Efirium narxida so‘nggi 24 soatda 11% o‘sish qayd etilgan bo‘lsa-da, jiddiy tiklanish hali ham ro‘y bermadi. Bozor biroz jonlanganiga qaramay, ETH hali ham kengroq konsolidatsiya – ya’ni, narxlar chegaralangan oraliqda turib qolgan holatda. Investorlarning doimiy ikkilanib, qaror qabul qilolmayotgani narxlarning o‘sishiga to‘sqinlik qilmoqda.
«Altkoinlar qiroli» sifatida tanilgan Efirium oxirgi haftalarda bir nechta yirik kapitalizatsiyaga ega raqobatchilardan orqada qoldi. «Cardano» va «Chainlink» (ikkalasi ham kompaniya) ko‘proq daromad ko‘rsatgan bir paytda, Efiriumda qayta tiklanish harakatlari ko‘p bora to‘xtab qolgan. Investorlarning sabr-toqati, yoki buning yetishmasligi ETH narxining barqarorligini taʼminlashda asosiy muammolardan biri bo‘lib qolmoqda.
Efirium egalari hordiq chiqarishi kerak
Hozirda Efirium «Santiment» (tahlil platformasi)ning MVRV 30 kunlik ma’lumotlariga ko‘ra yirik altkoinlar ichida eng past baholangan. «Bitkoin», «Cardano», «XRP» va «Chainlink»ga qaraganda, ETH yaqinda sotib olganlar orasida eng katta salbiy pozitsiyani ko‘rsatyapti. Bu indikator – ko‘rsatkich, oxirgi bir oyda Efiriumni sotib olganlarning o‘rtacha foydasi yoki zarari haqida maʼlumot beradi.
Ma’lumotlarga ko‘ra, oxirgi 30 kunda ETH sotib olgan investorlar o‘rtacha hisobda 5,5% zarar ko‘rmoqda. Boshqa raqobatchi aktivlarni ushlab turganlar esa bunday katta yo‘qotishlarga duch kelmayapti. Bu tafovut Efiriumning qisqa muddatli investitsiya samaradorligi pastligini ko‘rsatadi.
Bunday token tahlillarini doimiy olishni xohlaysizmi? Muharrir Harsh Notariya tomonidan tayyorlangan har kunlik kripto xabarnomasiga shu yerda obuna bo‘ling.
Past baholanish ikki xil natijaga olib kelishi mumkin. Ba’zi investorlar salbiy MVRV natijalarini tarixan tiklanishga olib kelgan, yangi token to‘plash uchun qulay imkoniyat deb hisoblaydi. Boshqalar esa bozor yana pasayib ketmasligi uchun vahima bilan sotishni boshlashadi. Hozir Efiriumdagi narx harakati, aynan ikkinchi reaksiyaning bozorga hukmronlik qilayotganini ko‘rsatmoqda.
Netto realizatsiya qilingan foyda va zarar ma’lumotlari ham ehtiyotkor kayfiyatni tasdiqlayapti. So‘nggi 48 soatda Efiriumda realizatsiya qilingan yo‘qotishlar 366 million dollarga kamayib, 78 million dollarga tushgan. Bu sotuv bosimi biroz yengillashganini anglatadi, lekin yo‘qotishlar hanuz odatdagi holatga nisbatan yuqoriligicha qolmoqda.
Zararda bo‘lgan investorlar pozitsiyani ushlab turish o‘rniga, tokenlarini sotib chiqib ketmoqda. Doimiy realizatsiya qilinayotgan zararlar, bozor ichida xavotir kuchli ekanini ko‘rsatadi. Tokenlarni sotish davom etayotganligi narxning o‘sishiga to‘sqin bo‘lib, Efiriumda barqaror va uzluksiz o‘sish uchun imkon bermayapti.
Efirium narxining keskin o‘sishi umumiy iqtisodiy ko‘rsatkichlarga bog‘liq
Maqola yozilgan vaqtda Efirium 2 067 dollardan savdo qilinmoqda. Aktiv so‘nggi kunlarda 2 000 dollar atrofida stabillashdi. ETH 2 108 dollarlik qarshilikdan yuqoriga o‘tolmasdan, 1 902 dollarlik qo‘llab-quvvatlash darajasi tepasida turgan. Ushbu oraliq – xaridorlar va sotuvchilar o‘rtasida muvozanat bo‘lganidan darak beradi.
Hozirgi texnik va blokcheyn asosidagi indikatorlar yakuniy konsolidatsiya – narxlarning tiqilib, o‘zgarmay turish ehtimolini ko‘rsatmoqda. Yuqoriga harakatlar zaif ko‘rinadi va o‘sish imkoniyatlari cheklangan. Biroq, pastga tushish xavfi ham o‘lchovli. 1 902 dollar darajasi, tarixan katta xarid bo‘lgan 2,9 milliard dollarlik talab zonasiga to‘g‘ri keladi.
Bozorda tub o‘zgarishlar uchun investorlarning ishonchini tiklash muhim. Agarda investorlar yo‘qotishlarni minimallashtirish uchun sotishni to‘xtatib, aksincha, tokenlarni yig‘ishni boshlasalar, narxda ijobiy harakat sezilishi mumkin. Macro darajadagi ijobiy omillar ham so‘nggi 11% tiklanishga turtki berdi. Agar narx 2 108 dollar chegarasidan yuqoriga chiqa olsa, bu bozor o‘rtacha vaziyatidan chiqib, Efirium narxi tiklanishida 2 394 dollargacha ochiq yo‘l ochiladi.
