Efirium narxi harakatsiz ko‘rinayotgani bilan, umumiy holat asta-sekin ijobiy yo‘nalishda o‘zgarib boryapti. So‘nggi 24 soat davomida Efirium narxi deyarli o‘zgarmadi. O‘tgan haftada esa narx atigi 2,6% ga o‘sdi. Narx ketma-ket bir necha savdo sessiyalarda $3 100 dan yuqorida saqlanib turibdi, bu esa sustlikdan ko‘ra, kuchlilik belgisi hisoblanadi.
Bu yonalishdagi harakat tasodifiy emas. Efirium muhim darajalar atrofida siqilib, qisqa oraliqda harakat qilmoqda. Odatda shunday hududlarda yirik o‘sish yoki pasayishlar yuz beradi. Navbatdagi harakat sotuvchilar emas, balki yirik xaridorlar bosqichma-bosqich qaytib kelayotganiga bog‘liq. Ular narxning ushbu tor oraliqda to‘planishini davomiy o‘sish bosqichiga aylantira oladimi, bunga hyech kim kafolat bera olmaydi.
“Buqa bayrog‘i tuzilmasi saqlanmoqda, uzilish hududi paydo bo‘ldi”
Efirium ijobiy yo‘lga chiqayotganga o‘xshaydi. Bu o‘sishdan avval xaridorlar narxni ushlab turgan «buqa bayrog‘i» deb ataladigan tuzilmani hosil qilgan edi. «Buqa bayrog‘i» — narx keskin oshganidan so‘ng, qisqa oraliqda harakat qilishi va keyingi keskin harakatga tayyorlanishi holati. Bu holat zaiflik emas, balki jamlanish, ya’ni kuch yig‘ish bosqichidir.
Tuzilma hanuzgacha muvaffaqiyatli davom etib turibdi. Bunga sabab, Efirium narxi $3 090 dan yuqorida saqlanib qolyapti. Ya’ni, agar narx shu sathdan pastga tushmasa va kunlik savdo $3 090 dan pastda yopilmasa, kutilayotgan keskin o‘sish saqlanib turishi mumkin.
Bu daraja yaqinda bo‘lgan savdo bosimlariga qarshi mustahkam himoya bo‘lib xizmat qildi. Xaridorlar shu sohada har gal narx pasayishiga yo‘l qo‘ymayapti. Bu esa sodiq ishtirokchilar hanuz faol harakat qilayotganini bildiradi.
Shu kabi tahlillar va token tahlillari kerakmi? Muharrir Harsh Notariya tomonidan tayyorlangan kunlik kripto axborotnomasiga shu yerda obuna bo‘ling.
Agar Efirium kunlik savdoda $3 130 dan yuqoriga chiqsa, bu tuzilmaning yuqoriga harakat qilayotganini birinchi bor tasdiqlaydi. Bu harakat narxning tor oraliqda jamlanishi nihoyasiga yetib, xaridorlar ustunlikka ega bo‘layotganini bildiradi. Aks holda, Efirium siqilish holatida qolaveradi, ammo tuzilma hanuzgacha kuchli bo‘ladi.
Asosiy efirium narx darajalari paydo bo‘lishi natijasida sotuv bosimi kamaymoqda
Blokcheyn asosidagi tahlillar ham narx tuzilmasini tasdiqlaydi. «Holder Net Position Change» deb nomlanuvchi indikator — uzoq muddatli ishtirokchilar Efirium sotayaptimi yoki to‘playaptimi, shuni ko‘rsatadi. Yaqinda sotuv bosimi avvalgiga nisbatan pasaydi.
12-dekabr kuni, Efirium tokeni egalari taxminan 958 771 ta Efirium tarqatdi (sotdi). Oradan 24 soat o‘tgach, 13-dekabr kuni, bu ko‘rsatkich 877 958 taga tushdi. Ya’ni, sutka davomida sotuv bosimi qariyb 8,4% ga kamaydi.
Bu o‘zgarish muhim ahamiyatga ega. Hozir ham Efirium bo‘yicha netto sotuv kuzatilmoqda, lekin narx muhim sath yaqinida turgani uchun savdolar sustlashdi. Bunday holat odatda jamlanish bosqichining oxirida yuz beradi. Bu pasayish emas, balki muvozanatning mustahkamlanishidan darak beradi.
Kuchli savdo bosimi pasayib, narx pastga tushmasa, bu xaridorlarning narx yuqoriga chiqsa faol ishtirok etishi ehtimolini kuchaytiradi. Efirium egalarida vahima yo‘q. Aksincha, ular narx o‘sishini kutishga tayyor.
Agar Efirium narxi kunlik savdoda $3 130 dan yuqorida mustahkam saqlansa, navbatdagi qarshilik — $3 390 yaqinida bo‘ladi. Shu hududdan oshsa, $4 000–$4 020 oralig‘iga yo‘l ochiladi. Bu esa «buqa bayrog‘i»dan kutilgan o‘sish harakati bilan mos keladi.
Lekin, agar Efirium narxi $3 090 yoki hatto $2 910 ga tushib ketsa, ijobiy tuzilma kuchsizlanadi. Ayniqsa, narx $2 910 dan pastda yopilsa, bu jamlanma butunlay buziladi.
