoiy tarmog’i deb atalgan) foydalanuvchilarning sahifasida aksiyadorlik va kriptovalyuta savdosini to‘g‘ridan-to‘g‘ri amalga oshirish imkonini yaratmoqda.
Bu yondashuv Ilon Maskning ushbu ijtimoiy tarmoqni moliyaviy texnologiyalar sohasida yetakchi platformaga aylantirish harakatida muhim bosqich hisoblanadi.
X kompaniyasi ‘Aqlli hashteglardan’ foydalangan holda kriptovalyuta savdosini ishga tushirganini tasdiqladi
2024-yil 14-fevral kuni, «X» ijtimoiy tarmog’i mahsulotlar bo‘yicha rahbari Nikita Bier ma’lum qilishicha, yangi imkoniyat foydalanuvchilarga o‘z sahifalarida biror aktivni ko‘rgan zahoti savdo qilish imkonini beradi.
Bu funksiya ijtimoiy tarmoqdagi “Aqlli keshteglarga” (Smart Cashtags) asoslanadi. U ilgari joriy etilgan indeksatsiya tizimining yangilangan ko‘rinishidir. Hozirda foydalanuvchilar token qisqartmasidan oldin dollar belgisi, masalan, $BTC (ya’ni, Bitkoin) yozish orqali unga bosiladigan havola yaratishlari mumkin.
Endi yangi tizimda shu belgilarga bosganda jonli narx grafigi, tegishli postlar va to‘g‘ridan-to‘g‘ri savdo qilish imkoniyati chiqadi.
Ushbu yangilik kompaniyaning ijtimoiy tarmoq va brokerlik ilovalari orasidagi farqni kamaytirishga qaratilgan navbatdagi qadami sanaladi. Bunday funksiyalar birlashuvi, yangiliklar paydo bo‘lishi va investorlarning tezkor savdo qilishiga qulaylik yaratadi.
Integratsiya — bu Maskning «X» ijtimoiy tarmog’ini “universial ilovaga aylantirish” strategiyasining asosiy bo‘lagi hisoblanadi. Albatta, u bu g‘oyani kompaniyani 2022-yili sotib olganidan buyon doimiy ilgari surib kelmoqda.
Ushbu maqsad Osiyodagi mashhur «super ilovalar»ga o‘xshashdir. Bunday ilovalar odatda xabar almashish, ijtimoiy tarmoqlarda muloqot va to‘lovlarni birlashtiradi.
So‘nggi yillarda «X» ijtimoiy tarmog’i moliyaviy ekotizim yaratishda faol harakat qilmoqda. Kompaniya hamyon orqali pul yuborish, har kungi to‘lovlar va hozirda faol investitsiya qilish imkoniyatiga tayyorgarlik ko‘rmoqda.
Biroq, ijtimoiy tarmoqdagi hayajon va moliyaviy taxminlar birgalikda paydo bo‘lishi, nazorat qilishda muammolar tug‘diradi.
Nikita Bier ta’kidlashicha, kompaniya kriptovalyutalar platformada ko‘proq qo‘llanilishini xohlasa-da, foydalanuvchi tajribasiga ehtiyotkorlik bilan yondashadi.
Uning aytishicha, spam, hujum yoki bezorilikni rag‘batlantiradigan dasturlarga ruxsat berilmaydi. U bunday xatti-harakatlar millionerlab foydalanuvchilar uchun platformadan foydalanish tajribasini sezilarli darajada yomonlashtirishini bildirdi.
Shunday qilib, «X» ijtimoiy tarmog’i oddiy yig‘in joyidan savdo maydonchasiga aylar ekan, kompaniya ikki tomonlama vazifaga duch keladi: bir tomondan yirik brokerlar bilan raqobatlashish, ikkinchi tomondan esa butun dunyo foydalanuvchilari uchun moliyaviy operatsiyalarni boshqarishda murakkab tartib-taomillar va qoidalarni e’tiborga olish lozim bo‘ladi.
