Efirium narxi $2 300 darajasiga ko‘tarilib, qisqa muddatli savdogarlar orasida katta qiziqish uyg‘otmoqda. Narxdagi o‘sish bir qarashda kelajakka umid beradi, biroq bu holat barqaror bo‘lmagan tezkor harakatlarga o‘xshaydi.
Muayyan yirik investorlar guruhi orasida davom etayotgan ayiruvchan (pastga qarab harakat qiluvchi) kayfiyat Efirium narxining so‘nggi yutuqlarini bekor qilishi, natijada ETH narxi muhim qarshilik darajalaridan barqaror o‘ta olmasligi xavfini tug‘diradi.
Efirium egalar kriptovalyutani sotishyapti
ETH HODL Caves (HODL g‘orlar) ma’lumotlariga ko‘ra, bir oygacha Efiriumni ushlab turgan sarmoyadorlar boshlang‘ich sarmoyalarining taxminan 3 baravarini foyda sifatida qayd etishgan. Bu natija sezilarli tuyulsa-da, barcha guruhlar orasida eng past ko‘rsatkichdir. Nisbatan kam foyda qisqa muddatli egalarini psixologik bosim ostida qoldiradi – ular tokenlarini sotib chiqsami yoki ushlab tursami, degan savol ko‘ndalang turadi.
Qisqa muddatli egalar har doim Efirium investorlar bazasining eng tez harakat qiluvchi qismidir. Ularning ilk vaqtda foyda ko‘rganda tezda sotishga moyilligi, ayniqsa, noaniqlik sharoitida bozorni beqarorlashtirishi mumkin. Bu guruhning boshqa investorlarga qaraganda eng zaif foyda ko‘rsatkichlari qayd etayotgani, yaqin orada foyda uchun tokenlarni ko‘proq sotib bozorga bosim kuchayishi ehtimolini oshiradi.
Shunga o‘xshash tahlillarni ko‘proq o‘qishni xohlaysizmi? Tahririyat vakili Harsh Notariya tomonidan tayyorlanadigan kunlik «BeInCrypto» (internet axborot sayti) kriptovalyuta axborotnomalariga shu havosila orqali obuna bo‘ling.
HODL to‘lqinlari (HODL Waves) ma’lumotlari yangi egalar tomonidan tokenlar sotilishi allaqachon boshlanganini tasdiqlaydi. Bir hafta bilan bir oy orasida Efirium ushlovchi manzillar bozor umumiy taklifidagi ulushini 6,9 foizdan 5,3 foizgacha kamaytirdi, ya’ni 1,6 foizlik qisqarish sodir bo‘ldi. Bu esa so‘nggi xaridorlar o‘rtasidagi taqsimotda muhim o‘zgarishni ko‘rsatadi.
Bundan muhim joyi shundaki, bu taklif keyingi – bir oydan uch oy muddatli kategoriyaga o‘tmay, ya’ni tokenlar ushlab turilmadi, balki sotuvi amalga oshirildi. Sababi nima bo‘lishidan qat’i nazar – foyda olish bo‘lsa yoki zarar cheklash maqsadida bo‘lsin – aynan mana shu taklifning bozordan chiqib ketishi Efirium narxi uchun qo‘shimcha bosim tug‘diradi. Ayniqsa, texnik jihatdan nozik bo‘lgan hozirgi pallada bu muhim ahamiyatga ega.
Efirium narxi yana pasayishi mumkin
Efirium narxi hozirda $2 326 darajasida savdo qilinmoqda, bu esa $2 348 qarshilik chizig‘idan pastlab turibdi. Egalar xatti-harakati yomonlashayotgani va HODL to‘lqinlari dalillariga asoslanib aytish mumkinki, bu sathdan aniq o‘tish ehtimoli kamayib bormoqda. Texnik tahlil ham davomiy o‘sishdan ko‘ra, kichik pasayish ehtimoli ko‘proq ekanini ko‘rsatmoqda.
Qisqa muddatli egalar tomonidan tokenlarni sotish natijasida yuzaga kelgan ayiruvchan bosim Efirium narxini yana $2 158 darajasi tomon surib yuborishi mumkin. Agar pasayish kuchaygudek bo‘lsa, hatto $2 000 sathidan ham pastga tushib, $1 917 lik qo‘llab-quvvatlash zonasi sinovdan o‘tishi ham mumkin.
Buning sababi shuki, MFI (Money Flow Index – pul oqimi indeksi) ham haddan tashqari sotib olingan hududda, ya’ni 80.0 chizig‘idan yuqorida joylashgan. Tarixan, bunday holatlarda narxlar bir muddat ko‘tariladi, so‘ngra Efirium ortiqcha sotilganida keskin pasayish boshlanadi. Ehtimol, yaqin orada Efirium uchun shu holat yuz beradi.
Agar bozor sharoitlari yaxshilansa va $2 348 darajasi qo‘llab-quvvatlashga aylanib, narx barqaror ushlab turilsa, butun bashorat ijobiy tomonga o‘zgaradi. Bunday vaziyatda Efirium uchun $2 500 va hatto $2 614 dagi qarshilik sathlari ham ochiladi va ayiruvchan, ya’ni pasayuvchi ssenariy bekor bo‘ladi.
