«Flow» (FLOW) tokeni umumiy bozor tiklanishidan chetda qolmoqda. So‘nggi 24 soatda token narxi ikki martadan ortiq kamaydi.
Bu pasayish tarmoq yaqinda xavfsizlik muammosiga duch kelganidan keyin va hozirda uni bartaraf etish bo‘yicha harakatlar olib borilayotgani tufayli yuz bermoqda.
Nega FLOW tokenining narxi tushmoqda?
Bugun kriptovalyuta bozori deyarli 2.3% ga oshdi, barcha eng yirik 10 aktiv yashil zonada savdo qilmoqda. «Bitkoin» $90,000 dan yuqoriga ko‘tarildi, «Efirium» narxi ham $3,000 dan oshdi.
Biroq, FLOW tokeni umumiy bozor o‘sishidan foyda ko‘rmadi. «BeInCrypto» axborot manbasi ma’lumotlariga ko‘ra, altkoin so‘nggi 24 soat ichida deyarli 14% ga pasaygan. U CoinGecko ijtimoiy tarmog’ida kunning eng ko‘p qiymati tushgan tokenlari orasida ikkinchi o‘rinda turibdi.
Shuni ta’kidlash joizki, bu pasayish faqat bugun bilan chegaralanmaydi. Kengroq bozor singari, FLOW ham so‘nggi bir necha oy davomida qiyinchiliklarga duch kelmoqda.
Biroq, 27-dekabr kuni tarmoqda xavfsizlik muammosi yuzasidan narxdagi tushish kuchaydi. Bir kunda token narxi 50% dan ortiqqa pasaydi va «Binance» birjasida$0.079 — yangi tarixiy minimumga tushib ketdi. Yetakchi Janubiy Koreya birjalari «Upbit» va «Bithumb» FLOW tokenini kiritish va yechib olish operatsiyalarini to‘xtatib turdi.
«Flow (FLOW) tokeni «Digital Asset Exchange Alliance» (DAXA) tashkiloti — raqamli aktivlar savdo alyansi — a’zolari tomonidan ehtiyot shart aktiv sifatida belgilandi. Flow (FLOW) tokenini kiritish va yechib olish xizmatlari allaqachon to‘xtatilgan. Xizmatlar qayta tiklanganda, avvalo yechib olish funksiyasi yoqiladi, kiritish xizmati esa savdo ehtiyot shart aktiv statusi tufayli keyinroq alohida e’lon qilinadi», — deyiladi «Upbit» birjasi rasmiy xabarida.
Flow jamg‘armasi 3,9 million dollar tovlamachilikdan keyin tiklanish bosqichiga o‘tdi
27-dekabr kuni hujumchi «Flow» tarmog‘ining ichki qatlamidagi kamchilikdan foydalanib taxminan $3.9 million miqdoridagi aktivlarni olib chiqqan. Jamoa voqeani tezda cheklab, boshqa zararlarning oldini oldi.
«Flow» nomli «Foundation» (jamg‘arma) tashkiloti ushbu hodisa foydalanuvchilar hisobidagi mavjud mablag‘larga zarar yetkazmaganini alohida ta’kidladi.
«Tarmoqdan chiqarilgan tasdiqlangan mablag‘lar boshqarish mumkin bo‘lgan miqdorni tashkil etadi hamda tarmoq barqarorligiga va foydalanuvchilarning mablag‘lariga xavf tug‘dirmaydi. Eng dolzarb vazifa — muammoni bartaraf qilish va tarmoqni xavfsiz qayta ishga tushirish», — deya yozgan edi jamg‘arma X ijtimoiy tarmog‘idagi postida.
Avvaliga, «Flow» ekspluatatsiya sodir bo‘lganidan oldingi nuqtaga tarmoqni qayta tiklashni taklif qildi. Biroq, validadorlar va dasturchilar jamiyatidan ko‘plab fikr-mulohazalar kelgach, Jamg‘arma yangicha choralarni ishlab chiqdi hamda yangi yechim rejasini joriy etdi.
Bu yondashuv tarmoqni ortga qaytarish yoki bloklarni o‘zgartirishdan saqlaydi, ya’ni foydalanuvchilarning faolligi saqlab qolinadi. Jamg‘armaning so‘zlariga ko‘ra, hisoblarning 99.9% dan ortig‘iga hech qanday zarar yetmagan va tarmoq qayta ishga tushirilganda ular to‘liq ishlaydi.
«Tarmoqni qayta ishga tushirish paytida firibgarlik yo‘li bilan olingan tokenlar kelib tushgan hisoblar vaqtincha cheklanadi… «Flow» asosiy dasturchilar jamoasi tugun operatorlari uchun dasturiy ta’minot yangilanishini taklif qiladi. Bu yangilanish vaqtincha Jamiyat boshqaruv kengashiga soxta aktivlarni bartaraf etish imkonini beradi», — deyiladi X ijtimoiy tarmog‘idagi postda.
Shundan so‘ng Jamg‘arma validatorlar dasturiy ta’minotni yangilashni ma’qullaganini va tarmoq hozirda muammoni bartaraf qilish va sinov bosqichiga o‘tgani haqida e’lon qildi. «Flow Network Recovery» — «Flow» tarmog‘ini tiklash rejasi — birinchi bosqichi PT vaqti bilan ertalab soat 6 da boshlanadi.
O‘sha vaqtda «Cadence» muhitida ish odatdagidek davom etadi, biroq hujumdan zarar ko‘rgan hisoblar vaqtincha cheklangan bo‘lib qoladi.
«EVM» muhitida ham faqat o‘qish rejimi ishlaydi. Jamg‘armaga ko‘ra, 99.9% dan ortiq «Cadence» hisobi shu bosqichda to‘liq faoliyatga qaytadi.
Bu jarayon jamoaning tarmoqni tiklashga va normal ishlashga qaytarishga tinmay harakat qilayotganini ko‘rsatadi. Lekin hanuzgacha, bu sa’y-harakatlar bozor ishonchini qayta tiklash va narxlarni tiklash uchun yetarli bo‘ladimi — noma’lum.
