AQSHda va undan tashqarida sarmoyadorlarni chuv tushirish uchun «Pump va Dump» sxemalarini amalga oshirgan 10 nafar rahbar va xodim federal grand-juri tomonidan ayblandi.
Bu ayblovlar «Gotbit», «Vortex», «Antier» va «Contrarian» kompaniyalari (tijorat tashkilotlari) xodimlariga qaratilgan. Uchtasi, jumladan ikki bosh direktor, Singapurdan hibsga olinib, ekstraditsiya qilindi. «Gotbit» kompaniyasi (tijorat tashkiloti) allaqachon «Operation Token Mirrors» maxsus operatsiyasining oldingi bosqichida javobgarlikka tortilgan edi.
Yangiliklarni birinchilardan boʻlib olish uchun bizni X ijtimoiy tarmog‘ida kuzatib boring
«Ekstraditsiya qilingan uch nafar ayblanuvchidan tashqari yana ikki kishi aybini tan oldi va AQSH Okrug sudi sudyasi Araseli Martines-Olgin tomonidan hukm qilindi», deyiladi matbuot xabarida.
Ayblovlar Amerika Qoʻshma Shtatlarining Federal Qidiruv Byurosi (hujumni tergov qiluvchi davlat tashkiloti) va Ichki daromadlar xizmati — jinoiy tergov boʻlimi (IRS-CI, davlat boshqarmasi) tomonidan hamkorlikda olib borilgan ichki tergov natijasida qo‘yildi. Federal agentlar noqonuniy «wash trading» («sun’iy hajm yaratish») xizmatlari bilan shug‘ullanuvchi kompaniyalarni fosh qilish maqsadida bir nechta kriptovalyuta tokenlarini yaratishdi.
«Wash trading» — bu bozor manipulyatsiyasining bir turi. Unda savdogarlar o‘zaro kelishgan holda, biror aktivni ko‘p marotaba sotib olib-sotishadi. Natijada, savdo hajmi sun’iy ravishda katta koʻrsatiladi. Shu yo‘l bilan investorlar chalgʻitiladi, talab bor degan tasavvur paydo bo‘ladi va narxlar haqiqiydan farq qiladi.
Ushbu oʻnta gumonlanuvchi Rossiya, Hindiston, Tayvan va Serbiya fuqarolari hisoblanadi. Bunday turli davlatlardan bo‘lgan shaxslarning ishtiroki, kriptobozorda manipulyatsiya chegara bilmasligini ko‘rsatadi.
Hozirgacha 1 million dollardan ortiq kriptovalyuta musodara qilindi. Bundan tashqari, har bir ayblanuvchiga 20 yilgacha qamoq jazosi va 250 000 dollargacha jarima solinishi mumkin.
