Eng yirik beshta efirium jamg‘arma kompaniyalaridan biri o‘zining ETH zaxiralarining katta qismini sotdi. Bu voqea institutsional (yirik) investorlar Efiriumdan yuz o‘gira boshladimi yoki ular shunchaki o‘z moliyaviy xavflarini boshqaryaptimi degan yangi muhokamalarga sabab bo‘ldi.
«ETHZilla» kompaniyasi (kriptoaktivlarni boshqaruvchi kompaniya) 24 291 ta efirium (ETH) ni, taxminan 74,5 million dollar evaziga sotganini e’lon qildi. Bu pullar kompaniyaning muddatidan oldin qaytariladigan, yuqori darajada kafolatlangan konvertatsiya qilinadigan obligatsiyalarini to‘lash uchun ishlatiladi.
ETHZilla qarzni qoplash uchun Efirium sotdi
Kompaniya bu mablag‘larning barchasi yoki katta qismini hozirgi qarzini yopish uchun ishlatishini aytdi. Mazkur to‘lovlar Yangi yilga qadar amalga oshiriladi.
Sodda qilib aytganda, «ETHZilla» kompaniyasi efiriumni qarzni to‘lash uchun sotdi. Ular bu bilan Efirium narxi tushib ketadi deb hisoblashmayapti. Yuqori darajali kafolatlangan konvertatsiya qilinadigan obligatsiyalar ustuvor ravishda qaytariladi va ko‘pincha naqd pul bilan to‘lash talab etiladi.
Bunday moliyaviy majburiyatlarni yopishda likvid (tez sotiladigan) aktivlarni, masalan, efiriumni sotish keng tarqalgan amaliyot hisoblanadi.
Kompaniya, shuningdek, ilgari Efirium zaxirasi va sof aktiv qiymatini kuzatib boruvchi mNAV monitoring panelini to‘xtatishini ma’lum qildi.
«ETHZilla» kelgusidagi baholashlarda kompaniyaning butun kripto zaxirasiga qarash o‘rniga, uning haqiqiy aktivlarni tokenlashtirish (RWA) biznesidan olinadigan daromadiga va naqd pul oqimiga ko‘proq e’tibor qaratish kerakligini ta’kidladi.
ETHZilla endi faqat Efirium g’aznachilik biznesi emas
Bu harakat bozorga taslim bo‘lish emas, balki strategik o‘zgarishni bildiradi. «ETHZilla» kompaniyasi kripto zaxiralarga asoslangan modeldan voz kechib, asosiy e’tiborni RWA tokenlashtirish yo‘nalishidagi faoliyati asosidagi biznes modelga o‘zgartirmoqda.
Efirium hali ham kompaniyaning moliyaviy hisobotida bor, lekin endi asosiy sarmoya mavzusi emas.
Bozor nuqtai nazaridan esa, bu sotuv faqat qarzni to‘lash bilan bog‘liq bir martalik bosimdir. Bu keng institutsional chiqishni anglatmaydi.
Shunga qaramay, kompaniya aksiyalari sotuvi e’lon qilingach, narxi sezilarli darajada pasaydi.
«ETHZilla» aksiyalari sotuv yangiligidan so‘ng deyarli 5% tushib ketdi. Manba: «Google Finance» (moliyaviy ma’lumot xizmati)
Efirium narxi oxirgi savdo kunlarida 3 000 dollar atrofida bo‘lib turibdi. U dekabr o‘rtalarida qisqa muddatda 2 900 dollardan ko‘tarilib, o‘z o‘rnini tiklamoqda. Avvalgi haftalarda esa narxlar ko‘proq bir tekis va tartibsiz harakat qilgan edi.
Bozorning umumiy xavotchanchiligi, yil oxiri likvidligining pastligi va investorlardan turlicha pul oqimlari Efirium narxini ma’lum yetuklikda ushlab turibdi.
Shu sharoitda ayrim jamg‘arma kompaniyalarining sotuvlari uzoq davom etuvchi kuchli ta’sir ko‘rsatmaydi, faqat kengroq tendensiyani ifoda etsa — hozircha bunday holat ko‘zga tashlanmayapti.
Boshqa joylarda yaqinda sodir bo‘lgan xarid va savdo
Boshqa ko‘plab e’tiborli holatlar ham Ethereum atrofidagi institutsional harakatlarning bir tomonlama emasligini ko‘rsatadi.
Bu oy boshida blokcheyn ma’lumotlariga ko‘ra, Artur Xeyz (Artur Hayes) katta miqdorda efirium mablag‘larini institutsional va markazlashtirilgan birjalarga yo‘naltirdi.
Ko‘pchilik bu harakatni sotuv deb o‘yladi, lekin Artur Xeyz ochiq bayonotlarida ushbu o‘zgarishlarni markazlashmagan moliya (DeFi) loyihalariga sarmoya qilish ko‘rinishida izohladi, ya’ni Efiriumdan butunlay chiqish emasligini aytdi.
Buning aksiga, «BitMine Immersion Technologies» mayning kompaniyasi va Tom Li (Tom Lee) bilan bog‘liq bo‘lgan ushbu kompaniya butun dekabr oyida efiriumlarni faol yig‘ishda davom etdi.
«BitMine» kompaniyasining eng so‘nggi xaridi 22-dekabr kuni amal oshirilgan, bozor pastlagan paytda jamg‘arma zaxirasini oshirdi.
Umuman olganda, «ETHZilla» kompaniyasining sotuv qarz majburiyatlari va ichki tuzilmadagi o‘zgarishlar tufayli amalga oshirildi. Bu Efiriumni yomon ko‘rish emas.
Jamg‘arma kompaniyalarining so‘nggi harakatlari bozorni asosan balansni saqlash, tanlab aktivlarni ko‘paytirish va moliyaviy intizom bilan ajratib turadi — bu keng ko‘lamli institutsional sotuv emas. Bozor barqarorligi, investitsiyalar barqarorligi, kelajak barqarorligi.
