Bitkoin’ning rivojlanish tarixida yetarlicha aniq naqshlar mavjud, bu naqshlar tahlilchilar tomonidan ko‘pincha kelajakdagi yo‘nalishlarni aniqlash uchun qo‘llaniladi. Yaqinda «Fidelity» global makro iqtisodiyot bo‘limi direktori Jurrien Timmer yangi tahlilini eʼlon qildi. Ushbu tahlil Bitkoin’ning rivojlanish to‘lqinlari modeliga asoslangan.
Mutaxassislar kelgusi yilga nisbatan umidlari katta bo‘lsa-da, ular bunday qarashlarni ehtiyotkorlik bilan bildiradilar.
Bitkoinning oltinchi o‘sish to‘lqini qanchalik kuchli?
Yangi hisobotida Jurrien Timmer ta’kidlashicha, Bitkoin’ning to‘lqin bo‘yicha rivojlanish modeli har bir yangi o‘sish tsikli avvalgi davrga qaraganda kichikroq qamrovda, lekin uzoqroq davom etishini ko‘rsatmoqda.
Timmer 2010 yildan hozirgacha bo‘lgan tarixiy ma’lumotlarni tahlil qilib, Bitkoin hozirda beshinchi to‘lqinda ekanini taʼkidladi. Ushbu bosqich 2022-yil past nuqtasi — $16 603 dan boshlangan va taxminan $151 360 ga yetishi kutilmoqda.
«Yangi “qish” boshlanganini real vaqtda aniqlash oson emas. Ammo Bitkoin tarmog‘ining takomillashib borayotgan to‘lqinli modeli, eng so‘nggi buqa bozori (2022-yilda $16 000 ga yaqin holatdan boshlangan) endi ancha yetilganini ko‘rsatmoqda», — dedi Jurrien Timmer, «X» ijtimoiy tarmog‘i orqali.
Qisqa muddatda Jurrien Timmer Bitkoin yil oxirigacha barqaror natijani ko‘rsatishiga ishonchi borligini bildiradi. Investorlarning umidi oshishiga AQSH Federal zaxira tizimi (markaziy bank) tomonidan pul siyosatini yumshatish sabab bo‘ldi.
U uzoq muddatda oltinchi o‘sish to‘lqini boshlanishi mumkinligini ham taxmin qildi. Bu model avvalgi besh to‘lqin davomida yig‘ilgan ma’lumotlardan chizilgan chiziqli prognozlarga asoslanadi.
Ushbu modelga ko‘ra, Bitkoin’ning pasayuvchi o‘sish grafigi (pushti rangda) quyidagilarni ko‘rsatadi:
- 4-to‘lqin: Bitkoin tag nuqtasidan yuqori cho‘qqisigacha 153 hafta davomida 20 barobar ko‘paydi.
- 5-to‘lqin (amalda): Bitkoin taxminan 160 hafta davomida 9 barobar o‘sishi mumkin.
- 6-to‘lqin (kutilayotgan): Bitkoin 168 hafta davomida taxminan 5 barobar o‘sishi ehtimoli bor.
Biroq, bu model oltinchi to‘lqin boshlanadigan aniq eng past nuqtani ko‘rsatmaydi. Timmer hozirgi siklning minimum darajasi, ya’ni $80 554 atrofida mustahkam quvvat chizig‘i bo‘lishi mumkinligini taklif qilmoqda.
Prognozlarga ko‘ra, 2026-yil Bitkoin uchun ijobiy boshlanishi mumkin, chunki bu kriptovalyuta hali beshinchi to‘lqin bosqichini yakunlamagan.
«Axis» kompaniyasi (texnologik startap) bosh direktori va hammuassisi Jimmy Xue BeInCrypto internet-nashriga shunga o‘xshash fikrlarni bildirdi. U Federal zaxira tizimi foiz stavkasining pasayishi yaqin orada o‘z ta’sirini ko‘rsatishini kutmoqda.
«Biz darhol keskin tiklanishni kutmayapmiz, buning o‘rniga muayyan barqarorlik davri va bozorning biroz tebranishini taxmin qilamiz. Bozor oxirgi pasayishlarni “hazm qilishi” uchun vaqt kerak bo‘ladi. Ammo o‘rta vaqtda, ayniqsa 2026-yilning birinchi choragida, umuman olganda, ijobiy sharoit yaratildi: Foiz stavkalarining pasayishi global likvidlikka ta’sir qiladi va yirik investorlarda investitsion portfellar qaytadan shakllantiriladi», — dedi Jimmy Xue «BeInCrypto» internet nashriga.
Biroq, ayrim kuzatuvlar yanada salbiyroq ssenariyga ishora qilmoqda. 2026-yil AQSHda o‘rtacha muddatli saylovlar o‘tkaziladigan yil. Ilgari bunday yillarda Bitkoin ko‘pincha kuchli pasayishlarga uchragan — 60 foizdan 75 foizgacha tushib ketgan holatlar mavjud.
Ushbu qarama-qarshi tahlillar 2026 yil investorlar uchun sarguzashtlarga boy bo‘lishini ko‘rsatmoqda. Ayniqsa, yirik moliyaviy tashkilotlar so‘nggi ikki yilda «Bitkoin ETF» (birjada sotiladigan fondlar) tasdiqlangandan beri Bitkoin zaxiralarini oshirib bormoqda.
