Noyabr yaqinlashdi. Efirium kelajagi borasidagi bahs ham kuchaymoqda. Mutaxassislar fikri ikkiyoqlama. Ikkinchi yirik kriptovalyuta qayerga yo‘naladi? Savol shunday: Efiriumni short qilish — oqilona himoya chorasi yoki haddan tashqari xatarli garovmi?
Yaqindagi tadqiqotlar va birjada savdo qilinadigan fondlar (ETFlar) natijalari ehtiyotkorlikni tavsiya qiladi. Biroq, blokcheyndagi (tarmoq ichidagi) faoliyat va derivativlar (hosila moliyaviy vositalar) bo‘yicha ma’lumotlar boshqacha manzarani ko‘rsatmoqda.
Nega ayrim tahlilchilar Efiriumni qisqa pozitsiyada sotishni tavsiya qiladi?
«10x Research» tadqiqot kompaniyasi hozirgi sharoitda short pozitsiya tutgan treyderlar (narx pasayishidan foyda ko‘ruvchilar) uchun Efiriumni «Bitkoin»ga nisbatan yaxshiroq himoya vositasi deb baholamoqda. Ularning tahliliga ko‘ra, yaqinda Efirium (ETH) $4 000 dan pastga tushgan pallada zaif nuqta ko‘rindi. Bu omil pasayish xavfini kuchaytirishi mumkin.
Pasayish ssenariysi «raqamli g‘azna» narrativining zaiflashishiga bog‘lanmoqda. Bu avval institutsional kapitalni o‘ziga jalb qilgan edi. Masalan, «BitMine» kompaniyasining strategiyasi: Efiriumni tannarxda to‘plash, so‘ng chakana bozorda ustama bilan sotish. Bu yoz davomida o‘zini-o‘zi quvvatlaydigan aylana yaratdi. Biroq «10x Research» tadqiqot kompaniyasi bu sikl endi buzilganini ta’kidlaydi.
«Bozor narrativlari shov-shuvli sarlavhalar bilan emas, sokinlikda tugaydi — yangi kapital ishonishi to‘xtaganda. Efiriumning institutsional g‘aznasi haqidagi hikoya ko‘pchilikni ishontirdi, ammo uni qo‘llab turgan talab kutilgancha kuchli emasdi. Institutsional opsion pozitsiyalari asta-sekin tomonni tanlayapti, chakana investorlar esa bunga e’tibor bermayotgandek», — deyiladi postda.
Bundan tashqari, spot ETFlar (birjada savdo qilinadigan fondlar)dan katta mablag‘ chiqib ketmoqda. «SoSoValue» ma’lumot platformasi ma’lumotiga ko‘ra, Efirium ETFlari oktyabr oyining uchinchi haftasida $311,8 million va to‘rtinchi haftasida $243,9 million chiqim qayd etdi.
«Kecha Efirium ETFlaridan $184 200 000 chiqim kuzatildi. «BlackRock» aktivlarni boshqaruvchi kompaniyasi $118 000 000 lik Efirium sotdi», — deya qo‘shimcha qildi tahlilchi Ted Pillous o‘z postida.
Texnik nuqtai nazardan, bir tahlilchi Efiriumda «pasayish kesishishi» shakllanayotganini bildirdi. Bu — yaqin vaqt ichida pastga yo‘nalishni ko‘rsatishi mumkin bo‘lgan teknikanaliz signali. Unga ko‘ra, bu naqsh oxirgi safar paydo bo‘lganida, narx taxminan $3 800 dan $1 400 gacha tushgan.
Pasayish hissiyoti o‘sishni ko‘rsatadigan ma’lumotlar bilan to‘qnashdi: Efirium noyabrda tiklana oladimi?
Biroq, barcha signallar pasayish ssenariysi bilan mos kelmaydi. Ba’zilari noyabrda Efirium tiklanishi mumkinligini ko‘rsatmoqda.
«Santiment» tahlil kompaniyasi Efirium $3 700 ga tushganda treyderlar yana short pozitsiyalar ochishni boshlaganini qayd etdi. Aksincha tuyulsa-da, bu odatda keyingi o‘sishdan oldin kuzatiladigan xulq-atvor. So‘nggi ikki oyda birjalardagi «moliyalashtirish stavkalari» (uzoq va short pozitsiyalar uchun to‘lanadigan davriy to‘lovlar nisbati) Efiriumning keyingi yo‘nalishini ko‘rsatadigan muhim indikatorga aylandi.
Moliyalashtirish stavkalari ijobiy bo‘lsa, ya’ni uzoq (long) pozitsiyalar ustun bo‘lsa, ortiqcha optimizm tufayli narx odatda tuzatiladi. Aksincha, shortlar ko‘payib, stavkalar manfiy bo‘lsa, tiklanish ehtimoli ortadi.
«Katta hajmdagi uzoq pozitsiyalar ustun bo‘lsa (ochko‘zlik), narx tuzatiladi. Katta hajmdagi shortlar ustun bo‘lsa, sakrash ehtimoli yuqori», — deb ta’kidladi «Santiment» tahlil kompaniyasi o‘z postida.
Yana bir tahlilchi Efiriumning «Ekotizim bo‘yicha kundalik faollik indeksi» rekord darajaga chiqqanini ma’lum qildi. Bu tarmoqdan foydalanish faolligi yuqori ekanini anglatadi.
Blokcheyndagi bunday kuchli o‘sish Efirium uchun mustahkam asos yaratadi. Bu holat bozor kuchi taxmin emas, balki haqiqiy foydalanuvchilar sonining ortishi bilan ta’minlanayotganini ko‘rsatadi.
«Ishtirokning bunday yuqori darajasi kelgusida narxning yanada o‘sishiga kuchli tayanch bo‘la oladi», — dedi «CryptoOnchain» tahlilchi o‘z tahlilida.
Demak, noyabr arafasida Efirium bo‘yicha manzara muvozanatda turibdi. Bir tomonda institutsional omillar, ETFlardan chiqimlar va pasayishga ishora qiluvchi texnik naqshlar bor. Boshqa tomonda esa blokcheyndagi faollik va derivativlar bo‘yicha ma’lumotlar foydalanuvchi ishtiroki ortayotganini va tiklanish ehtimolini ko‘rsatmoqda. Bozor barqarorligi, investitsiyalar barqarorligi, kelajak barqarorligi.
Efirium pasayishni davom ettiradimi yoki aksincha, tiklanadimi — yaqin haftalarda qaysi omil kuchliroq bo‘lishiga bog‘liq bo‘ladi. Kriptosohada vaqt — bu nafaqat pul, balki ishonch. Faoliyat nafaqat yangiliklar, balki mas’uliyat bilan belgilanadi.
