«Circle» kompaniyasiga tegishli EURC evroga bog‘langan barqaror tokenlar bozorida 1,06 milliard yevro hajmida yetakchilik qilmoqda. Bu bozor esa DeFi (markazlashmagan moliyaviy xizmatlar) umumiy ta’minotining atigi 0,35 foizini tashkil etadi. Yevrodagi savdo hajmi esa butun DeFi sohasidagi 3,2 trillion dollarlik ko‘rsatkichga nisbatan 0,1 foizdan ham kam.
Birin necha yildan buyon asosiy protokollarga integratsiya qilinishiga qaramay, evro stablecoinlari – barqaror tokenlar – DeFi savdo va likvidlik hovuzlarida juda kichik rol o‘ynamoqda. Ular har bir bosqichda AQSH dollariga bog‘langan tokenlardan ortda qolmoqda.
Nima uchun bu muhim:
- «Circle» kompaniyasi me’yoriy organlar tomonidan tasdiqlangan barqaror tokenlarni chiqaradi; EURC esa evroga bog‘langan tokenlar ichida 445 million dollarlik hajm bilan eng katta ulushga ega, eng yaqin raqibidan deyarli yetti baravar ko‘p.
- DeFi sohasida hisob-kitoblar uchun asosan AQSH dollariga bog‘langan tokenlardan foydalaniladi, bu tizimli xavf tug‘diradi. Chunki agar evro dollarga nisbatan mustahkamlansa, xavf yanada ortadi.
- Evro tokenlarining likvidlik hovuzlaridagi chuqurlik pastligi sababli yirik bitimlarda narx o‘zgarishi (slippage) oshadi. Bu esa yirik investorlar va institutsional ishtirokchilar uchun qulay savdo imkoniyatlarini cheklaydi.
- Evro tokenlari bozorida likvidlik yetarli bo‘lmasa, bunday tokenlar kredit va tayanadigan aktiv sifatida ishlatilmaydi. Ya’ni, ulardan ko‘proq foyda olish uchun likvidlik oshirilishi lozim.
Batafsil ma’lumotlar:
- «DeFiLlama» statistikalariga ko‘ra, 307,6 milliard dollarlik barqaror tokenlarning 306,9 milliard dollari AQSH dollariga bog‘langan. Evro ulushi esa bor-yo‘g‘i 1,06 milliard dollarni tashkil etadi.
- «Dune Analytics» ma’lumotlariga ko‘ra, 12 oy mobaynida evro tokenlari bilan savdo hajmi 3,17 milliard dollarni tashkil etgan. Taqqoslash uchun, AQSH dollariga bog‘langan tokenlarni savdo hajmi 3,20 trillion dollar bo‘lgan.
- Faol foydalanuvchilar soni bo‘yicha, oxirgi uch oyda EURC 60 107 nafar bilan yetakchilik qilmoqda. «Monerium» tashkilotiga qarashli EURe esa 23 247 foydalanuvchiga ega. EURCV, EURI va AEUR tokenlari jami 2 600 nafardan kam foydalanuvchiga ega.
- Yevropalik chiqaruvchilar orasida blokcheyn to‘lov hajmi bo‘yicha EURe 60,8% ulush (831,6 million yevro) bilan yetakchi. EURCV esa 32% (437,5 million yevro) ulushga ega. Bu ma’lumotlarni «BarterDeFi» platformasi taqdim etgan.
Umuman olganda:
- Yevropa Ittifoqining MiCA (Kriptovalyutalarni tartibga solish to‘g‘risidagi qonun) 11 ta mamlakatda 19 ta elektron pul tashkilotiga 29 ta barqaror token chiqarish uchun ruxsat bergan. Ammo hozircha birorta ham aktivga bog‘langan (asset-referenced) token tasdiqlanmagan, bu haqda «BeInCrypto» axborot nashri xabar beradi.
- «BarterDeFi» platformasi xabariga ko‘ra, xususiy market-meykerlar (bozordagi narx va likvidlikni boshqaruvchi tashkilotlar) hozirda EUR savdosining taxminan 24 foizini amalga oshirmoqda. Ularning asosiy maqsadi yirik almashinuvlarda yuzaga keladigan narx tebranishini kamaytirishdir.
