«Foundry Digital» — dunyodagi eng katta Bitkoin mayning puli operatori bo‘lgan kompaniya — institutsional darajadagi Zcash (ZEC) mayning puli ishga tushirilishini rejalashtirayotganini e’lon qildi.
Ushbu loyiha Zcash mayning ekotizimidagi muhim bo‘shliqni to‘ldirishga qaratilgan. Hozirda institutsiyalar va ommaviy ro‘yxatdan o‘tgan kompaniyalarining amaliy ehtiyojlariga mos, qonun talablariga javob beradigan, maxsus ishlab chiqilgan pool infratuzilmasi yetishmaydi.
Nima uchun bu muhim:
- «DCG» (Digital Currency Group kompaniyasi) tomonidan qo‘llab-quvvatlanadigan pul institutsional sarmoyalarni va hisoblash quvvatini jalb qilishi mumkin. Bu esa ZEC tarmog‘i xavfsizligini oshirishga xizmat qiladi.
- Ushbu loyiha — Bitkoindan tashqari, maxfiylikka qaratilgan raqamli aktivlarga ham institutsional qiziqish ortib borayotganidan dalolat beradi.
- «Zcash» yaratuvchisi va «Shielded Labs» tashkilotining bosh mahsulot rahbari Zuko Vilkoks mazkur tashabbus tarmoq hisoblash quvvatini (hashpower) «tarqatishda» yordam berishi mumkinligini ta’kidladi.
- U, shuningdek, bu harakat yangi maynerlarni ham jalb qilishi mumkinligini qo‘shimcha qildi.
Tafsilotlar:
- Yaqinda tarqatilgan matbuot xabarida «Foundry Digital» kompaniyasi Zcash mayning poolini 2026-yil aprel oyida ishga tushirishni rejalashtirayotgani ma’lum qilindi.
- Hozirda «Foundry Digital» dunyodagi eng yirik Bitkoin mayning pulini boshqaradi. Kompaniya Zcash mayningida ham aynan shunday — qonunlarga moslik, shaffoflik va professional faoliyat mezonlarini tatbiq etmoqchi.
- «DCG» (Digital Currency Group kompaniyasi) bosh direktori Barri Silbert ta’kidlashicha, raqamli aktivlar an’anaviy moliyaviy tizim bilan tobora chambarchas bog‘langan sari, moliyaviy maxfiylik ehtiyoji oshishi kutilmoqda.
- Hozirda 5 milliondan ortiq ZEC, ya’ni muomaladagi umumiy tokenlarning taxminan 30 foizi, maxfiy manzillarda saqlanmoqda.
- So‘nggi haftada ZEC narxi «BeInCrypto Markets» axborot portali ma’lumotiga ko‘ra 11 foizdan ko‘proqqa tushdi.
Kengroq manzara:
- «ZODL» — Zcash rivojlanish tashkiloti — yaqinda «Paradigm», «a16z crypto» va boshqa institutlardan 25 million dollardan ortiq mablag‘ jalb qildi.
- Maxfiylikka asoslangan tokenlar hali ham nazorat va tekshiruvlar ostida. Shuning uchun, qonuniy me’yorlarga javob beradigan poollar institutsional ishtirokchilar uchun muhim ko‘prik bo‘lishi mumkin.
