Bittensor (TAO) tokeni 2026-yil mart oyida 100 foizdan ortiq o‘sishga erishdi. Narxi taxminan 180 dollardan 330 dollardan yuqoriga ko‘tarildi. Bu o‘sishga uning past tarmoqlari – ya’ni subnet ekotizimi kengayishi sabab bo‘ldi.
Markazlashmagan «Sunʼiy intellekt» protokoli — ya’ni Bittensor past tarmoqlarining umumiy soni taxminan 80 tadan o‘tgan yil davomida 120 tadan oshdi. «CoinGecko» (ma’lumotlar platformasi) ma’lumotiga ko‘ra, Bittensor past tarmoqlari turkumi hozirda 1,4 milliard dollardan ortiq bozor qiymatiga ega.
Kuzatilgan deyarli barcha past tarmoq tokenlari oylik ijobiy natija ko‘rsatdi. Uchta past tarmoq kriptosohadagi yirik ishtirokchilarning alohida e’tiborini tortmoqda.
«All-In Podcast» (podkast) dasturida «NVIDIA» (texnologiya korporatsiyasi) bosh direktori Jensen Xuange Bittensor protokolining Covenant-72B modelini tilga oldi. 3-past tarmoq (ya’ni, Templar) mazkur modelni to‘liq ochiq va ruxsat talab qilinmaydigan markazlashmagan tarzda tayyorladi.
Bizni «X» ijtimoiy tarmog’i orqali kuzatib boring, eng so‘nggi yangiliklardan birinchi xabardor bo‘ling
Bundan tashqari, Chutes (SN64) past tarmog‘ida ham rekord darajadagi faoliyat kuzatilmoqda. Yaqinda u kunlik daromad bo‘yicha yangi tarixiy maksimumga chiqdi va kuniga 22 ming dollar daromad olishga erishdi.
Yana bir yangilik shuki, «Manifold Labs» (ilmiy-tadqiqot guruhi) — Bittensor asosida ishlovchi Targon hisoblash platformasining jamoasi «Intel» (texnologik korporatsiya) bilan hamkorlikda «Intel® TDX va shifrlangan CVM’lar yordamida ishonchsiz qurilmalarda markazlashmagan hisoblash» nomli texnik oq qog‘ozni e’lon qildi.
«Taklif etilgan tizim yuqori xavfsizlik kafolatlari, aniq va shaffof xarajat tuzilmasi hamda korporativ darajadagi xavfsiz hisoblash imkoniyatlariga ochiq va teng huquqli kirish imkonini beradi. Bu esa keyingi avlod “Sunʼiy intellekt” rivojlanishi uchun yanada ochiq, xavfsiz va adolatli asos yaratadi», — deyiladi maqolada.
Shunday qilib, Bittensor tokenining mart oyi muvaffaqiyati, tarmoq faqat taxminlar emas, balki haqiqiy rivojlanayotganini ko‘rsatmoqda. «NVIDIA» (texnologiya kompaniyasi) bosh direktorining «Sunʼiy intellekt» modellariga murojaat qilishi, past tarmoqlarning real daromad keltirishda davom etishi va «Intel» (texnologik kompaniya) bilan hamkorlik natijasida, TAO ekotizimi institutsional – ya’ni rasmiy yirik tashkilotlar e’tiborini qozonmoqda.
