2024-yil 14-mart kuni «Ethereum Foundation» (blokcheyn tarmog‘i uchun mas’ul bo‘lgan notijorat tashkilot) «BitMiner» kompaniyasiga 5 000 Efirium (ETH) sotganini e’lon qildi. Bu savdo bozor narxidan tashqarida, bevosita muzokaralar orqali amalga oshirildi.
Ahamiyatlisi shundaki, ilgari ham «Ethereum Foundation» tashkiloti Efirium (ETH) tokenlarini sotganligi sababli bozordagi kuzatuvlarga uchragan edi.
Efirium jamg‘armasi BitMiner kompaniyasining 5 foizlik ta’minot nazoratini qo‘lga kiritish harakatini qo‘llab-quvvatlamoqda
Tashkilot tokenlarni o‘rtacha 2 042,96 dollar narxda sotib, asosiy faoliyati uchun mablag‘ yig‘moqda. Ushbu mablag‘lar asosan protokol bo‘yicha tadqiqotlar va texnologik rivojlantirish uchun ishlatiladi.
Biroq, to‘g‘ridan-to‘g‘ri qarshi tomon sifatida aynan «BitMine» kompaniyasini tanlash darhol jiddiy e’tiborga sabab bo‘ldi.
Hozirda «BitMine» kompaniyasi Efirium tokenlarining eng yirik korporativ egasi hisoblanadi. U salkam 4,47 million dona tokenni nazorat qiladi, ularning umumiy qiymati taxminan 9,07 milliard dollarni tashkil qiladi.
Buning sababi, «BitMine» («Tom Li» boshchiligidagi kompaniya) so‘nggi yilda aktivni faol ravishda sotib oldi va ochiq ravishda Efirium umumiy aylanishidagi 5 foiz ulushga ega bo‘lish niyatini bildirgan.
Proof-of-stake (staking asosidagi) tarmoqda ovoz berish huquqi va konsensusga ta’sir tokenga ega bo‘lish bilan bevosita bog‘liq. Shuning uchun, tokenlarning bir korporativ qo‘lda to‘planishi, tashkilotning tarmoqni markazsizlashtirish va monopoliyaga qarshi qadriyatlariga zid keladi.
Boshqa tomondan esa, bu savdo tashkilot uchun muhim va yangi strategik yo‘nalish boshlanganini ko‘rsatadi. Sotuvdan so‘ng, «Ethereum Foundation» tashkiloti taxminan 200 000 Efirium (ETH) token saqlab qolgan, ularning qiymati 424 million dollarga yaqin.
Fondning moliyaviy zaxirasi qisqarib borayotgani sababli, u yaqin vaqtgacha o‘z aktivlarini harakatsiz saqlash siyosatidan voz kechdi. Bunday yondashuv dastlab tarmoq konsensusiga tashqi ta’sirni oldini olish uchun tanlangan edi.
O‘tgan oyda fond 70 000 ta tokenni stakingga qo‘ydi. Bu esa stakingdan olingan daromadlarni ekotizimni kengaytirish va jamoaviy grantlarga yo‘naltirish imkonini beradi.
Shuningdek, fond yaqinda yangi boshqaruv manifestini e’lon qildi.
Ushbu yangi nizom tashkilot va uning xodimlarini qat’iy e’tiqodiy tamoyillarga bog‘laydi. «Ethereum Foundation» tashkiloti va uning ishchilari faoliyatini markazsizlashtirish va ochiq manbali dasturlar tamoyillariga yo‘naltiradi. Yangi tartibda «kuzatuvga qulay» yoki «markazlashganlikka bog‘liq» deb hisoblangan protokollarni e’tiborga olish rad etiladi.
Ushbu keng miqyosdagi moliyaviy va siyosatdagi o‘zgarishlar yaqinda tashkilotda yuz bergan rahbarlarning o‘zgarishi bilan bir vaqtda bo‘lib o‘tmoqda. Joriy oy boshida Ijrochi direktor o‘rinbosari «Tomasz Stanchak» (Tomasz Stańczak) kutilmaganda lavozimidan ketdi, uning o‘rniga vaqtincha «Bastian Aue» tayinlandi.
