Lighter (LIT) token ekotizimi bo‘yicha o‘tkazilgan tekshiruv investorlar orasida xavotir uyg‘otdi. «Blokcheyn» tahlillariga ko‘ra, Tokenni yaratish tadbiridan buyon (TGE) 7,18 million dollarlik kelishilgan savdolar aniqlangan.
Ushbu faoliyat «Lighter» markazlashmagan moliya (DeFi) protokoli atrofida ichki manbadan token sotilishi va shaffoflik yetishmasligi xavfini oshirdi. Bu protokol «Efirium» tarmog‘ida qurilgan.
Bir vaqtning o’zida amalga oshirilgan depozitlar va shubhali harakatlar ijobiy hissiyotlarga soya soldi
Beshta o‘zaro bog‘langan hamyon yaqinda o‘tkazilgan airdop (tekin tarqatish) orqali deyarli 10 million LIT token oldi, bu aylanuvchi token miqdorining taxminan 4 foizini tashkil etadi. Ular allaqachon tokenlarning katta qismini sotib yuborishni boshlagan.
Tahlilchilar depozitlar, token taqsimoti va savdolar ketma-ketligini ko‘rib, bu harakatlar tabiiy bozor faoliyati emas, balki puxta rejalashtirilgan strategiya ekani haqida fikr bildirmoqda.
«Blokcheyn» tadqiqotchisi MLM birinchi bo‘lib bu faoliyatni aniqladi. Unga ko‘ra, bir tashkilot taxminan 5 million AQSh dollariga teng USDC mablag‘ini «Lighter»ning LLP nomli likvidlik protokoliga 2025-yil aprel oyi atrofida joylashtirgan.
Ushbu mablag‘ besh hamyonga teng bolinib, keyinchalik jami 9 999 999,60 LIT token (taqsimot vaqtida qariyb 26 million dollar) o’tkazilgan.
LLP ga depozit qilishda ishlatilgan asosiy hamyonlar:
- 0x30cD78B301192736b3D6F27Bdad2f56414Eb6164
- 0x9A6D9826742f1E0893E141fe48defc5D61866caD
- 0x7c5d228B0EB24Ad293E0894c072718430B07Dfe3
- 0xc0562d68b7C2B770ED942D28b71Bc5Aa0209bbee
- 0xfdBf615eC707cA29F8F19B7955EA2719036044bf
Mablag‘larning teng taqsimlanishi va bir tekis bo‘linishi bir zumda eʼtiborni tortdi, chunki ular jami LIT tokenlarini 1 foizini va aylanuvchi miqdorining 4 foizini tashkil qiladi. Bu esa, ushbu tashkilotga bozor ustidan katta ta’sir o‘tkazish imkonini beradi.
Airdop orqali olingan tokenlardan tashqari, ushbu hamyonlarda LLP yo‘li bilan yana 1–2 million dollar qiymatidagi daromad yig‘ilgan. Shu tarzda tashkilot ixtiyoridagi umumiy mablag‘ ham oshdi.
7,18 million dollarlik savdolar hamjamiyat orasida xavotir uyg‘otdi
TGE dan beri bog‘liq hamyonlar 2 760 232,88 LIT tokenini, ya’ni taxminan 7,18 million dollar miqdoridagi tokenni sotib yubordi. Tahlilchilarga ko‘ra, ushbu sotuvlar tartibli va rejalashtirilgan bo‘lib, bozordagi tabiiy harakat bilan emas, balki maqsadli likvidatsiyaga o‘xshaydi.
«Blokcheyn» tergovchisi ZaxXBTning izohidan ma’lum bo‘lishicha, ushbu faoliyat imkoniyatlarni kuzatib turgan ichki manfaatdor shaxslar ishtirokida amalga oshirilgan bo‘lishi mumkin. Shu bilan birga, tahlilchi Genrik LIT jamiyatining kelajagi uchun oqibatlari haqida savol qo‘ydi.
«Agar bu to‘g‘ri bo‘lsa, har bir LIT saqlovchi uchun bu juda jiddiy muammo, ayniqsa «Lighter» jamoasi tomonidan shaffof axborot yetishmayotgan bir vaqtda», – deb yozdi Genrik.
Asosiy muammo shundan iboratki, «Lighter» protokoli jamoasi sukut saqlamoqda. Investorlar tokenlar qanday taqsimlangani, blokirovka muddatlari va tarqatish mexanizmlari haqida rasmiy ma’lumot yetishmasligidan norozilik bildirishmoqda.
Shaffoflik bo‘lmasa, haqiqiy bozor faoliyati va ichki manba sotuvini ajratish mushkul bo‘ladi.
Bu mojaro «DeFi» uchun muhim bir vaqtda, kriptovalyuta airdoplari va tokenlar tarqatilishidagi xavf-xatarlar fonida yuzaga chiqmoqda.
Airdoplar (tokinni tekin tarqatish) dastlabki ishtirokchilarni rag‘batlantirish va markazlashmagan egalikni qo‘llab-quvvatlash uchun o‘ylab chiqilgan. Lekin kelishilgan depozitlar va bir xil tarqatish sababli, yagona tashkilot ortiqcha mukofotlarni egallab olish imkoniga ega bo‘ladi.
Bu sotuvlar allaqachon LIT token narxini pasaytirishga olib kelmoqda va boshqaruv hamda jamoa manfaatlari borasida kengroq xavotirlarni kuchaytirgan. Ushbu maqola yozilgan paytda «Lighter»ning LIT tokeni 7 foizdan ortiq tushib ketgan va narxi $2,53 ni tashkil qilgan edi.
Ushbu hamyonlardagi qolgan 7 million LIT token sotilishi bozorga yanada katta zarar yetkazishi mumkin.
